Ntukû îrîa Musa aathirîrie gwaka îema rîa gûtirimanîra, nîyo aarîathûûrîre na ararîtheria na njîra ya gwîtûûrîria maguta amwe na into biaarîo bionthe. Ningî nî aathûûrîre kîritîro kîa igongwana arakîtheria na njîra ya gwîtûûrîria maguta amwe na into biaakîo bionthe.
nî baaretere biewa biaao kîrî MWATHANI. Biewa biu baareetere biaarî tûgaarî twa gûkururia tûtaantatû tûkunîki, na ndeegwa îkûmi na ijîîrî. O atongeeria baîrî baareetaga kagaarî kamwe ga gûkururia, na o mûtongeeria akareeta ndeegwa îmwe, au îemeene rîa gûtirimanîra.
Kîewa kîaawe kîaarî kîa mpakûri ya fetha, ya ûrito bwa kilo îmwe na nusu, na karaî ga fetha ka ûrito bwa akuî kilo îmwe. Mpakûri îîu na karaî kau, biojûri mûtu jûmwinyu jungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî, na ntûrûme ithaano, na ntheenge ithaano, na tûtûrûme tûtaano twa mwaka jûmwe birî kîgongwana kîa thîîrî. Kîu nîkîo kîewa kîrîa Nahashoni mûtaana wa Aminadabu aaritîre.
Kîewa kîaawe kîaarî kîa mpakûri ya fetha, ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni nîkenda bitumîrwa birî kîgongwana kîa irio.
Aracoka ararita ndeegwa ijîîrî, na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Nethaneli mûtaana wa Zauri.
Kîewa kîaawe kîaarî kîa mpakûri ya fetha ya ûrito bwa kilo îmwe na nusu, na karaî ga fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni nîkenda bitumîrwa birî kîgongwana kîa irio.
Aracoka ararita ndeegwa ijîîrî, na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Eliabu mûtaana wa Heloni.
Kîewa kîaawe kîaarî mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Elizuri mûtaana wa Shedeuri.
Kîewa kîaawe kîaarî mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Shelumieli mûtaana wa Zurishadai.
Kîewa kîaawe kîaarî mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Eliasafu mûtaana wa Deueli.
Kîewa kîaawe kîaarî mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Elishama mûtaana wa Amihudi.
Kîewa kîaawe kîaarî mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Gamalieli mûtaana wa Pedahazuri.
Aaritîre mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Abidani mûtaana wa Gideoni.
Kîewa kîaawe kîaarî kîa mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Ahiezeri mûtaana wa Amishadai.
Kîewa kîaawe kîaarî kîa mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Pagieli mûtaana wa Okirani.
Kîewa kîaawe kîaarî kîa mpakûri ya fetha ya ûrito bwa kilo îmwe na nusu, na karaî ka fetha ka ûrito bwa akuî kilo îmwe. Mpakûri îîu na karaî kau biojûri mûtu jûmwinyu juungeenue na maguta ja nzeituni, nîkenda bitumîrwa birî kîgongwana kîa irio.
Aracoka ararita ndeegwa ijîîrî na ntûrûme ithaano, na nthenge ithaano, na tûtûrûme tûtaano twa mwaka jûmwe birî bia kîgongwana kîa thîîrî. Kîu nîkîo kîaarî kîewa kîa Ahira mûtaana wa Enani.
“Bibi nîbio biewa birîa biaaritîrwe nî atongeeria ba mîîrîga ya Israeli ntûkû irîa kîritîro kîa igongwana kîaathûragwa: Mpakûri îkûmi na ijîîrî cia fetha, na tûraî îkûmi na twîrî twa fetha, na mpakûri ingî îkûmi na ijîîrî cia thaabu.
O mpakûri ya fetha yeethagîrwa îrî na ûrito bwa kilo na nusu. O karaî nako kethagîrwa karî na ûrito bwa akuî kilo îmwe. Into bionthe bia fetha biaarî na ûrito bwa kilo mîrongo îîrî na mûgwanja na nusu.
Nacio nyomoo cionthe cia kîgongwana kîa gwakîîria ciaarî; ndeegwa îkûmi na ijîîrî, na ntûrûme îkûmi na ijîîrî, na tûtûrûme twa mwaka jûmwe îkûmi na twîîrî. Ningî nî kwaarî kinya na kîgongwana kîa irio, na nthenge îkûmi na ijîîrî cia kîgongwana gîa kûthiria meeyia.