×

أَتَّوْرَتْ دَ أَنَّبَاوَا 2020

Mattiyu 14

1
أَ لُواْكَثِنَّنْ، سَرْكِے هِرُدُسْ أَنْتِڢَسْ يَجِ لَابَرِنْ عِيسَىٰ ؞
2
سَيْ يَثٜىٰ وَمَاسُ يِمَسَ عَيْكِ «أَيْ وَنَّنْ يَحْيَى مَيْ بَڢْتِسْمَ نٜىٰ؞ أَنْ تَاشٜىٰشِ دَغَ مَتَتُّو، شِے يَسَا يَكٜىٰدَ إِيكُوانْ يِنْ وَطَنَّنْ أَيُّكَنْ بَنْ مَامَاكِ؞»
3
غَمَا دَا مَا هِرُدُسْ يَا كَامَ يَحْيَى يَا طَوْرٜىٰ شِ، يَا سَا شِ عَكُرْكُكُ سَبُواْدَ هِرُدِيَ، مَاتَرْ طَنْعُوَنْسَ ڢِلِبُسْ؞
4
غَمَا دَا مَا يَحْيَى يَيِ تَغَيَ وَ هِرُدُسْ ثٜىٰوَ بِسَغَ دُواْكَا، بَيْ كَمَاتَ يَ عَوْرِ هِرُدِيَ بَ؞
5
كُواْدَيَكٜىٰ هِرُدُسْ يَنَ سُواْ يَكَشٜىٰ يَحْيَى، عَمَّا يَنَ جِنْ ڟُواْرُوانْ مُتَنٜىٰ، غَمَا سُنْ طَوْكَ يَحْيَى أَنَّبِنٜىٰ؞
6
عَمَّا دَ رَانَرْ دَ عَكَ حَيْڢِ هِرُدُسْ تَسَاكٜىٰ ذُوَا، سَيْ یَرْ هِرُدِيَ تَيِ ضَوَ أَغَبَنْ بَڧِنْ دَ سُكَذُواْ بِكٍ؞ تَا سَا هِرُدُسْ يَجِ دَاطِے سُواْسَيْ
7
حَرْ مَا يَيِ مَتَ أَلْڧَوَرِ تَرٜىٰدَ ضَنْڟُوَا ثٜىٰوَ ذَيْبَاتَ دُكْ أَبِنْدَ تَضُواْڧَا؞
8
مَامَرْتَ كُوَ تَبَاتَ شَوَرَا غَمٜىٰدَ أَبِنْدَ ذَاتَثٜىٰ، سَيْ تَثٜىٰ «عَبَا نِے كَنْ يَحْيَى مَيْ بَڢْتِسْمَ يَنْذُ عَثِكِنْ ݣُونُواْ؞»
9
سَرْكِے كُوَ يَا دَامُ، عَمَّا سَبُواْدَ ضَنْڟُوَارْ دَ يَيِ أَغَبَنْ بَاڧِنْ، سَيْ يَيِ عُمَرْنِ عَبَاتَ؞
10
يَعَيْكَ ذُوَا كُرْكُكُ عَكَ ثِرٜىٰ كَنْ يَحْيَى؞
11
عَكَ كُوَ كَٰوُاْ كَنْ عَثِكِنْ ݣُونُواْ، عَكَبَا يَارِنْيَرْ، سَيْ تَكَيْ وَمَامَرْتَ؞
12
سَيْ أَلْمَجِرَنْ يَحْيَى سُكَذُواْ، سُكَ طَوْكِ غَاوَرْسَ سُكَ بِنّٜىٰ؞ سَيْ سُكَجٜىٰ سُكَ غَيَ وَ عِيسَىٰ ؞
13
دَ عِيسَىٰ يَجِ حَكَ، سَيْ يَتَاشِ يَشِغَ جِضْغٍ ضُوَ يَهَيٜىٰ ذُوَا وَنِ وُرِے عِنْدَ بَا كُواْوَ دُواْمِنْ يَكَسَنْثٜىٰ شِ كَطَيْ؞ عَمَّا دَ تَارُوانْ مُتَنٜىٰنْ سُكَجِ حَكَ، سَيْ سُكَ ڢِتُواْ دَغَ غَرُرُوَ سُكَبِيشِ دَ ڧَڢَا؞
14
دَ يَڢِتَ دَغَ جِضْغٍ كُوَ، يَغَ مُتَنٜىٰ سُنْ تَارُ دَيَوَ؞ سَيْ يَجِ تَوْسَيِنْسُ، يَكُمَ وَرْكَرْدَ مَرَسَ لَاڢِيَ عَثِكِنْسُ؞
15
دَ يَمَّ تَيِ، سَيْ أَلْمَجِرَنْسَ سُكَذُواْ وُرِنْسَ سُكَثٜىٰ «وُرِنَّنْ ڢَا بَا كُواْوَ، غَاشِ كُمَ يَمَّ تَيِ؞ كَسَلَّمِ مُتَنٜىٰنَّنْ دُواْمِنْ سُجٜىٰ ڧَوْيُكَ سُسَيَ وَكَنْسُ عَبِنْثِ؞»
16
عِيسَىٰ يَثٜىٰمُسُ «بَلَلَّيْ سُتَڢِبَ، كُبَاسُ وَنِ أَبُ سُثِ؞»
17
سُكَ أَمْسَ سُكَثٜىٰ «بَامُ دَكُواْمٜىٰ أَنَنْ سَيْ غُرَاسَ غُدَا بِيَرْ دَ كِيڢِ غُدَا بِيُ؞»
18
سَيْ يَثٜىٰ «كُكَٰوُاْ مِنِ؞»
19
سَيْ يَعُمَرْثِ مُتَنٜىٰنْ سُذَوْنَ عَكَنْ ثِيَوَ؞ يَطَوْكِ غُرَاسَرْنَنْ غُدَا بِيَرْ دَ كِيڢِنْ بِيُ، سَيْ يَطَغَ كَنْسَ سَمَ، يَيِ غُواْدِيَ غَ اللَّهْ ؞ سَيْ يَرَرَّبَ غُرَاسَرْ يَبَا أَلْمَجِرَنْسَ، أَلْمَجِرَنْ كُمَ سُكَ بَا جَمَعَ؞
20
دُكَنْسُ سُكَثِ سُكَ ڧُواْشِ؞ سُكَ تَتَّارَ دُكْ أَبِنْدَ يَضَغٜىٰ، حَرْ يَا ثِكَ ݣُونْدُنَ غُواْمَشَا بِيُ؞
21
مُتَنٜىٰنْ دَ سُكَثِ كُوَ سُنْ كَيْ مَظَا دُبُو بِيَرْ، بَنْدَ مَاتَادَ يَارَا؞
22
سُنَ غَمَاوَا كٜىٰنَنْ، سَيْ عِيسَىٰ يَسَا أَلْمَجِرَنْسَ سُشِغَ جِضْغٍ ضُوَ دُواْمِنْ سُكُواْمَ ثَنْ غٜىٰڢٜىٰنْ؞ شِے كُوَ يَڟَيَ أَوُرِنْ دُواْمِنْ يَسَلَّمِ تَارُوانْ؞
23
بَايَنْدَ يَسَلَّمِ تَارُوانْ، سَيْ يَهَوْ كَنْ تُدُ شِے كَطَيْ دُواْمِنْ يَيِ أَدُّعَ؞ حَرْ يَمَّ تَيِ سُواْسَيْ يَنَ ثَنْ شِے كَطَيْ؞
24
أَوَنَّنْ لُواْكَثِ كُوَ جِضْغٍ يَنَ ڟَكِيَرْ تٜىٰكُ، رَاڧُمَنْ ضُوَ سُنَ بُغَشِ، كُمَ إِسْكَ تَنَ غَابَادَسُو؞
25
وَجٜىٰنْ ڧَرْڢٜىٰ عُكُ نَدَرٜىٰ سَيْغَا عِيسَىٰ يَنَ تَاكَاوَ عَكَنْ تٜىٰكُ ذُوَا وُرِنْ أَلْمَجِرَنْسَ؞
26
عَمَّا دَ أَلْمَجِرَنْ سُكَ غَنْ شِ يَنَ تَڢِيَ عَكَنْ تٜىٰكُ، سَيْ سُكَجِڟُواْرُواْ، سُكَثٜىٰ «ڢَتَلْوَ ثٜىٰ!» سُكَيِ إِيهُ سَبُواْدَ ڟُواْرُواْ؞
27
نَنْ دَ نَنْ سَيْ عِيسَىٰ يَيِ مُسُ مَغَنَ يَثٜىٰ «كَدَ كُدَامُ! نِنٜىٰ، كَدَ كُجِڟُواْرُواْ!»
28
سَيْ بِتْرُسْ يَأَمْسَ مَسَ يَثٜىٰ « عُبَنْ‌غِجِ ، عِدَنْ كَيْنٜىٰ، كَسَا إِنْ ذُواْ وُرِنْكَ عَكَنْ ضُوً؞»
29
عِيسَىٰ يَثٜىٰ «ذُواْ مَنَ؞» سَعَنً بِتْرُسْ يَڢِتَ دَغَ جِضْغٍ، يَڢَارَ تَڢِيَ عَكَنْ ضُوَ ذَيْجٜىٰ وُرِنْ عِيسَىٰ ؞
30
عَمَّا دَ يَغَ إِسْكَرْ تَيِ ڧَرْڢِے، سَيْ يَجِڟُواْرُواْ يَڢَارَ نُڟٜىٰوَ؞ سَيْ يَيِ إِيهُ، يَثٜىٰ « عُبَنْ‌غِجِ ، كَثٜىٰثٜىٰنِ!»
31
نَنْ دَ نَنْ سَيْ عِيسَىٰ يَمِيڧَ حَنُّنْسَ يَكَمُواْشِ، يَثٜىٰ مَسَ «كَيْ مَيْ ڧَرَمَرْ بَنْ‌غَسْكِيَ، دُوانْمٜىٰ كَيِ شَكَّ؟»
32
دَ سُكَ شِغَ جِضْغٍ سَيْ إِسْكَرْ تَدَيْنَ هُورَاوَ؞
33
وَطَنْدَ سُكٜىٰ ثِكِنْ جِضْغٍ سُكَيِ وَ عِيسَىٰ سُجَّدَ، سُنَ ثٜىٰوَ «غَسْكِيَ، كَيْ طَنْ اللَّهْ نٜىٰ؞»
34
دَ سُكَ ڧٜىٰتَرٜىٰ تٜىٰكُنْ، سُكَ سَوْكَ عَيَنْكِنْ جَنِيسَرَتْ؞
35
مُتَنٜىٰنْ غَرِنْ كُوَ سُكَ غَانٜىٰ، أَشٜىٰ، عِيسَىٰ نٜىٰ، سَيْ سُكَ عَيْكَ أَڢَطَا وَكُواْوَ دَيَكٜىٰ أَوَنَّنْ سَاشٜىٰنْ ڧَسَرْ، سُكَ كَٰوُاْ مَسَ دُكَنْ مَرَسَ لَاڢِيَ؞
36
سُكَ ضُواْڧٜىٰشِ سُتَٻَ كُواْ دَ بَاكِنْ رِغَرْسَ؞ دُكَنْ وَطَنْدَ سُكَتَٻَ كُوَ سُكَوَرْكٜىٰ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula