Wɛn di kiŋ na Arad, wan pan di siti dɛn na Kenan, we tap na di Nɛgɛv, yɛri se Izrɛl de pas bay di rod fɔ go Atharim, i mek in man dɛn atak di Izrɛlayt dɛn ɛn kapchɔ sɔm pan dɛn.
dɛn bigin grɔmbul pan PAPA GƆD ɛn pan Mozis. Dɛn se wetin mek dɛn pul dɛn kɔmɔt nɔ Ijipt fɔ mek dɛn kam day na di ɛmti land we pɔsin nɔ go ebul tap. Dɛn se bred nɔ de de, wata nɔ de de ɛn dɛn nɔ want di nasti it we dɛn gɛt fɔ de it.
Di pipul dɛn go mit Mozis ɛn beg am mek i pre mek PAPA GƆD drɛb di snek dɛn. Dɛn se, “Wi dɔn du bad we wi grɔmbul pan PAPA GƆD ɛn pan yu. Duya pre mek PAPA GƆD pul dɛn snek ya kɔmɔt pan wi. So Mozis insɛf pre fɔ di pipul dɛn.
Dɛn lɛf de ɛn kamp na Anɔn rod we de insay di ɛmti land we pɔsin nɔ go ebul tap bɔt go te rich usay na di Amɔrayt dɛn ples. Anɔn na di bɔda fɔ Moab. Nain de bitwin Moab ɛn di Amɔrayt dɛn.
Siŋ bɔt di wɛl we bigman dɛn bin dig, di wɛl we di aristo dɛn drink pan dɛn aristo we na kiŋ dɛn wit dɛn tik.” Dɛn kɔmɔt na di ɛmti land we pɔsin nɔ go ebul tap go na Matana,
Di mɛsej na fɔ lɛ i gri mek dɛn pas insay in kɔntri. Dɛn se dɛn nɔ go bɛn nɔn say ɔ drink wata frɔm ɛni wɛl. Dɛn se na di men rod nɔmɔ dɛn go waka te dɛn kɔmɔt insay in kɔntri.
Bɔt Kiŋ Sayɔn nɔ gri mek dɛn pas insay in kɔntri. Bifo dat i gɛda ɔl in sojaman dɛn fɔ go mit di Izrɛlayt dɛn insay di ɛmti land we pɔsin nɔ go ebul tap. Wɛn dɛn rich Jeaz nain dɛn fɛt wit di Izrɛlayt dɛn.
Pan ɔl dat, Izrɛl kil am ɛn tek in land frɔm Anɔn to Jabɔk nain an. Dɛn nɔ ebul tek pas dat nain an bikɔs di Amonayt dɛn we bin de na di bɔda bin gɛt gud sikyɔriti de.
Ɛshbɔn na bin di big siti usay Kiŋ Sayɔn we na bin di Amɔrayt dɛn kiŋ bin tap, afta i bin dɔn fɛt wit di fɔstɛm kiŋ na Moab ɛn tek ɔl in land dɛn nain an te rich Anɔn.
E Moab, una alaki! Di pipul dɛn na Kimɔsh, una dɔn dɔn! I dɔn mek in bɔypikin dɛn rɔnawe ɛn Kiŋ Sayɔn, di kiŋ fɔ di Amɔrayt dɛn dɔn kech ɔl in gyal pikin dɛn.
PAPA GƆD tɛl Mozis se, “Nɔ fred am bikɔs a dɔn gi yu in, in pipul dɛn ɛn in land. Yu fɔ du am wetin yu bin du to Kiŋ Sayɔn, di Amɔrayt dɛn kiŋ we bin de rul Ɛshbɔn.