ama hnohta, ‘Cha vâna chata chapaw ta a nô nata paw siesai aw ta, a lapinô a patu aw, chatanachata panozy cha pôhpa miakha ama châ ha aw,’ tahpa bie kha rei beih veih ei chi ma?
Ei cha chho ei, ahy rai apheina vâta châ leipa ta, a lapinô ma ta, chanô hropa a hneipa maih cha â pheipa a châ. Ma chiehpa chanô a hneipa chhao â pheipa a châ hra,” tah ta.
Thaidao ta a pihpazy y ei ta, chyhsa ku ta hrilyupazy y hra ei ta, vârâh khinarâh châta âmosasyh ta hrilyupa ta â taopazy ama y hra. A pyh theipa ta, cha bie cha a pyh mawh sy,” tah ta.
Hawtizy chô liata a ku pahnieh ta thlahchhâpa awpa ta, chyhsa thokha ta hawtizy cha Zisu lâ a vaw chhi ei ta. Châhrasala pachupazy ta âmo cha ra ei ta,
Ano ta a hnohta, “Kheihawhpa biepiepazy maw?” tah ta. Zisu ta, “Liany na cheih awpa châ vei, Nâ phei awpa châ vei, Na paru awpa châ vei, Haipa ta chyhsa na leih awpa châ vei,
Zisu ta a hnohta, “Phapaki na khoh khiahta la, sie la, na hneipa zydua zuah la, dyhchhiepazy hnohta pie teh, chatanachata vârâh liata ryu na hnei aw. Cha khai tawhta a vy la, na zi mah y,” tah ta.
Zisu ta âmo cha moh ta, ama hnohta, “Cha hmo cha chyhsapa châta la, tao thei rimâ awpa châ vei. Khazohpa châta deikua cha, ato tao theipa a châ,” tah ta.
Zisu ta ama hnohta, “Hmeiseihta ta ei cha chho ei, Chyhsa Sawchapawpa he khizaw thiehpa liata a rônahna beidyuchhai liata â tyu tita, nâmo, nâ zituhpa sahlaozy chi he, beidyuchhai miahrawh hleino liata a tyuh aw ei chi ta, Izarei chi hrawh hleinozy chô liata ryu nama reih aw.