Dinzuɣu Ibrahimma ʒiɛmani zaŋ ti paai Naa Dauda ʒiɛmani saha daa nyɛla dɔɣirikpamba pinaanahi; ka Naa Dauda ʒiɛmani zaŋ ti paai bɛ ni daa gbahi ba chaŋ Babilɔn ʒiɛman’ shɛl’ ni la saha daa nyɛ dɔɣirikpamba pinaanahi; ka bɛ ni daa gbahi ba chaŋ Babilɔn ʒiɛman’ shɛl’ ni la zaŋ ti paai Yisa Masia ʒiɛmani saha mi daa nyɛ dɔɣirikpamba pinaanahi.
Bɛ ni daa dɔɣi Yisa Masia shɛm m-bɔŋɔ: Saha shɛli bɛ ni daa zaŋ o ma Mariama ti Yisifu ka na bi kulis’ o la, ka bɛ ti nya o ka o malila pua Naawuni Shia Kasi yiko ni.
O ni daa na kul tɛhiri di yɛla maa, ka ti Duuma malaika ka o sanna zahindi ni nti yɛl’ o, “Nyin’ Yisifu ŋun nyɛ Naa Dauda yaaŋa ŋɔ, di zɔri dabiɛm ni a chɛ ka bɛ kulisi Mariama a yiŋ’ na, dama o ni mali pu’ shɛli maa yila Naawuni Shia Kasi yiko ni na.