K Yiesu nyii lenŋ k sɑɑn Suude tinŋ ni nɑn *Suulden kpenpuotl po, k nigbounŋ bonciɑnn ji lɑkn u buol ni, k u yɑɑn wɑnt’b Yennu mɑɑn nɑn wɑɑ ponŋ tuu wɑnt’b biɑnŋ nbɑ nɑ.
Ŋɑɑn wɑɑ bɑnn bɑɑ tiɑn b pɑɑk biɑnŋ nbɑ nɑ k u wutuol duo, k u yet’b ɑ: «Ŋɑɑnt mɑn k wɑɑs mɑnŋ i bɑɑt n buol ni nɑ, k dɑɑ tiɑn’m, k mɑɑn b buolu e yen Yennu nɑɑn.
Yiesu nbɑ din nyii lenŋ k sɑɑ mɑnŋ, k jɑsuɑ tin k cet’ɔ k tɑn gbɑɑn u tuɑnn, ŋɑɑn boi’ɔ ɑ: «Wɑntɔŋɑnɔ, n sɑɑ tien nlee k tɑn lɑ mɑnfuol nbɑ kɑɑ gbennu?»
K Yiesu got’ɔ silll nɑn lonm, ŋɑɑn yet’ɔ ɑ: «Ŋɑɑn bon-yenn kuɑ e pɔt’ɑ. Ii kun k sɑɑ kɔi lin nbɑ k ɑ mɔk nɑ kul, k jii l likli mɑnŋ k tul tɑlɑs-dɑnm, k ɑ tɑn sɑɑ lɑ mɔktuk sɑnpɑɑpo. L puolpo k ɑ jen ɑ kii wɑɑ’n.»
K Yiesu yet’b ɑ: «Bɑlmɔni e k n yien’i nɑ, wun nbɑ kul nyik u ŋɑɑk, ɑmi u ninjɑnm, ɑmi u niipuob, ɑmi u nɑɑ, ɑmi u bɑɑ, ɑmi u wɑɑs, ɑmi u kpɑɑnt, n sɑnn pɑɑk nɑn lɑbɑmɑnn nɑ pɑɑk
u tɑn sɑɑ biɑ lɑ bonɑ k lin gɑl wɑɑ nyik lin nbɑ nɑ. U tɑn sɑɑ lɑ ŋei, nɑn ninjɑnm, nɑn niipuob, nɑn nɑɑnbɑ, nɑn wɑɑs, nɑn kpɑɑnt, kobi kobi e tingbounŋ nɑ ni, l i lek i tie k b muks’ɔ, k yuo nbɑ bɑɑt nɑ k u biɑ tɑn sɑɑ lɑ mɑnfuol nbɑ kɑɑ gbennu.
L yuo nɑ k Yiesu nɑn u puolpoweitieb din nyii sɔnu ni k do Selusɑɑlenm, k u gɑl b tuɑnn po, k b yɑn put k jɑŋmɑɑni biɑ suol nibul nbɑ wɑɑ nɑ kul ɑ. Ŋɑnn e k u yɑɑn nyii nɑn u tuomiinbɑ *piik nɑn bɑnle nɑ kpinŋ po, k yet’b lin nbɑ sɑɑ tien’ɔ,
ɑ: «Nnɑlɑ, t do Selusɑɑlenm e, siɑn nbɑ k b sɑɑ jii *Nisɑɑlk Bijɑ k kuɑn Yennu jɑɑnti yudɑnm nɑn *senniwɑntieb nii ni ɑ bin bu u buut ŋɑɑn kpi’u, k jii’u tul bin nbɑ k tie *Suifnbɑ nɑ,
K b jiin ɑ: «T sɑɑ fit ɑ.» K u yet’b ɑ: «I set tɑn sɑɑ nyu kɔp nbɑ k n tɑn sɑɑ nyu lenŋ nɑ wɑɑ, k biɑ tɑn sɑɑ gɑɑl Yennu nyunwulu nbɑ k n tɑn sɑɑ gɑɑl nɑ wɑɑ.
K Yiesu yiin b kul ɑ k lɑk’m u buol, ŋɑɑn yet’b ɑ: «I mɔnŋ mi nɑn bin nbɑ k b goli’b k b tie tingbounŋ nɑ ni yudɑnm nɑ diɑ’b nɑn ninmɔnn e, k nijɑɑnɑ mun gɑɑnt nɑn b yiikuo.
Tɔn, k Yiesu nɑn u puolpoweitieb din bɑɑl Seliiko k tɑn nyii, k ŋɑnm nɑn nibulciɑɔnŋ tɔk sɑɑ, k juɑnsuɑ din be k tie miɑtɔ, k kɑl sɔnjokpinŋ, k u sɑnn yi Bɑɑltiime, wun nbɑ tie Tiime bijɑ nɑ.