|
| 1 |
|
| Nyakubaho akagambira Musa ati: |
|
| 2 |
|
| Ragiira Abaisiraeli obagire oti: Ku muraahikye omu nsi ya Kanaani (niyo nsi eraabe eyaanyu y'obuhunguzi, ensi ya Kanaani hoona ahu erikugarukira), |
|
| 3 |
|
| ey'aha bukiizi-bwanyu-bwa-buryo, eihe aha ihamba rya Ziini, neeraba aha rubaju rwa Edomu, kandi omwatano gwanyu gw'aha bukiizi-bwa-buryo gwihe ahu Enyanja y'Omwonyo erikugarukira, aha burugwa-izooba, |
|
| 4 |
|
| reero omwataano gwanyu gukiikame, gugarure aha bukiizi-bwa-buryo aharikwinamukira Akarabimu, gucwekanise, guhikye Ziini, kandi gugarukire aha bukiizi-bwa-buryo obwa Kadeshibarinea, gugumizemu guhikye Haazaraada, gwogyemu guhikye Azimooni. |
|
| 5 |
|
| Bwanyima ogwo mwatano gurugye Azimooni, gukiikame guze aha Kagyera ka Misiri, gugarukire aha Nyanja. |
|
| 6 |
|
| Aha rubaju rwa burengyerwa-izooba, omwatano gwanyu gube Enyanja Empango n'omwegyeego gwayo. Ogwo gube nigwo gwaba omwatano gwanyu burengyerwa-izooba. |
|
| 7 |
|
| Kandi ogu gube nigwo gwaba omwatano gwanyu gw'aha bukiizi-bwa-bumosho; okwiha aha nyanja empango, muteho obumanyiso bw'omwatano, okuhika aha Rushozi Hoori. |
|
| 8 |
|
| Okwiha aha Rushozi Hoori, nabwo muteho obumanyiso okuhitsya aharikurabwa nootaaha omuri Hamati; kandi ogwo mwatano gugarukire Zedadi. |
|
| 9 |
|
| Reero gugumizemu guhikye Zifurooni, omuheru gwago gube Haazareena. Ogwo nigwo guraabe omwatano gwanyu gw'aha bukiizi-bwa-bumosho. |
|
| 10 |
|
| Muteho obumanyiso bw'omwatano ogwa burugwa-izooba, okwiha Haazareenamu okuta Sheefamu. |
|
| 11 |
|
| Omwatano gushuume nigwiha Sheefamu, okuhika Ribula, aha rubaju rwa burugwa-izooba bwa Aini. Haza gushuume guhikye aha rubaju rw'enyanja ya Kiinereeti, ahari burugwa-izooba. |
|
| 12 |
|
| Kandi gurundukye guhikye Yorudaani, gugarukire aha Nyanja y'Omwonyo. Egyo niyo eraabe ensi yaanyu, hamwe n'emyatano yaayo egyehinguririize. |
|
| 13 |
|
| Musa atyo aragiira Abaisiraeli naabagira ati: Egyo niyo nsi ei muraahungure, nimugiteerera enteenyu. Niyo Nyakubaho aragiire kuha ab'enganda mwenda n'ekicweka; |
|
| 14 |
|
| ahabw'okuba ab'oruganda rwa beene Reubeeni, nk'emiryango ya baishenkurubo oku eri, n'ab'oruganda rwa beene Gaadi, nk'emiryango ya baishenkurubo oku eri, kandi n'ekicweka ky'oruganda rw'aba Manaase, baherize kutunga ebyanga byabo by'obuhunguzi. |
|
| 15 |
|
| Ezo nganda zombi n'ekicweka ky'oruganda ziherize kuheebwa ebyanga byazo by'obuhunguzi seenu ya Yorudaani ahashungaine na Yeriko ogurikugarura burugwa-izooba, ei eizooba rituruka. |
|
| 16 |
|
| Nyakubaho akagira Musa ati: |
|
| 17 |
|
| Aga nigo maziina g'abantu abaraababaganisize ensi y'okuhungura: Eleazaari omuhongyerezi, na Yoshwa mwene Nuuni. |
|
| 18 |
|
| Kandi omu buri ruganda otooranemu omwebembezi omwe kubaganisa egyo nsi y'okuhungura. |
|
| 19 |
|
| Mbwenu aga nigo maziina g'abo bashaija: Omu b'oruganda rwa Yuda, Kalebu mwene Yefuune; |
|
| 20 |
|
| omu b'oruganda rwa beene Simeoni, Sheumeli mwene Amihuudi; |
|
| 21 |
|
| omu b'oruganda rwa Benyamiini, Elidaadi mwene Kisilooni; |
|
| 22 |
|
| omu b'oruganda rwa beene Daani, omwebembezi ni Buuki mwene Yooguli; |
|
| 23 |
|
| omuri beene Yosefu: omu b'oruganda rwa beene Manaase, omwebembezi ni Hanieli mwene Efodi; |
|
| 24 |
|
| kandi omu b'oruganda rwa beene Efuraimu, omwebembezi ni Kemueli mwene Shifataani; |
|
| 25 |
|
| omu b'oruganda rwa beene Zebuluuni, omwebembezi ni Elizafani mwene Paranaaki; |
|
| 26 |
|
| omu b'oruganda rwa beene Isakaari, omwebembezi ni Palateile mwene Azani; |
|
| 27 |
|
| kandi omu b'oruganda rwa beene Asheri, omwebembezi ni Ahihuudi mwene Shelooni; |
|
| 28 |
|
| omu b'oruganda rwa beene Nafutaali, omwebembezi ni Pedaaheli mwene Amihuudi. |
|
| 29 |
|
| Abo nibo bashaija bu Nyakubaho yaaragiire kubaganisiza Abaisiraeli ebyanga by'okuhungura omu nsi ya Kanaani. |
|
|
|
|