Xebutak chi bic niq'uiaj tako'n, xubij chque: ‘Chibij chque ri winak: Xepilitaj ri ama' tak wacax, xepilitaj ri awaj ri e nu k'obisam, ri wa utzirinak chic ronojel ri ula'bal c'o chic. Tisaj pa ri c'ulanem.’
C'äte ri' ri ajawinel xubij chque ri u tako'n: ‘Chebiyutu' ri rakan u k'ab, chiq'uiaka' apan pa ri k'eku'm jela'. Cok' c'u na chila', cukuch'uch'ej na ri u ware.’
Aretak oc'owinak chi wa', ri pariseyib xebec xquijunaj qui wäch che u cojic jun c'amibal rech cakaj ri Jesus pa qui k'ab cumal ri kas e u tzij rech c'o caquitzujubej rech.
Xequitak bic ri qui tijoxelab ruc' ri Jesus e cachil ri aj herodib, xquibij che: “Aj tij, keta'm chi ri lal cabij la ri kastzij. Keta'm chi ri lal quetijoj la ri winak ruc' kastzij che ri u be ri Dios, chi man coc ta la il chuwäch jachin jun, we nim u banic o man nim ta u banic, man are ta quil la qui wäch ri winak.
“Ajtij, ri Moises xubij: ‘We c'o jun achi cäcämic, we c'u man e c'o ta can ralc'ual ruc' ri rixokil, ri rachalal cäc'uli' na ruc' ri malca'n ixok. Jeri' ri e ralc'ual ri quec'oji' na ruc', cuban na chque chi e je ta ne e ralc'ual ri rachalal ri xcämic.’
‘In ri' ri u Dios ri Abraham, ri u Dios ri Isaac, xukuje' ri u Dios ri Jacob.’ Ri Dios c'ut man are ta qui Dios ri cäminakib, xane' are ri qui Dios ri e c'aslic.”
Man c'o ta jun xcuin che u tzelexic u wäch ri u tzij ri Jesus. Kas chi' c'ut pa ri k'ij ri', man c'o ta chi jun xucoj u chuk'ab che u c'otic u chi' ri Jesus.