Bõe tɩ y yiis-d Ezipt tẽnga n tall n wa zĩ wẽngẽ ka? Ka zĩig sẽn tõe n bʋd kood ye, ka tõe n sel kankanga bɩ bugsuntungu, bɩ tɩɩg ninga sẽn womd wa poaloanga ye. Ko yũudem meng ka ye.»
«Dɩk f rasaarã, la yi ne a Aarõ, n tigim nebã. Gom ne pĩiga bãmb fãa gill taoore la pĩiga na kõ-y koom tɩ y yũ. F na n kɩtame tɩ pĩiga pusg koom tɩ f kõ neba tɩ b yũ, bãmb ne b rũmsi.»
Soaala-Wẽnd yeela a Moyiiz ne a Aarõ: «Yãmb pa tẽ maam ye, y ka maan tɩ Israyɛl kils m yʋʋra t'a sãd moog ye. Rẽ yĩngã ka yãmb n na n tall buudã n kẽes m sẽn kãab-a tẽng ninga pʋg ye.»
Dẽ me yĩng la kooma sẽn pusg zĩig ninga pʋd tɩ Meriba, tɩ zabr koom, tɩ zĩ-kãnga a Israyɛl bao zabr ne Soaala-Wẽnde la Soaala-Wẽnd tũ rẽ n puk b sõmblem.
Bas-d tɩ d tũ f tẽngã n looge! D kõn bʋdg f pʋtẽ, d kõn bʋdg f bugsuntundẽ ye. D kõn yũ f bulsa kom ye. So-kõodra la d na n tũ n ka bʋdg goabga, n ka bʋdg rɩtgo, al n wa yi f soolmẽ.»
Israyɛl kamba taas-a-la gomd kãnga: «Yaa so-kõodra bal la d na n dɩke, la d sã n sɩɩs f koom menga, d na bao ligdi n yao-fo. D sẽn kot bũmb ning bala, yaa d paam sor n loog ne nao.»