Kay human sila mahiadto sa Walog sa Escol ug nasusi na nila kini, gihulhogan nila ang katawhan sa dili pag-adto sa maong yuta nga gisaad sa Ginoo kanila.
‘Kadtong mibiya sa Ehipto, nga nagpanuigon ug 20 ug pataas dili makaadto sa yuta nga gisaad ko nga ihatag kang Abraham, kang Isaac ug kang Jacob kay dili man hingpit ang ilang pagsunod kanako.
Misilaob ang kasuko sa Ginoo batok sa Israel busa gipasaagsaag sila niya didto sa kamingawan sulod sa 40 ka tuig hangtod nga nahurot nag kamatay ang tanan nga nakasala sa Ginoo.
apan mouban kami nga mag-una sa katawhan sa Israel ngadto sa panggubatan hangtod nga mahiluna na sila sa tagsatagsa nila ka dapit. Ang amo lamang mga banay maoy among ibilin sa kinutaang mga siyudad aron mahilikay sila sa mga lumad nga lumolupyo sa maong mga dapit.
Miingon si Moises, “Kon ang mga kaliwat ni Gad ug ni Ruben motabok sa Jordan uban kaninyo ngadto sa panggubatan ug mailog na ninyo ang maong yuta, ihatag kanila ang yuta sa Gilead.
Busa gihatag ni Moises ngadto sa mga kaliwat ni Gad ug ni Ruben ug sa katunga sa banay ni Manases nga anak ni Jose ang gingharian ni Sihon nga hari sa mga Amorihanon ingon man ang gingharian ni Og nga hari sa Basan lakip ang mga siyudad niini ug ang mga kasikbit nga mga dapit.
Gitukod pag-usab sa mga kaliwat ni Gad ang mga siyudad nga kinutaan ug may mga toril sa mga karnero: Dibon, Atarot, Aroer, Etrotsofan, Jazer, Jebaa, Betnimra ug Betharan.