1
Osolobuẹ sị Mozizi,
2
“Sị ndị Izrẹlụ: Ụnụ e d'a banye alị Kenaanị, alị hụn wẹ sikọ d'e keni ụnụ weri; Lee ni ebe o k'a ghasọnmẹ:
3
“Ẹbamịn ndịdan-mirin, o sikọ d'e bidọn okẹn Ohimin Nnu lẹ Ẹdọm, ghasọnmẹ mkpẹnrẹn alị Ẹdọm, pụ alị ọkpọ-nkụn Zini —
4
ẹbamịn ndịdan-mirin Ugu Akrabim k'o k'a gha pụ Alị ọkpọ-nkụn Zini hụ; Kadẹshi-Bania ile jẹnkọ d'a rị azụụn nke ụnụ. Ọ gha ebe Kadẹshi ru, o jẹnru Haza-Ada, pụha Az'mọnụ;
5
o k'a nọ Az'mọnụ gbugizi, jẹnru Ọdanmgbugbu Iyi udu-mirin Ijiptu, gha ebẹhụ pụ Ohimin-uku Mẹditerenia ibe ọdịdan-ẹnyanwụn hụ.
6
“Ohimin-uku Mẹditerenia lẹ mkpẹnrẹn ẹ k'a wụchanrịn okẹn ibe ẹbamịn ọdịdan-ẹnyanwụn.
7
“Ẹbamịn ugu, nke ụnụ k'a gha Ohimin-uku Mẹditerenia ghasọnmẹ ozigbo-ozigbo d'e ru Ugu Họ rị nkọ hụ,
8
ghasọnmẹzi nkọ hụ d'e ru Lebo-Hamatị, ebe alị Hamatị gha, ruzi Zẹdadị,
9
jẹnsọnmẹzi d'e ru Zifrọnụ, jẹnsọnmẹzi: Haza-ẹnanị k'o k'e jẹndemẹ. Ọhụn k'a wụ okẹn ụnụ lẹ ndị rị ụnụ ẹbamịn-ugu.
10
“Okẹn ụnụ lẹ ndị rị ẹbamịn ọwụwa-ẹnyanwụn k'a gha Haza-Ẹnanị jẹnsọnmẹ d'e ru Shẹfam;
11
ọ ghazị Shẹfam jẹnru Ribla rị ẹbamịn ọwụwa-ẹnyanwụn alị Aini, ghasọnmẹ mkpọtu ugu rịsọnmẹ mkpẹnrẹn ẹbamịn ọwụwa-ẹnyanwụn Ohimin Kinẹrẹti, Ohimin Galili;
12
o k'a gha ebẹhụ ghasọnmẹ mkpẹnrẹn Iyi Jọdanị, jẹndemẹ Ohimin Nnu, Ohimin Nwụnnị. “Ọhụn k'a wụ alị ụnụ lẹ ebe o k'a ghasọnmẹ ẹbamịn ẹnịnọ.”
13
Mozizi nọ sị ndị Izrẹlụ, “Gi ni utẹn-Osolobuẹ keri alị hụ n'ọ wụrụ ukuu ụnụ. Osolobuẹ sị wẹ w'ẹ ye ebọn itenẹi lẹ nkirishi họdụnị,
14
makẹni ebọn Rubẹni lẹ ebọn Gadị lẹ mgbube ebọn Manasẹ e werigụọ nke wẹ.
15
Ebọn ẹbụọ lẹ nkirishi hụ weri nke wẹ ẹbamịn ọwụwa-ẹnyanwụn Iyi Jọdanị, ihun Jẹriko.”
16
Osolobuẹ nọ sị Mozizi,
17
“Ọnwan wụ ẹfan ikẹnnyẹ ndị k'e keni ụnụ alị hụ: Ẹliẹza onyẹ nchụn-ẹjan lẹ Joshụa nwa Nọnụ.
18
Tumẹsọnmẹ ni onyẹ-isi ohu-ohu imẹ ebọn ọwụlẹ nị wẹ yeni Ẹliẹza lẹ Joshụa ẹka keni ụnụ alị hụ.
19
Lee ẹfan ndị-isi hụ: nke ebọn Juda wụ Kalẹbụ nwa Jefunẹ;
20
ebọn Simiọnụ — Shẹmuẹlụ nwa Amihudu;
21
ebọn Bẹnjamini — Ẹlidadị nwa Kis'lọnụ;
22
ebọn Danị — Buki nwa Jọgli;
23
ebọn Manasẹ nwa Josẹfụ — Haniẹlụ nwa Ẹfọdụ;
24
ebọn Ifrem nwa Josẹfụ — Kẹmuẹlụ nwa Shif'tanị;
25
ebọn Zẹbulọnụ — Ẹlizafanị nwa Panakị;
26
ebọn Isaka — Pal'tiẹlụ nwa Azanị;
27
ebọn Asha — Ahihudu nwa Shẹlomi;
28
ebọn Naf'tali — Pẹdahẹlụ nwa Amihudu.”
29
Uwẹ wụ ndị-isi Osolobuẹ sị keni ndị Izrẹlụ alị Kenaanị.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc