Thu dik ka hrilh a che u, khawvêl pum puia he Chanchin Ṭha hi an hrilhna apiangah he nu thil tih pawh hi, amah hriat reng nân an sawi ve zêl ang,” a ti a.
Chhang dawidim telh loh Kût ni hmasa berah chuan zirtîrte chu Isua hnênah an lo kal a, “Khawii hmunah nge Kalhlên Kût chaw i ei tûr buatsaih ila i duh?” an ti a.
Ani chuan, “Khawpuiah tu emaw hnênah va kal ula, a hnênah, ‘Zirtîrtu chuan, Ka hun a hnai ta a, ka zirtîrte nên Kalhlên Kût i inah kan hmang ang e, a ti,’ va ti ang che u,” a ti a.
Mihring Fapa hi a chanchin an ziak ang tak khân a kal dâwn a ni; nimahsela, Mihring Fapa mantîrtu tûr mihringa chung chu a pik e; chu mihring chu piang lo se a tân a ṭha zâwk tûr,” a ti a.
Chumi zawhah chuan Isua chu anniho nên hmun pakhat Gethsemani an tihah chuan an kal a, a zirtîrte hnênah chuan, “Saw laia ka va ṭawngṭai hlânin hetah hian lo ṭhu rawh u,” a ti a.
Hma lamah tlêm a va kal hlek a, lei sia kûnin a ṭawngṭai a, “Aw ka Pa, a theih chuan he no hian mi pêl hrâm teh se; nimahsela, ka thu ni lovin nangma thu thu ni zâwk rawh se,” a ti a.
Chumi zawhah chuan a zirtîrte hnênah a lo kal a, an hnênah, “Muhîlin in la châwl ta reng a ni maw? Ngai teh u, a hun chu a lo thleng ta. Mihring Fapa hi mi sualte kutah hlan a nih dâwn tâk hi!
A la ṭawng lai mêk chuan Juda, Sâwmpahnihte zînga pakhat chu a lo thleng a, a rual chuan puithiam lalte leh Dân zirtîrtute leh vântlâng upate tirh mi tam tak, khandaih leh talhtum kengin an lo thleng ta rup a.
Chumi lai chuan Isuan mipuite hnênah, “Suamhmang man tûr ang ziazângin khandaih leh talhtum kengin min man tûrin in lo thawk a ni maw? Tempulah ni tin ṭhuin mi ka zirtîr ṭhîn a, mi man si lo.
Nimahsela, zâwlnei Lehkha Thute chu a lo thlen theih nân hêng zawng zawng hi a lo awm ta a nih hi,” a ti a. Tichuan, a zirtîr zawng zawngin ani chu an hawisan a, an tlânchhe ta a.
Isua erawh chu a ngawi reng a. Puithiam lalber chuan, “Pathian nung chhâlin thu ka pe a che: Krista, Pathian Fapa chu i ni nge ni lo min hrilh rawh,” a ti a.
Isuan a hnênah, “Chu, i sawi chu, ka hrilh a che u, nakinah, Mihring Fapa hi Thiltitheia ding lama ṭhuin vân chhûm zînga lo kal in la hmu dâwn a ni,” a ti a.
Chu veleh Puithiam lalber chuan a silhfênte chu a pawtthlêr a, “Pathian pawi a sawi e, thuhretu dang a ṭûl em ni? Ngai teh u, Pathian pawi a sawi chu tûnah in hre ta a,
In hungna kawngkhâra a va chhuah chuan, nula dangin ani chu a lo hmu a, chuta awmte hnênah chuan, “He mi hi Nazaret Isua hnêna awm ve kha a nih hi,” a ti a.
Ar a khuang ta nghâl a, “âr khuan hmain nangin vawi thum mi phat ang,” Isuan a tih kha Petera chuan a hre chhuak a. Tichuan, a chhuak a, a ṭap ta zawih zawih a.