Mose wakabatuma ku nvita, bantu tshinunu ku tshisamba ku tshisamba, Pinehasa, muana mulume wa Eleazâ muakuidi, wakaya nʼabo ne bintu bikuabo bia mu nsubu wa tshitendelelu ne mpungi ya kuela nʼai dî dikole mu tshianza tshiandi.
Bakashiha bakelenge ba mu Midiyana kabidi: Evi ne Lekeme ne Sû ne Hû ne Leba bakelenge batanu ba Midiyana bakashiha Belama, muana mulume wa Beô, ne muele wa nvita kabidi.
Bakalua ne bantu bakakuatabo ne bintu biabo bionso kudi Mose ne kudi Eleazâ muakuidi ne kudi tshisumbu tshionso tshia Bena Isalele, ku tshitudilu tshiakadi mu mpata ya Moaba, hehi ne Yadene ku Yeleko.
Nushikame ku butshika bua tshitudilu matuku muanda mutekete, muntu yonso wakashiha mundi mukuabo, anyi wakalenga muntu mufue tshianza, adilengeshe ku dituku disatu ne dituku dia muanda mutekete ne nuenu ne bantu banuakukuata.
Bualu bua bilulu, ne bintu bionso biakenzabo ne biseba, ne bintu bionso biakenzabo ne miosa ya mbushi, ne bintu bionso biakenzabo ne mabaya, nenudilengeshe bua bintu ebi.
ne tshintu tshionso tshidi katshiyi tshitua mu kahia, nenutshiteke mu kahia bua kutshilengesha, kadi nenutshilengeshe ne mai adibo balengesha nʼau bintu, bintu bionso bidi bihia mu kahia nenubilengeshe mu mai.
Nuangate kabidi mulambu wa Yehowa kudi bantu bakaya mu nvita mundi umue ku bantu nkama itanu, ne umue wa ngombe ne wa nyama wa mpunda ne wa mikoko kabidi,
Mu tshituha tshia Bena Isalele nenuangate umue kudi makumi atanu, wa bantu ne wa ngombe ne wa nyama wa mpunda ne wa mikoko, nubifile kudi Bena Lewi badi balama nsubu wa Yehowa.
Mose wakangata umue wa makumi atanu wa bintu bia Bena Isalele, ne wa bantu ne wa bimuna wakabifila kudi Bena Lewi bakadi balama nsubu wa Yehowa, muakambila Yehowa Mose.
Tuetu tuakulua ne mulambu wa Yehowa, bintu biakangatabo kudi mundi ne mundi, bintu bia or ne nkanu ya ku mikolo ne nkanu ya ku maboko ne tukanu tua ku munu, lukanu tua ku matshu ne tukanu tua ku nshingu, bualu bua kubuikidila nʼabi bubi buetu ku mesu kua Yehowa.
Or yonso ya tuhita tua binunu ne binunu yakanyukulabo kudi Yehowa yakadi nshekele binunu dikumi ne bisambombo ne nkama muanda mutekete ne makumi atanu.
Mose ne Eleazâ muakuidi bakangata or ya tuhita tua binunu ne binunu ne tuhita tua nkama ne nkama, bakalua nʼai mu ntenta wa kusambakena bu tshivulukidi tshia Bena Isalele ku mesu kua Yehowa.