mondo onyis jo-Isarel kama: “Ka ng’ato otimo marach ni wadgi, mi oketho e nyim Ruoth Nyasaye, bed ni en dichwo kata dhako, to mano omiyo obedo jaketho, kendo en gi gowi ma nyaka ochul.
Ka ng’atno osetho, to oonge gi jaodgi mahie ma dichul kuom kethono, to chudono kaachiel gi im ma jadolo pwodhogo jakethono nobed mar Ruoth Nyasaye, kendo nodong’ ni jadolo.
to nyaka chwore tere ir jadolo, bed ni dhakono osedwanyore adier, kata chwore chich mana kode kayiem. Chwore nyaka kel mogo mayom moromo kilo abiriyo kaka chik dwaro, to kik oolie mo, bende kik oketie ubani, nimar en misango mar cham mitiekogo chich, tiende ni misango mifwenyogo adiera.
Kosekelo dhakono e nyim Ruoth Nyasaye, to nogony yie wiye, eka noket misango mar cham mifwenyogo adiera e lwete. En misango mar cham mitiekogo chich. To jadolo noting pi mar muma mafwenyo adiera e lwete owuon.
Bang’ mano nomi dhakono kuong’re, kowachone niya, ‘Ka ng’ato ok oseterore kodi, kendo ok iseketho kidwanyori, to in chi chwori, to pi mar muma mafwenyo adierani kik hinyi.
Pigni mondo odonj e iyi, kendo omi iyi okirre, kata omi ibuog nyathi ka kindeni mar nywol pok ochopo.’ Ka jadolo osemiyo dhakono okuong’ore kamano, to dhakono nodwok ni, ‘Obed kamano.’
Jadolo nokaw misango mar cham mitiekogo chich e lwet dhakono, mi nochiwe e nyim Ruoth Nyasaye ka mich moyiedhi. Bang’ mano nokel mogono e kendo mar misango,
Ka en adieri ni osedwanyore, koterore, to en chi chwore, to ka jadolo osemiye pigno omodho, to iye nokirre, kata nobuogi ka kindene mar nywol pok ochopo, kendo nyinge nobed mokwong’ e nyim jogi.