×

أَتَّوْرَتْ دَ أَنَّبَاوَا 2020

Mattiyu 10

1
سَيْ عِيسَىٰ يَكِرَوُاْ أَلْمَجِرَنْسَ غُواْمَشَا بِيُ، يَابَاسُ إِيكُواْ سُڢِتَرْدَ ڧَظَامَنْ رُوحُواْحِ سُوَرْكَرْدَ كُواْوَنٜىٰ إِرِنْ ثِيوُاْ دَ رَشِنْ لَاڢِيَ؞
2
غَا سُونَيٜىٰنْ مَنْذَنِّےنَّنْ غُواْمَشَا بِيُ؞ نَڢَارِنْ، سِيمَنْ وَنْدَ عَكٜىٰثٜىٰ دَشِ بِتْرُسْ، أَنْدَرَوُسْ طَنْعُوَنْ سِيمَنْ، يَعْڧُوبَ طَنْ ظَبَدِ، يَحْيَى طَنْعُوَنْ يَعْڧُوبَ،
3
ڢِلِبُسْ، بَرْتَلُواْمِ، تُواْمَ، مَتِيُ مَيْ كَرْٻَرْ هَرَاجِ، يَعْڧُوبَ طَنْ هَلْڢَ، تَدِّيُسْ،
4
سِيمَنْ مُتُمِنْ كَنْعَنَ، يَهُودَ إِسْكَرِيُواْتِ وَنْدَ يَبَاشٜىٰشِ؞
5
عِيسَىٰ يَعَيْكِ شَا بِيُنَّنْ يَثٜىٰ مُسُ «كَدَ كُجٜىٰ وُرِنْ وَطَنْدَ بَا يَهُودَاوَا بَ، كُمَ كَدَ كُشِغَ وَنِ غَرِنْ سَمَرِيَ،
6
سَيْدَيْ كُجٜىٰ وُرِنْ تُمَكِنْ دَ سُكَ ٻَتَ نَجَمَعَرْ إِسْرَٰٓءِيلَ؞
7
يَايِنْ دَ كُكٜىٰ تَڢِيَ، كُيِتَيِ مُسُ وَعَظِ ثٜىٰوَ ‹مُلْكٍ سَمَ يَيِ كُسَ؞›
8
كُوَرْكَرْدَ مَرَسَ لَاڢِيَ، كُتَادَ وَطَنْدَ سُكَ مُتُ، كُڟَبْتَثٜىٰ مَاسُ ثُوتَرْ ڢَتَرْ جِكِے، كُڢِتَرْدَ أَلْجَنُ؞ كُنْ سَامُ عَݣَوْتَا، كُكُمَ بَايَرْ ݣَوْتَا؞
9
كَدَ كُرِڧٜىٰ ظِينَارِيَ، كُواْ أَظُرْڢَا، كُواْ تَغُلَّ ءَأَلْجِهُنْكُ؞
10
كَدَ كُمَ كُرِڧٜىٰ جَكَ، كُواْ رِغَا غُدَا بِيُ، كُواْ تَاكَلْمَ، كُواْ سَنْدَا دُواْمِنْ تَڢِيَرْكُ، غَمَا مَعَيْكَثِ يَا ثَنْثَنْثِ سَامُنْ أَبِنْ بِيَنْ بُڧَاتَرْسَ؞
11
«دُكْ غَرِ كُواْ ڧَوْيٜىٰنْ دَ كُكَ شِغَ، كُنٜىٰمِ مُتُمِنْ كِرْكِ كُذَوْنَ دَشِ حَرْ سَيْ لُواْكَثِنْ دَ ذَاكُ تَاشِ؞
12
سَعَدَّ كُكَ شِغَ غِدَنْ، كُثٜىٰ، ‹سَلَمَ أَغَرٜىٰكُ؞›
13
عِدَنْ غِدَنْ يَا ثَنْثَنْتَ، سَيْ سَلَمَرْكُ تَسَوْكَ عَكَنْسَ، عَمَّا عِدَنْ بَيْ ثَنْثَنْتَ بَ، سَيْ سَلَمَرْكُ تَكُواْمُواْ غَرٜىٰكُ؞
14
دُكْ وَنْدَ بَيْ كَرْٻٜىٰكُبَ، كُواْ كُمَ يَڧِ جِنْ مَغَنَرْكُ، كُكَكَّٻٜىٰ ڧُورَرْ ڧَڢَاڢُنْكُ سَعَدَّ كُكَ ڢِتَ دَغَ غِدَنْ كُواْ غَرِنْ
15
حَڧِيڧَ إِنَ غَيَ مُكُ، ذَاعَ ڢِے جِنْ تَوْسَيِنْ مُتَنٜىٰنْ سُواْدُوامْ دَ غُواْمُواْرَ ڢِيٜىٰدَ مُتَنٜىٰنْ غَرِنَّنْ أَ رَانَرْ شَرِيعَ؞»
16
«غَاشِ، إِنَ عَيْكَنْكُ كَمَرْ تُمَكِ ثِكِنْ ݣَرْكٜىٰتَيْ، سَبُواْدَ حَكَ كُذَمَ مَاسُ وَيُواْ كَمَرْ مَثِيظَيْ، كُمَ مَرَسَ ٻَرْنَ كَمَرْ كُرْثِيَ؞
17
كُيِ حَنْكَلِ دَ مُتَنٜىٰ، غَمَا ذَاسُ كَيْكُ كُواْتُ، سُكُمَيِ مُكُ بُلَلَ أَ مَجَمِعُنْسُ؞
18
سَبُواْدَ نِے كُمَ، ذَاسُ كَيْكُ غَبَنْ شُوغَبَنِّ دَ سَرَاكُنَ، دُواْمِنْ كُشَيْدَ لَابَرِ مَيْ دَاطِے أَغَبَنْسُ دَ أَغَبَنْ وَطَنْدَ بَا يَهُودَاوَا بَ؞
19
لُواْكَثِنْ دَ سُكَ بَادَكُ، كَدَ كُدَامُ دَ أَبِنْدَ ذَاكُ ڢَطَا، غَمَا ذَاعَ بَاكُ أَبِنْدَ ذَاكُثٜىٰ أَ لُواْكَثِنْ؞
20
دُواْمِنْ بَكُو نٜىٰ كُكٜىٰ مَغَنَبَ، رُوحٌ عُبَنْكُ نٜىٰ يَكٜىٰ مَغَنَ تَوُرِنْكُ؞
21
«طَنْعُوَ ذَيْبَادَ طَنْعُوَنْسَ عَكَشٜىٰشِ، بَابَ كُمَ يَبَادَ طَنْسَ، یَیَ كُمَ ذَاسُ تَيَرْ وَ إِيَايٜىٰنْسُ، حَرْ سُسَا عَكَشٜىٰسُ؞
22
كُواْوَ كُمَ ذَيْڧِيكُ سَبُواْدَ سُونَنَ؞ عَمَّا وَنْدَ يَجِمْرٜىٰ حَرْ ذُوَا ڧَرْشٜىٰ ذَيْ ڟِيرَا؞
23
عِدَنْ سُنْ ڟَنَنْتَ مُكُ أَوَنِ غَرِ، كُغُدُ ذُوَا غَرِ نَغَبَ، غَمَا حَڧِيڧَ إِنَ غَيَ مُكُ، كَاڢِنْ كُغَمَ ذَاغَيَ دُكَنْ غَرُضُوً إِسْرَٰٓءِيلَ، طَنْ مُتُمْ ذَيْ دَاوُاْ؞
24
«بَ أَلْمَجِرِ وَنْدَ يَڢِ مَلَمِنْسَ، كُواْ كُمَ بَاوَنْدَ يَڢِ مَيْغِدَنْسَ؞
25
يَا إِسَ أَلْمَجِرِ يَذَمَ كَمَرْ مَلَمِنْسَ، بَاوَ كُمَ كَمَرْ مَيْغِدَنْسَ؞ عِدَنْ سُكَثٜىٰ دَ مَيْغِدَنْ بَعَلْظَبُلْ، مٜىٰ ذَاسُثٜىٰ غَمٜىٰدَ مُتَنٜىٰنْ غِدَنْ؟»
26
«سَبُواْدَ حَكَ، كَدَ كُجِڟُواْرُوانْسُ، دُواْمِنْ بَا أَبِنْدَ يَكٜىٰ أَ رُڢٜىٰ وَنْدَ بَذَاعَ بَيَّنَبَ، كُمَ بَا أَبِنْدَ يَكٜىٰ عَٻُواْيٜىٰ وَنْدَ بَذَاعَ سَنِبَ؞
27
أَبِنْ دَ نَكٜىٰ غَيَ مُكُ أَدُهُ، كُڢَطٜىٰشِ أَ حَصْكٜىٰ؞ أَبِنْ دَ عَكَ ڢَطَا مُكُ عَكُنّٜىٰ كُوَ، كُيِ شٜىٰلَرْسَ دَغَ كَنْ رُڢِنْ غِدَاجٜىٰ؞
28
كَدَ كُجِڟُواْرُوانْ وَطَنْدَ ذَاسُ عِيَ كَشٜىٰ مُتُمْ، عَمَّا بَاسَ عِيَ كَشٜىٰ رَنْسَ؞ سَيْ دَيْ كُجِڟُواْرُوانْ وَنْدَ ذَيْ عِيَ هَلَّكَ جِكِے دُكْ دَ رَيْ أَغِدَنْ وُتَا؞
29
بَ أَنَ سَيَرْ دَ طَنْ ڟُنْڟُ غُدَا بِيُ كُواْبُواْ طَيَبَ؟ تُواْ، بَ طَيَنْسُ وَنْدَ ذَيْ ڢَاطِ عَڧَسَا بَاتَرٜىٰدَ سَنِنْ عُبَنْكُ بَ؞
30
أَيْ، كُواْ غَاشِنْ كَنْكُ مَا أَنْڧِرْغَسُ؞
31
سَبُواْدَ حَكَ، كَدَ كُجِڟُواْرُواْ؞ أَيْ، كُنْڢِے طَنْ ڟُنْڟُ دَرَجَ سَوْ بَرْكَتَيْ؞»
32
«دُكْ وَنْدَ يَنُونَ شِے نَوَنٜىٰ أَغَبَنْ مُتَنٜىٰ، نِے مَا ذَنْ نُونَ شِے نَوَنٜىٰ أَغَبَنْ عُبَانَ وَنْدَ يَكٜىٰ أَ سَمَ؞
33
عَمَّا دُكْ وَنْدَ يَيِ مُسُونْ سَنِنَ أَغَبَنْ مُتَنٜىٰ، نِے مَا ذَنْيِ مُسُونْ سَنِنْسَ أَغَبَنْ عُبَانَ دَيَكٜىٰ أَ سَمَ؞»
34
«كَدَ كُيِ ڟَمَّنِ نَذُواْ إِنْ كَٰوُاْ سَلَمَ نٜىٰ عَدُونِيَا؞ بَ دُواْمِنْ إِنْ كَٰوُاْ سَلَمَ نَذُوابَ، سَيْدَيْ ڢَطَ؞
35
غَمَا نَا ذُواْنٜىٰ، « ‹إِنْسَا طَا يَيِ غَابَادَ بَابَنْسَ، یَ كُمَ دَ مَامَرْتَ، مَاتَرْ طَا كُمَ دَ مَامَرْ مِجِنْتَ؞
36
مُتَنٜىٰنْ غِدَنْ مُتُمْنٜىٰ كُمَ ذَاسُ ذَمَ أَبُواْكَنْ غَابَنْسَ؞›
37
«دُكْ وَنْدَ يَڢِ سُوانْ مَامَرْسَ كُواْ بَابَنْسَ ڢِيٜىٰ دَنِے، بَيْ إِسَ يَذَمَ نَوَبَ؞ كُمَ دُكْ وَنْدَ يَڢِ سُوانْ طَنْسَ كُواْ یَرْسَ ڢِيٜىٰ دَنِے، بَيْ إِسَ يَذَمَ نَوَبَ؞
38
دُكْ وَنْدَ بَيْ طَوْكِ غِثِّيٜىٰنْسَ يَا بِينِبَ، بَيْ إِسَ يَذَمَ نَوَبَ؞
39
دُكْ وَنْدَ يَسُواْ يَثٜىٰثِ رَنْسَ، ذَيْ رَسَشِ؞ دُكْ وَنْدَ يَرَسَ رَنْسَ سَبُواْدَنِ، ذَيْسَامٜىٰشِ؞»
40
«دُكْ وَنْدَ يَكَرْٻٜىٰكُ، يَا كَرْٻٜىٰنِنٜىٰ، دُكْ وَنْدَ يَكَرْٻٜىٰنِ كُوَ يَا كَرْٻِ وَنْدَ يَعَيْكُواْنِ؞
41
دُكْ وَنْدَ يَكَرْٻِ أَنَّبِے سَبُواْدَ شِے أَنَّبِے نٜىٰ، ذَيْسَامِ لَادَنْ أَنَّبِے؞ كُمَ دُكْ وَنْدَ يَكَرْٻِ مَيْ أَدَلْثِے سَبُواْدَ شِے مَيْ أَدَلْثِے نٜىٰ، ذَيْسَامِ لَادَنْ مَيْ أَدَلْثِے؞
42
دُكْ وَنْدَ يَبَا طَيَ دَغَ ثِكِنْ مَڢِے ڧَنْڧَنْتَنَّنْ كُواْ دَ ݣُوڢْ طَيَ نَضُوً سَنْيِ سَبُواْدَ شِے أَلْمَجِرِنَ نٜىٰ، حَڧِيڧَ إِنَ غَيَ مُكُ، بَذَيْ تَٻَ رَسَ لَادَنْسَبَ؞»
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula