Woto, sẽn sɩng ne a Abrahaam tɩ ta a Davɩɩde, yaa zamaan piig la a naase. La sẽn sɩng ne a Davɩɩd tɩ ta b sẽn na n yõg Israyɛll nebã n kẽng Babilondã, yaa zamaan piig la a naase. La b sẽn yõg bãmb n kẽng Babilondã zugẽ tɩ ta a Kiris wakatã, yaa zamaan piig la a naase.
Ad a Zeezi Kiris dogem sẽn yɩ to-to: B rag n dɩka bãmb ma a Maari n kõ a Zozɛfe, la sẽn deng b sẽn nan ka kẽ ne taaba, b mikame t'a Maari tʋtame, la yaa Sɩɩg-sõng n kɩt t'a yɩ a woto.
Wakat ning a Zozɛf sẽn wa n tagsd a woto wã, Zu-soabã malɛɛk puka a meng ne yẽnda zãmsd pʋgẽ n yeele: Zozɛfe, a Davɩɩd yagenga, da zoe rabeem tɩ peeg f pag a Maari ye, bala pʋgã a sẽn tʋtã yita Sɩɩg-sõng nengẽ.