Levitsa na n tẽega b nus lols a yiiba zutu tɩ fo reeg-ba n kõ Soaala-Wẽnde. A ye na n kʋʋ sugr kosg maoongo, t'a ye kʋ yũ-noog maoong. Dẽ poor marsã la a Aarõ maand a sẽn tog n maan tɩ Levitsa yɩlge.
B rɩkd-b lame n kõ maam tɩ m sɩd so-b zãnga rot a taaba kamb zĩigẽ. Bãmb la m deeg n tek ne buuda taab kom-dẽemse, n tek ne bi-ribl fãa sẽn yaa a ma pipi biiga.
M dɩk-b lame n kõt a Aarõ ne a kamba. N-ye! Ka buud a to, yaa Levitsa buudu n na deeg b zĩiga n tʋm sɛka roog tʋʋma la b kos Soaala-Wẽnd sugr b yĩnga. La woto bũmb kõn le maan-ba b sẽn kolg zĩ-sõnga yĩng ye.»
Dẽ poor marsã la Levitsa sɩng b tʋʋmde sɛka roogẽ. A Aarõ ne a kambã n da wilgd-b b sẽn tog n tʋme. Bũmba fãa maana ne Levitsa wala Soaala-Wẽnd sẽn da wilg a Moyiiz.