×

أَتَّوْرَتْ دَ أَنَّبَاوَا 2020

Mattiyu 15

1
أَنَانً سَيْ ڢَرِسِيَاوَا دَ مَلَمً كُواْيَرْوَرْ مُوسَٰى سُكَذُواْ وُرِنْ عِيسَىٰ دَغَ عُرُوشَلِيمَ سُكَثٜىٰ،
2
«دُوانْمٜىٰ أَلْمَجِرَنْكَ سُكٜىٰ كَرْيَ أَلْعَادَرْ دَتَّاوَا؟ غَمَا بَاسَ وَنْكٜىٰ حَنُّ كَاڢِنْ سُثِ عَبِنْثِ؞»
3
عِيسَىٰ يَأَمْسَ مُسُ يَثٜىٰ «كُو ڢَا، دُوانْمٜىٰ كُكٜىٰ كَرْيَ دُواْكُواْكِنْ اللَّهْ سَبُواْدَ أَلْعَادَرْكُ؟
4
أَيْ، اللَّهْ يَثٜىٰ، ‹كَغِرْمَمَ بَابَنْكَ دَ مَامَرْكَ،› كُمَ ‹دُكْ وَنْدَ يَذَاغِ بَابَنْسَ كُواْ مَامَرْسَ لَلَّيْ عَكَشٜىٰشِ؞›
5
عَمَّا كُكَنْ كُواْيَرْ ثٜىٰوَ عِدَنْ مُتُمْ يَنَدَ وَنِ أَبِنْدَ ذَيْ تَيْمَكِ بَابَنْسَ كُواْ مَامَرْسَ دَشِ، عَمَّا سَيْيَثٜىٰ، ‹دُكْ أَبِنْدَ دَا ذَاكُ سَامُ أَوُرِينَ، نَكٜىٰٻٜىٰ وَ اللَّهْ ،› تُواْ، بَلَلَّيْ كٜىٰنَنْ يَبَا إِيَايٜىٰنْسَ غِرْمَبَ؞
6
وَتُواْ، سَبُواْدَ أَلْعَادَرْكُ، كُنْ مَيْدَ مَغَنَرْ اللَّهْ بَنْظَ؞
7
كُو مُنَاڢُكَيْ! دَيْدَيْ نٜىٰ عِشَايَ يَيِ أَنَّبْثِ عَكَنْكُ دَيَثٜىٰ،
8
« ‹مُتَنٜىٰنَّنْ ڢَا، دَ بَاكِ كَوَيْ سُكٜىٰ غِرْمَمَنِ، عَمَّا ظُكَاتَنْسُ سُنْيِ نٜىٰسَ دَنِے؞
9
عَبَنْظَنٜىٰ سُكٜىٰيِ مِنِ سُجَّدَ، سُنَ كُواْيَرْ دَ دُواْكُواْكِنْ مُتَنٜىٰ أَمَڟَيِنْ كَلْمَرْ اللَّهْ ؞› »
10
عِيسَىٰ يَكِرَا تَارُوانْ مُتَنٜىٰ يَثٜىٰ مُسُ «كُسَوْرَرَ كُغَانٜىٰ؞
11
بَ أَبِنْدَ يَكٜىٰ شِغَ بَاكِنْ مُتُمْ نٜىٰ يَكَنْ ڧَظَنْتَرْ دَشِ أَغَبَنْ اللَّهْ بَ، سَيْدَيْ أَبِنْدَ يَكٜىٰ ڢِتُواْوَ دَغَ بَاكِنْسَ؞»
12
سَيْ أَلْمَجِرَنْ سُكَذُواْ وُرِنْسَ سُكَثٜىٰ مَسَ «كَسَنْ ڢَرِسِيَاوَا سُنْجِ هَوْشِ دَ سُكَجِ مَغَنَرْ نَنْ؟»
13
عِيسَىٰ يَأَمْسَ يَثٜىٰ «دُكْ شُوكَرْ دَ بَ عُبَانَ نَسَمَ نٜىٰ يَشُوكَبَ، ذَاعَ تُمْٻُكٜىٰشِ؞
14
بَرْسُ كَوَيْ؞ سُو مَكَاڢِنٜىٰ مَاسُيِ وَمَكَڢِ جَغُواْرَ؞ عِدَنْ كُوَ مَكَهُواْ يَيِ وَوَنِ مَكَهُواْ جَغُواْرَ، أَيْ، دُكَنْسُ ذَاسُ ڢَاطَ ثِكِنْ رَامِ؞»
15
عَمَّا بِتْرُسْ يَثٜىٰ مَسَ «كَبَيَّنَ مَنَ وَنَّنْ مِصَالِ؞»
16
سَيْ عِيسَىٰ يَثٜىٰ «أَشٜىٰ، حَرْ يَنْذُ بَكُ غَانٜىٰبَ؟
17
إِنَ نُڢِنْ دُكْ أَبِنْدَ مُتُمْ يَثِ دَ ڢَرْكُواْ ذَيْ شِغَ بَاكِنْسَ، سَعَنً ذَيْ شِغَ ثِكِنْسَ، كُمَ دَغَ ڧَرْشٜىٰ ذَيْڢِتَ دَغَ جِكِنْسَ؞
18
عَمَّا أَبِنْدَ يَكٜىٰ ڢِتُواْوَ دَغَ بَاكِ دَغَ ذُوثِيَا يَكٜىٰ ڢِتُواْوَ؞ شِينٜىٰ كُوَ يَكٜىٰ ڧَظَنْتَرْدَ مُتُمْ أَغَبَنْ اللَّهْ ؞
19
غَمَا دَغَ ذُوثِيَا نٜىٰ مُوغَيٜىٰنْ تُنَانِ سُكٜىٰ ڢِتُواْوَ؞ وَتُواْ، سُو كِسَنْ كَيْ دَ ظِنَ دَ لَلَتَ دَ سَاتَادَ شَيْدَرْ ڧَضْيَا دَ ٻَاتَ سُونَ؞
20
وَطَنَّنْ سُكٜىٰ ڧَظَنْتَرْدَ مُتُمْ أَغَبَنْ اللَّهْ ، عَمَّا ثِنْ عَبِنْثِ دَ حَنُّنْ دَ بَعَوَنْكٜىٰبَ، بَايَ ڧَظَنْتَرْدَ مُتُمْ أَغَبَنْ اللَّهْ ؞»
21
عِيسَىٰ يَا بَرْ وُرِنْ كٜىٰنَنْ يَا تَڢِے يَنْكِنْ بِرَنٜىٰنْ تَيَ دَ سِدُوانْ،
22
سَيْغَا وَتَ یَرْ ڧَسَرْ كَنْعَنَ تَذُواْ تَطَغَ مُرْيَ تَثٜىٰ «كَيِ مِنِ جِنْڧَيْ، يَا عُبَنْ‌غِجِ ، طَنْ دَاوُدَ؞ وَنِ أَلْجَنِ يَنَ بَا یَتَ وَهَلَ؞»
23
عِيسَىٰ بَيْ ثٜىٰمَتَ كُواْمٜىٰبَ؞ سَيْ أَلْمَجِرَنْسَ سُكَذُواْ سُكَ ضُواْڧٜىٰشِ، سُكَثٜىٰ «كَكُواْرٜىٰتَ! دُواْمِنْ تَنَ بِنْمُ تَنَ دَامُنْمُ دَ إِيهُ!»
24
يَأَمْسَ يَثٜىٰ «أَنْ عَيْكُواْ نِنٜىٰ دُواْمِنْ تُمَكِنْ إِسْرَٰٓءِيلَ وَطَنْدَ سُكَ ٻَتَ، بَ دُواْمِنْ وَطَنْسُبَ؞»
25
عَمَّا تَذُواْ تَدُرْڧُسَ أَغَبَنْسَ، تَثٜىٰ « عُبَنْ‌غِجِ ، كَتَيْمَكٜىٰنِ؞»
26
يَأَمْسَ يَثٜىٰ «بَذَيْ يِݣَوْ أَطَوْكِ عَبِنْثِنْ يَارَا عَبَا كَرْنُكَبَ؞»
27
تَاثٜىٰ «عِ، عُبَنْ‌غِجِ ، عَمَّا كُواْ كَرْنُكَ مَا سُكَنْ لَشٜىٰ سَوْرَنْ عَبِنْثِنْ دَيَكٜىٰ ڢَاطُوَ دَغَ تٜىٰبُرِنْ مَاسُ غِدَنْ؞»
28
سَيْ عِيسَىٰ يَأَمْسَ مَتَ يَثٜىٰ «عُوَرْغِدَا، بَنْ‌غَسْكِيَرْكِ تَنَدَ ڧَرْڢِے، بَرِ بُڧَاتَرْكِ تَبِيَ؞» نَنْ تَكٜىٰ یَرْتَ تَوَرْكٜىٰ؞
29
دَغَ وُرِنْ عِيسَىٰ يَبِے تَغٜىٰڢٜىٰنْ تٜىٰكُنْ غَلِيلِ؞ سَعَنً يَهَوْ تُدُ يَذَوْنَ؞
30
مُتَنٜىٰ دَيَوَ سُكَذُواْ وُرِنْسَ؞ سُكَ ذُواْ دَ غُرَغُ دَ مَكَڢِ دَ مَاسُ دُنْ‌غُ دَ بٜىٰبَيٜىٰ دَ وَطَنْسُ دَيَوَ، سُكَ أَجِيٜىٰسُ أَغَبَنْسَ؞ يَكُوَ وَرْكَرْ دَسُو؞
31
حَرْ مُتَنٜىٰ سُكَيِ مَامَاكِ دَ سُكَغَ بٜىٰبَيٜىٰ سُنَ مَغَنَ، مَاسُ دُنْ‌غُ كُمَ غَٻُواْٻِنْسُ سُنَ عَيْكِ، غُرَغُ سُنَ تَڢِيَ، مَكَڢِ كُمَ سُنَ غَنِ؞ سَيْ دُكْ سُكَ طَوْكَكَ اللَّهْ نَ إِسْرَٰٓءِيلَ؞
32
أَنَانً سَيْ عِيسَىٰ يَكِرَا أَلْمَجِرَنْسَ يَثٜىٰ «إِنَ جِنْ تَوْسَيِنْ جَمَعَرْ نَنْ، غَمَا يَوْ ݣُونَ عُكُ كٜىٰنَنْ سُنَ تَرٜىٰدَنِ، كُمَ بَاسُدَ عَبِنْثِ؞ بَانَسُواْ إِنْسَلَّمٜىٰسُ دَ يُنْوَ، دُواْمِنْ ذَاسُ عِيَ سُومَ أَ حَنْيَ؞»
33
سَيْ أَلْمَجِرَنْ سُكَثٜىٰ مَسَ «أَ دَاجِ حَكَ، إِنَا ذَامُسَامِ غُرَاسَرْ دَ ذَيْ إِسَ مُثِيَرْدَ وَنَّنْ جَمَعَ؟»
34
عِيسَىٰ يَتَمْبَيٜىٰسُ يَثٜىٰ «غُرَاسَ نَوَ كُكٜىٰ دَشِ؟» سُكَثٜىٰ «غُدَا بَݣَويْ دَ ڧأَنَانً كِيڢَيٜىٰ كَطَنْ؞»
35
سَيْيَسَا تَارُوانْ مُتَنٜىٰنْ سُذَوْنَ عَڧَسَا،
36
يَطَوْكِ غُرَاسَرْنَنْ بَݣَويْ دَ كِيڢَيٜىٰنْ؞ دَ يَيِغُواْدِيَ غَ اللَّهْ ، سَيْ يَرَرَّبَسُ، يَبَا أَلْمَجِرَنْ، أَلْمَجِرَنْ سُكَ بَا تَارُوانْ مُتَنٜىٰنْ؞
37
كُواْوَ يَثِ يَڧُواْشِ، أَلْمَجِرَنْ كُوَ سُكَتَارَ ضَغُواْوَرْ عَبِنْثِنْ، ثِكٜىٰدَ ݣُونْدُنَ بَݣَويْ؞
38
مُتَنٜىٰنْ دَ سُكَثِ كُوَ سُنْكَيْ مَظَا دُبُو حُطُ، بَنْدَ مَاتَادَ يَارَا؞
39
بَايَنْدَ يَسَلَّمِ تَارُوانْ مُتَنٜىٰنْ، سَيْيَشِغَ جِضْغٍ ضُوَ يَتَڢِے يَنْكِنْ مَغَدَنْ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula