×

Ika Bible 2018

Ọgụngụn 33

1
Alị ndịnị kẹ Izrẹlụ ziẹntọsọnmẹ kẹ wẹ gha alị Ijiptu pụla nọkẹ ndị-agha — okpuru Mozizi lẹ Ẹrọnụ.
2
Mozizi detu ebe ile wẹ ziẹntọsọnmẹ kẹ wẹ jẹnkọ; Osolobuẹ gwa a detu ẹ. Alị ndịnị wẹ kẹ wẹ ziẹntọsọnmẹ:
3
Ifọn ibuzọ rị akp'ọhịn mmisẹn kẹ ndị Izrẹlụ gha alị Ramsisi buli; w'a kpọ a ụnyanhụn wẹ mẹ Mmẹmmẹ-nghafe kẹ wẹ buli. Wẹ dọnpụha ndụn-ndụn idẹnya ndị Ijiptu ile,
4
ebe ndị Ijiptu rị e li ikẹnnyẹ ibuzọ wẹ ile, ụmụ wẹ ndị Osolobuẹ gbu imẹ igunrun wẹ gi hangbu mmọn lẹ iyi ndị Ijiptu eṅẹn.
5
Ndị Izrẹlụ nọ gha Ramsisi buli, ziẹntọ Sukọtụ;
6
a gha wẹ Sukọtụ buli, ziẹntọ Ẹtam, mkpẹnrẹn atụ;
7
a gha wẹ Ẹtam buli, kin azụụn shi Pi-Hahirọtụ, hụn rị ẹbamịn ọwụwa-ẹnyanwụn Baalụ-Zẹfọnụ, ya wẹ nọ ziẹntọ ẹhụ Mig'dọlụ.
8
A gha wẹ Pi-Hahirọtụ buli, wẹ nọ gha imẹ Ohimin Ufie hụ kewanị nị wẹ, ya wẹ nọ pụhazị atụ, e jẹnpụ wẹ akpọhịn ẹtọ imẹ Atụ Ẹtam, wẹ nọ ziẹntọ Mara.
9
A gha wẹ Mara buli, ya wẹ nọ shi Ẹlim, ebe isi-mirin mmẹbụọ lẹ nkụ iri kwasị ọgụn-ẹtọ rị, wẹ nọ ziẹntọ ebẹhụ.
10
A gha wẹ Ẹlim buli, wẹ nọ ziẹntọ ẹhụ Ohimin-ufie.
11
A gha wẹ Ohimin-ufie buli, wẹ nọ ziẹntọ Atụ alị-ọkpọnkụn Sini.
12
A gha wẹ Atụ Sini buli, wẹ nọ ziẹntọ Dọf'ka;
13
a gha wẹ Dọf'ka buli, e ziẹntọ wẹ Alushi;
14
a gha wẹ Alushi buli, ziẹntọ Rẹfidim, ebẹhụ wẹ nọlẹni hụn mirin ra.
15
A gha wẹ Rẹfidim buli, ziẹntọ alị ọkpọ-nkụn Atụ Saịnaị.
16
A gha wẹ alị ọkpọ-nkụn Atụ Saịnaị buli, ziẹntọ Kibrọtụ-Hatava;
17
gha Kibrọtụ-Hatava buli, ziẹntọ Hazẹrọtụ;
18
gha Hazẹrọtụ buli, ziẹntọ Ritima.
19
A gha wẹ Ritima buli, ziẹntọ Rimọnụ-Pẹrẹzi;
20
gha Rimọnụ-Pẹrẹzi buli, ziẹntọ Libna;
21
gha Libna buli, ziẹntọ Risa.
22
A gha wẹ Risa buli, ziẹntọ Kẹhẹlata;
23
gha Kẹhẹlata buli, ziẹntọ Ugu Shẹfa;
24
gha Ugu Shẹfa buli, ziẹntọ Harada.
25
A gha wẹ Harada buli, ziẹntọ Mak'hẹlọtụ.
26
A gha wẹ Mak'hẹlọtụ buli, ziẹntọ Tahatị;
27
gha Tahatị buli, ziẹntọ Tẹra;
28
gha Tẹra buli, ziẹntọ Mit'ka;
29
gha Mit'ka buli, ziẹntọ Hash'mona.
30
A gha wẹ Hash'mona buli, ziẹntọ Mọsẹrọtụ;
31
gha Mọsẹrọtụ buli, ziẹntọ Bẹnẹ-Jaakanị;
32
gha Bẹnẹ-Jaakanị buli, ziẹntọ Họ-Hagid'gadị;
33
gha Họ-Hagid'gadị buli, ziẹntọ Jọt'bata.
34
A gha wẹ Jọt'bata buli, ziẹntọ Ab'rọna;
35
gha Ab'rọna buli, ziẹntọ Eziọnụ-Gẹba;
36
gha Eziọnụ-Gẹba buli, ziẹntọ Kadẹshi, Atụ alị ọkpọ-nkụn Zini;
37
gha Kadẹshi buli, ziẹntọ Ugu Họ, mkpẹnrẹn Ẹdọm.
38
Ẹrọnụ nọ shi elu Ugu Họ kẹ Osolobuẹ dọn gwa a, ọ nọ nwụntọ ebẹhụ ụhụọhịn ibuzọ imẹ ifọn nke isẹn imẹ ahụa nke ọgụnnaị ndị Izrẹlụ gha Ijiptu pụha.
39
Ẹrọnụ rị nwa ahụa ẹtọ kwasị ọgụn-isin k'ọ nwụntọ Ugu Họ.
40
Ogẹnni kẹ eze ndị Kenaanị alị Aradị hụn bi alị ọkpọ-nkụn Nẹgẹvụ gi nụ nị ndị Izrẹlụ lala.
41
A gha wẹ Ugu Họ buli, ziẹntọ Zalụmona;
42
gha Zalụmona buli, ziẹntọ Punọnụ;
43
gha Punọnụ buli, ziẹntọ Obotu.
44
A gha wẹ Obotu buli, ziẹntọ Iye-Abarim, mkpẹnrẹn alị Mụabụ;
45
gha Iyim wụ Iye-Abarim buli, ziẹntọ Dibọnụ-Gadị;
46
gha Dibọnụ-Gadị buli, ziẹntọ Al'mọnụ-Diblataịm.
47
A gha wẹ Al'mọnụ-Diblataịm buli, ziẹntọ Ugu ndị hụ nọgbamanị rị Abarim, ẹhụ Nebo.
48
A gha wẹ Ugu ndị hụ nọgbamanị rị Abarim buli, ziẹntọ alị-aradan Mụabụ mkpẹnrẹn Iyi Jọdanị, ihun Jẹriko.
49
Ebẹhụ wẹ ile ziẹntọsọnmẹ alị-aradan Mụabụ hụ mkpẹnrẹn Iyi Jọdanị gha Bẹt-Jẹshimọtụ rukwọrị Ebẹlụ-Shitim.
50
Ebẹhụ wẹ rị alị-aradan Mụabụ, mkpẹnrẹn Iyi Jọdanị, ihun Jẹriko, Osolobuẹ nọ sị Mozizi,
51
“Gwa ndị Izrẹlụ, sị: Ụnụ fetugụ Jọdanị, banye alị Kenaanị,
52
chụpụchanrịn nị ndị bin'ẹ; tikpọ nị mmọn lẹ iyi ile wẹ kọma — kẹ ndị wẹ pịn kẹ ndị wẹ kpụ; kụtu ni ukpo-mmọn wẹ ile.
53
Weri ni alị ahụn biri, nị e yegụọ m ụnụ ya weri.
54
Gi ni utẹn-Osolobuẹ han alị ahụn — ebọn-ebọn; ndị ka ọda, wẹ weri hụn kanị, ndị mẹ ẹkẹrẹ e weri hụn mẹ ẹkẹrẹ. Ebe ọwụlẹ utẹn-Osolobuẹ gwa onyẹ weri k'o jẹnkọ d'e weri; ebọn-ebọn kẹ ụnụ k'e ke ẹ.
55
“Kanị, omẹni ụnụ achụpụnị ndị alị ahụn, ndị ụnụ latọ k'a wụrụ ntu k'a dụnsọnmẹ ụnụ ẹnya lẹ ogun k'a dụnsọnmẹ ụnụ ẹkụnkụn; wẹ k'e ye ụnụ nsọngbu imẹ alị ahụn ụnụ sikọ d'e bi —
56
ogẹn ahụn, e mẹ m ụnụ ihiẹn m te k'e mẹ wẹ.”
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes