एनासाठे जव तू दान करस, दुसरा लोकस्ना ध्यान आकर्षित नका करा, जसा कपटी प्रार्थना घरस्मा व गल्ल्यास मा करतस, एनासाठे कि लोक तेस्ना बडाई करोत मी तुमले खर सांगस, जेना कण तेस्ले लोकस्ना द्वारा बडाई भेटी जायेल शे, पण परमेश्वर तेस्ले कोणताच प्रतीफय नई देवाव.
जव तू प्रार्थना करस तो कपटी सारखा नको होवू, कारण कि लोक तेस्ले देखोत आणि तेस्नी बडाई करोत, प्रार्थना घरस्मा आणि रस्तास्ना चौक वर उभा ऱ्हायसन प्रार्थना कराले तेस्ले चांगल वाटस. मी तुमले खर सांगस, कि तेस्ले आपला प्रतीफय भेटी जायेल शे. जी लोकस्ना द्वारा बडाई भेटी जायेल शे.
पण जव तू प्रार्थना करशी, त आपली खोली मा जाय, आणि दरवाजा बंद करीसन, आपला स्वर्ग मधला बाप संगे जेले कोणी नई देखू सकत, तेना संगे प्रार्थना कर, आणि तव तुना स्वर्ग मधला बाप जो गुप्त मा देखस, तुले सर्वा समोर प्रतीफय दिन.
प्रार्थना करतांना अन्यजाती सारखा शब्द परत सांगाणा द्वारे बळबळ नका करा. कारण कि त्या समजतस तेस्ना शब्दस्ले परत सांगाणा द्वारे आणि बळबळ करावर तेस्नी आयकामा ईन.
जव तुमी उपवास करशात, तव कपटी सारखा तुमना तोंड वर उदासी नका दिखाले पाहिजे, कारण कि त्या आपला तोंड दुखी दाखाळतस, एनासाठे कि लोकस्ले समजो कि त्या उपवाशी शेतस. मी तुमले खर सांगस, कि तेस्ले आपला प्रतीफय भेटी जायेल शे, जे कि लोकस्ना द्वारा बडाई शे.
एनासाठे कि लोक नई पण तुमना स्वर्ग मधला बाप जो तुले गुप्त मा देखस, तुले उपवाशी समजो. याच दशा मा तुमना स्वर्ग मधला बाप जो तुले देखस, तुले सर्वा समोर प्रतीफय दिन.
कोणताही माणुस एकच टाईम वर दोन मालकस्नी सेवा नई करू सकत, कारण तो एक ना संगे तिरस्कार आणि दुसरा संगे प्रेम ठेवीन, नईत एक ना संगे समर्पित राहीन व दुसराले तुच्छ समजीन. तुमी परमेश्वर आणि धन या दोनीस्नी सेवा नई करू सकतस.
एनासाठे मी तुमले सांगस, कि दररोज ना शारीरिक जीवन साठे हय चिंता नका करज्यात, कि आमी काय खासुत आणि काय पीसुत, आणि नईत आपला शरीर साठे कि काय घालसुत, निश्चित रूप मा तुमना जीवन तुमना खावा पिवा तून जास्त किमती शे. आणि तुमना शरीर तुमना द्वारे घालायनारा कपळास्नि तुलना मा जास्त किमती शे.
आकाश ना पक्षीस्ले देखा, त्या नईत पेरतस, नईत कापतस, आणि नईत कठोरास्मा एकत्र करतस, तरी बी तुमना स्वर्गीय बाप तेस्ले खावाळस. आणि तुमी निश्चित रूप मा पक्षीस्ना तुलना तून गैरा जास्त किंमत शेतस.
एनासाठे जव परमेश्वर मैदान ना गवत ले, जो आज शे, आणि कालदिन आग मा फेकामा ईन, अशी सुंदरता देस, त तो निश्चित रूप मा तुमनी बी देखभाल करीन, तुमना विश्वास इतला कमजोर काब शे?