Kana saia ande panch e lliveseke irisailo pale ando foro kote kai chidiniaon e llene ta malada kote avere llenen kai ni saia len rado, ta pucha len ¿Soke sen tumen kate sorro llive bi radoko?
Kana peli e riat, o gazda phenda gole lleneke kai thovela e llenen te radin: Ikhar e llenen kai radin ta pochin lenge, mai anglal golenge kai avile mai pasa e riat ta mapalal llik golenge kai avile mai rano.
Gia sar tumen dikhen, akana lla ando Jerusalem, kote kai o Chavo e Manuseko ka avel dino kai e gazda e poponenge ta kai e kovacha e zakonoke, ta ka chinaven leke o meripe,
ta ka den le ande va katar gola kai inai judiura te sai maren espurnia letar, ta te maren le e bichoia ta te kafron le po krusto ta pala e trin llive ka ustel katar o meripe.
Ondaka o Jesus phenda: Tumen ni llanen so mangen ¿Sai pien katar o cherkipe kai si te piau me, ta te kristin tumen e kristomaia kai me sem kristime? Von phende leke: Sai.
Vou phenda lenge: Tumen ka pien gava cherkipe, ta ka len o kristope kai me sem kristime, a te besen pe mi chachi ta pe mo estingo inai ande mo va te dav le, samo golenge kai mo Dad lacharda lenge.
Ondaka o Jesus ikharda len, ta phenda: Tumen llanen kai maskar e llene kai ni pachan ando Del e gazda gazdarin silnomaia pe llene kai zivin ande gola phuvia ta e bare cheren sogo mangen lenchar.