bɩ a bas rãam la toose. Rãam sẽn wẽnemd menga, toos sẽn wẽnemd menga, bɩ a ra sɩɩs ye. A ra wẽk bugsuntung biis koom n yũ ye, a ra wãb a biisa meng sẽn ket n ya maas bɩ sẽn kʋɩ ye.
t'a kʋ a ye, yel-wẽnd sugr kosg yĩnga, n kʋ a to wã, yũ-noog maoongo, la a bõsda sẽn pʋlma wã yel-wẽnd yẽesgo, kũuma sẽn ki a sɛɛgẽ n dẽgem-a wã yĩnga. Badaare, a lebd n pʋlmame tɩ barg kõn sɩɩs a zoobd ye.
A lebd n pʋlma a meng Soaala-Wẽnd wala a sẽn da yals pipi raarã, la a wata ne yʋʋmd yɛng pe-bila, yel-wẽnd dolb maoong yĩnga. Pʋlenga sẽn sãama, dɩll a le maneg n sɩng zãnga.»
A wata ne kũuni n wa kõ Soaala-Wẽnde: yʋʋmd yɛng pe-bil sẽn ka tar bãnde. Dẽ yaa yũ-noog maoong yĩnga. N paas yʋʋm yɛng pe-sɛdg sẽn ka tar bãnde, dẽ yaa yel-wẽnd dolbo maoong yĩnga. A le wata ne pe-raoog sẽn ka tar bãnde, laafi kosg yĩnga.
A wata ne peoog sẽn pid ne bur sẽn ka lob bɩlle, bur sẽn wẽ ne alkam zom pɛɛlga, ne miisdu sẽn ya tagdo, la miisd sẽn ya faase, n ka ning bɩlle, n paas kaama la rãama b sẽn tog n tũnugã.
Pesga bãok sã n bɩ, maan-kʋʋda yãkd-a lame n paas peooga pʋg bur a ye sẽn ka lob bɩlle la miisg faasg a ye sẽn ka lob bɩlle la a sagend-b-la pʋlemda nugẽ, a zuga sã n põnge.
Maan-kʋʋda maanda a sẽn tog n maane tɩ b lebg Wẽnd rũuni. Bũmb me sẽn lebgd kũun sõng maan-kʋʋda yĩnga, yaa rũnga yãoogo a sẽn dɩk tees Wẽndã la gerã a sẽn yãkã. Ya rẽ poore marsã la sẽn pʋlma meng Wẽndã tõogd n le yũ rãam.
Woto la Soaala-Wẽnd noor b sẽn kõ ned sẽn pʋlem a meng poorẽ. Woto me la kũun niyns a sẽn tog n wa ne la ka yet t'a ka tõe n paas bũmb a to ye. Sẽn maana pʋlenga modg n tũ a meng sẽn yalse.