SEBR SÕNGO 1998
|
| 1 |
| Neb n waa n yãend a Moyiiz. Yaa a Galaad rooga kãsem-dãmba. A Galaad yaa a Makir biiga, a Manase biiga, a Zozɛf roogẽ. B goma ne a Moyiiz la Israyɛl taoor dãmba: |
| 2 |
| B goma woto: «Naaba-Wẽnd sẽn waa n yeel-foo tɩ f maan poeere n pʋɩ tẽnga n kõ Israyɛl sak fãa a tẽn-peelem, b yeelame me tɩ f yãk f saam-biig a Selofead vẽenem n kõ a kom-pugli wã. |
| 3 |
| La Ade, kom-pugli wã sã n yi kãadem ne roog a to kom-dibli, yaa d ba wã pʋɩɩr, b sẽn da poees n kõ-dã n na n wooge. |
| 4 |
| Yʋʋmd pis-nu wã beoog sã n wa vẽege, d rabooga pʋɩɩr na n tɩ paasa d sɩdb rãmba rẽnna.» |
| 5 |
| La Soaala yeela a Moyiiz t'a wilg Israyɛl kamba woto: «A Zozɛf rooga kamb tara bʋʋm. |
| 6 |
| Ad Wẽnd sẽn kõt-b noor ninga a Selofead kamb poorẽ. B na n yii kãadem ne b sẽn dat a soaba, buuda rooga ye n da teem ye. |
| 7 |
| Woto rooga pʋɩɩra kõn yi roog a ye n kẽ roog a to ye. Israyɛl biig fãa na n pala a ba raboogẽ. |
| 8 |
| Bi-pugl fãa sẽn na n dɩ a ba faado, kõn le tõog n yi kãadem ne ned tɩ ka a ba wã sakẽ ye. Woto Israyɛl roog fãa pʋɩɩr na n kell n paa ne-a. |
| 9 |
| Pʋɩɩr ka yit roog a ye n kẽ roog a to rẽnnẽ ye. Israyɛl biig ba a ye kõn bas t'a ba pʋɩɩr woog ba bilfr ye.» |
| 10 |
| A Selofead kamba maana wala Soaala-Wẽnd sẽn da yeel a Moyiiz. |
| 11 |
| A Selofead kom-pugli wã bao sɩdba b ba wã saam-biisa sʋka. Kom-pugli wã yʋy: a Mala, a Tirsa, a Ogla, a Milka la a Noa. |
| 12 |
| B sɩdb rãmba yɩ-la a Zozɛf yagense, a Manase kamba la woto b pʋɩɩra ka long roog ye. |
| 13 |
| Woto la noy-niyns Soaala-Wẽnd sẽn tũ a Moyiiz n taas Israyɛl kamba, Moab pʋ-weesẽ, Zʋrdẽ kʋɩlga noor, Zeriko yegende. |
| Save Notes |
https://beblia.bible:81/BibleAudio/mossissdc/numbers/036.mp3
36
36