×

Ñanderuete Ñe’ẽ Porã 2015

25

1
Israel oiko ramoguare Sitímpe, hetãyguakuéra oñepyrũ oiko Moab rajykuéra ndive,
2
ha umi kuñataĩ ogueraha Israel kuimba’ekuérape oikuave’ẽ ha omomba’eguasu hag̃ua ijára Baal-Peórpe ha ho’u hag̃ua avei ikuave’ẽmby ro’okuégui.
3
Upéicha heta Israelgua oho Baal-Peor rapykuéri; ha Ñanderuete ipochy Israelguakuéra ndive.
4
Ha Ñanderuete he’i Moiséspe: Eguenohẽ tríbu ruvichakuérape ha ejuvy ichupekuéra kuarahy renondépe, ha pende Jára pochy ojeíta Israélgui.
5
Upémaramo Moises he’i umi Israel mbojovakehárape: Peteĩteĩva pejuka pende reheguakuérape oñembojoajúva Baal-Peor rehe.
6
Ha peteĩ kuimba’e Israelgua ogueru peteĩ kuña Madiangua ityke’yrakuéra apytépe, Moises resa renondépe ha mayma ambue Israel ñemoñarenguéra aty resa renondépe, ha’ekuéra ojahe’o jave pe óga jojohuha rokẽme.
7
Ha Finees, Eleazar ra’y, pa’i Aaron ra’y, opu’ã pe aty pa’ũgui, ha ojapyhy peteĩ yvyrapuku akua (lánza) ipópe,
8
ha oho pe kuimba’e Israelgua róga tymba pirekue peguápe ha oikutu mokõivévape ijyvyra puku akuápe, pe kuimba’e Israelguápe ha pe kuñáme oikutu hyépe. Ha opi pe ñemanoguasu Israel ñemoñarenguéra apytépe.
9
Pe ñemanoguasu jave omano 24.000 kuimba’e ha kuñakuéra.
10
Upéramo Ñanderuete oñe’ẽ Moiséspe, ha he’i:
11
Finees, Eleazar ra’y, pa’i Aaron ra’y, oipe’a che pochy Israel ñemoñarenguéra apytégui, ha’e ohechauka hakate’ỹha che réra rehe; upévagui nahundíri che pochy rupi opaite Israel ñemoñarenguérape.
12
Upévagui ere ichupekuéra: Péina ápe Che ame’ẽ che ñe’ẽ py’aguapy reheguáva,
13
ha’e ha iñemoñarenguéra oikovetaha pa’ikuéra ramo opaite ára peve, hakate’ỹgui Ijára rehe, ha ombopy’aguapy jevy chendive Israel ñemoñarenguérape.
14
Ha pe kuimba’e ojejukava’ekue, pe kuña Madiangua ndive, hérakuri Zimri, Salu ra’y; ko Salu peteĩ Simeon tríbu ruvicha.
15
Ha pe kuña Madiangua omanova’ekue hérakuri Cozbi, Zur rajy, ha Zur avei peteĩ Madiangua ruvicha.
16
Ha Ñanderuete oñe’ẽ Moiséspe, ha he’i:
17
Pejeity Madianguakuéra ári ha pemboguy ichupekuéra,
18
ha’ekuéra pendepy’apy, penemoñuhãgui Baal-Peor rehe; ha Cozbi, pe Madian ruvicha rajy rupi, heta omanova’ekue pe ñemanoguasu árape, ouva’ekue Baal-Peor rupi.
Guarani Bible 2015
Ñanderuete Ñe’ẽ Porã MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015
:
Guardar notas