Ya re ge bao ba sepela, Jesu a thoma go bolela le mašaba a batho tša Johane, a re: Le be le tšwetše šokeng go bogang? A le be le bona lehlaka le le tšokotšwago ke phefo?
Ruri ke a le botša, mo go ba ba belegwego ke basadi ga go ešo gwa tsoga e mongwe e a fetago Johane Mokolobetši; fela yo e lego e monyenyane mmušong wa magodimo o a mo feta.
Gwa tla Morwamotho, a ja, a nwa; ba re: Bonang, motho wa sejato wa monwi, mogwera wa ba lekgetho le badiradibe. Gomme bohlale bo bonala ka bana ba bjona.
Joo Koratsima joo! Joo Betsaida joo! Mediro e matla ye e dirilwego mo go lena ge e ka be e dirilwe motseng wa Tiro le wa Sidone, e ka be e sokologile kgale, e apere mankgeretla, e dutše meloreng.
Le wena Kaperenaume, o phagamišitswe wa goma ka legodimo; mme o tlo theošetšwa kwa bodulabahu; gobane ditiro tše matla tše di dirilwego go wene, ge e ka be di dirilwe motseng wa Sodoma, o ka be a sa le gona le lehono.
Ka lona lebaka leo Jesu a bolela a re: Ke a go reta, wena Tate Mong a legodimo le lefase, ka gobane tšeo o di fihletše ba bohlale le ba tlhaloganyo mme wa di utollela ba e lego bana.
Tšohle di gafetšwe nna ke yena Tate; gomme ga go e a hlathago Morwa, ge e se Tate, le e a hlathago Tate, ge e se Morwa, le yo Morwa a ratago go mo utollela.