Adamawa 1994
|
| 1 |
| Baaba-ci'e'en nder ci'e Gile'at ɓii Makir ɓii Manassa ɓii Yusufu ngari haa Muusa e ardiiɓe le'i Isra'iila, |
| 2 |
| ɓe mbi'i: “Jawmiraawo umri ma a senndana Isra'iila'en lesdi maral muuɗum'en bee kur'u. O umri ma boo a hokka ɓiɓɓe Celofhad rewɓe geɗal baaba maɓɓe, banndiraawo amin. |
| 3 |
| Kadi, to worɓe lenyol goɗŋgol nder Isra'iila te'i ɓe, nden kam maral maɓɓe laatanto lenyol man, maral amin ustoto. |
| 4 |
| Nder hitaande dimɗineeki boo, saa'i maral coorraaŋgal fuu wartanta marɗo ɗum naane, ndonŋgu maɓɓe laatanto lenyol worɓe maɓɓe haa foroy, majjiran lenyol amin.” |
| 5 |
| Muusa anndini Isra'iila'en ko Jawmiraawo umri ɗum. O wi'i: “Lenyol yimɓe Yusufu wi'i gooŋga. |
| 6 |
| Ndaa ko Jawmiraawo umrani ɓiɓɓe Celofhad rewɓe: Ɓe te'an bee koo moy fottani ɓe, ammaa sey bee worɓe lenyol baaba maɓɓe tan. |
| 7 |
| Maral koo moy Isra'iilaajo laatano lenyol maako, laatantaako lenyol feere. Bana non Isra'iila'en fuu njogorto maral lenyol muuɗum'en. |
| 8 |
| Koo moy debbo donanɗo maral nder lenyol Isra'iila koo ngole, te'ra bee gorko lenyol mum. Bana non le'i Isra'iila'en njogorto ndonŋgu kaakiraaɓe muuɗum'en. |
| 9 |
| Maral man laatantaako lenyol goɗŋgol, ammaa ngal tabitan nder lenyol gootol. Isra'iila'en fuu colanto maral muuɗum'en.” |
| 10 |
| Ɓiɓɓe Celofhad rewɓe mbaɗi bana Jawmiraawo umruno Muusa. |
| 11 |
| Mahala, Tirsa, Hogila, Milka e No'a te'ri bee ɓiɓɓe wappanyɓe muuɗum'en. |
| 12 |
| Ɓe te'aaɓe worɓe lenyol Manassa ɓii Yusufu. Bana non ndonŋgu maɓɓe luttani lenyol baaba maɓɓe. |
| 13 |
| Kanjum woni umrooje e kiitaaji ɗi Jawmiraawo umri Isra'iila'en bee hunnduko Muusa, nder laɗɗe Mo'ab baŋnge Urdun, haa fuunaaŋge Yeriko. |
| Hisnu Teskorɗe |
https://beblia.bible:81/BibleAudio/fulfuldeadamawa/numbers/036.mp3
36
36