जब कुनै मानिसले परमप्रभुलाई केही कुरा चढाउने भाकल गर्छ वा आफूले केही कुरा छोड्ने शपथ खान्छ, उसले आफ्नो प्रतिज्ञा भङ्ग गर्नुहुँदैन। तर जे आफूले गर्छु भनेको छ, त्यो पूरा गर्नुपर्छ।
बुबाचाहिँले छोरीको भाकल सुनेर त्यो पूरा गर्नमा बाधा दिन्छ भने उसले त्यो पूरा गर्नुपर्दैन। परमप्रभुले उसलाई क्षमा दिनुहुनेछ किनभने उसका बुबाले उसलाई रोकेको हो।
तर उसको लोग्नेले त्यो कुरा सुनेर त्यो पूरा गर्नमा बाधा दिन्छ भने उसले त्यो पूरा गर्नुपर्दैन। परमप्रभुले उसलाई क्षमा दिनुहुनेछ किनभने उसको लोग्नेले उसलाई भाकल पूरा गर्न नदिएको हो।
तर आफूले चाल पाएकै दिनमा लोग्नेले त्यस भाकललाई बाधा दिएन भने त्यस स्त्रीले आफ्नो भाकल पूरा गर्नुपर्नेछ। त्यो थाहा पाएको दिनमा बाधा नदिएर लोग्नेले स्वास्नीको भाकल वा प्रतिज्ञालाई स्वीकार गर्दछ।