Hûnê li derveyî bajêr bi aliyê rojhilat ve du hezar, bi aliyê başûr ve du hezar, bi aliyê rojava ve du hezar û bi aliyê bakur ve du hezar gaz bipîvin. Wê ev der bibe mêrgên bajarên wan.
Hûnê ji milkê her eşîrê gelê Îsraêl bajaran bidin Lêwiyiyan. Li gorî mîrasa wê, hûnê ji eşîra ku bajarê wê pir in, pir û ji eşîra ku bajarên wê hindik in, hindik bidin.”
yan jî heke kesek ji ber dijminatiyê bi kulman li kesekî din bixe û wî bikuje, ew kes kujer e. Çaxê kesê dixwaze heyfa xwînê bistîne lê rast bê, wê wî bikuje.
yan jî heke kesek kevirekî ku mirov dikuje hilde û bêyî ku haya wî jê hebe, bi ser yekî ve tera bike û wî bikuje, ji ber ku dijminatiya kujer bi kuştî re tunebû û ne xwestiye zirarê bidê,
Wê civak kujer ji destê kesê dixwaze heyfa xwînê bistîne rizgar bike û wî bişîne bajarê sitargehê ku jê reviyaye. Wê ew kes, heta serkahinê ku bi rûnê pîroz hatiye kifşkirin bimire, li wê derê bimîne.
Hûnê welatê ku hûn lê rûdinin qirêj nekin. Çimkî xwîn welêt qirêj dike. Ji bo welatê ku xwîn lê hatiye rijandin, ne bi tiştekî din, lê tenê bi xwîna kesê ku xwîn rijandiye wê kefaret bê dayîn.