Di daa ti lu Vuhim Dabisili dali, ka Yisa min’ o nyaandoliba tim so puu ni garita; ka kum wum o nyaandoliba maa, ka bɛ piligi kabisiri chi ŋubiri chana.
Ka bɔɣukpiŋlan’ so daa be nimaani, ka niriba maa ni shɛb’ daa bɔri ni bɛ nya Yisa taali ka fiɣis’ o. Ka bɔh’ o, “Di luhiya ni nira chɛ ka so kpaŋ Vuhim Dabisili dali?”
“Nyama, n ni pii n dab’ so m-bɔŋɔ; n ni yuri so ni n nini ni tiɣ’ so pam m-bala. N ni zaŋ n Shia niŋ o ni, ka o zaŋ yɛlimaŋli kari saria ti zuliya shɛb’ bɛn pa Yɛhudianima.
Amaa ka Farisiinima bɛn’ daa wum lala ka yɛli, “Kulla alizin’ biɛri naa ŋun yuli booni Biilzibul la n-niŋ o yiko ka o kariti alizin’ biɛri bahiri maa.”
Ka Yisa daa baŋ bɛ tɛha maa ka yɛli ba, “Nam yini puuni niriba yi ŋmaligi tuhiri taba, bɛ nam maa ni wurim; ka tin’ yin’ nim’ bee yil’ yin’ nim’ yi ŋmaligi zabira, bɛ tiŋ’ maa bee bɛ yili maa mi wurindimi.
Ka n yi kariti alizin’ biɛri Biilzibul yiko ni, ka ŋun’ mi yiko ni ka yi niriba lee kariti ba bahira? Dinzuɣu yimaŋmaŋ’ niriba maa ni zaŋ yi nol’ ni yɛtɔɣa tɔɣisi luhi ya.
Dinzuɣu ka n yɛri ya, alahichi balibu kam tumbu mini Naawuni mɔbu zaa, ninsalinim’ ni tooi nya di taali chɛ m-paŋ Naawuni sani, amaa ŋunkam mo Naawuni Shia Kasi, dilana ŋun’ kul ku nya di chɛ m-paŋ Naawuni sani.
Ka ŋunkam mi tɔɣisiri yɛtɔɣ’ biɛri dalindi Daadam Bia ni tooi nya di chɛ m-paŋ, amaa ŋunkam tɔɣisiri yɛtɔɣ’ biɛri n-dalindi Naawuni Shia Kasi, dilana ŋun’ kul ku nya di chɛ m-paŋ dunia ŋɔ ni bee dunia shɛli din kanna ni.”
Yisa daa lan yɛli ba, “Nir’ yi bɔri tiwal’ suma, faashee o malila ti’ suŋ; amaa o yi malila ti’ biɛɣu, tiwal’ biɛri ka o ni nya, dama bɛ baŋdi tia kam la di wala ni.
Ninvuɣ’ suŋ ŋun suhu pali bin’ suma yihirila bin’ suma o suhu maa ni na, ka ninvuɣ’ biɛɣu ŋun mi suhu pali bin’ biɛri yihirila bin’ biɛri o suhu maa ni na.
Ka o garigi yɛli ba, “Ninvuɣ’ biɛri bɛn bi ʒe Naawuni yim ʒiɛman’ nim’ ŋɔ bɔrila shihirili nyabu, amaa bɛ ku nya shihir’ shɛli m-pahila Anabi Jona shihirili la.
Zaadali Ninivenim’ ni ti wuhi ni ʒiɛmani ŋɔ nim’ mali taali, dama Anabi Jona ni daa yihi ba waazu la, bɛ daa niŋ tuuba; ka nyamiya, yɛl’ shɛli din gari Anabi Jona be kpe!
Zaadali paɣ’ so ŋun daa nyɛ naa n-yi nudirigu polo na la gba ni ti wuhi ni ʒiɛmani ŋɔ nim’ mali taali, dama o daa yi katiŋa n-kana ni o ti wum Sulemaana yɛm yɛtɔɣa; ka nyamiya, yɛl’ shɛli din gari Sulemaana be kpe!”
o chanimi nti zaŋ alizin’ biɛr’ ayopɔin bɛn bie gar’ o m-pah’ omaŋ zuɣu na nti kpe m-be nimaani; ka dilan’ maa biɛhigu ni bie pam n-gari di ni daa pun be shɛm; lala nti yɛn niŋ ʒiɛmaan’ biɛɣu ŋɔ nim’ gba.”
Yisa ni daa na kul tɔɣisiri niriba maa yɛtɔɣa maa, ka o tizɔbihi min’ o ma daa kana nti ʒe samban’ ni ka tim ni be ti bol’ o na ka bɛ tɔɣis’ o yɛtɔɣ’ shɛli. [