Wɛn dɛn bin dɔn de klos Jerusɛlɛm, ɛn dɛn dɔn rich Bɛtfej ɛn Bɛtani we de klos Mawnt Ɔliv, Jizɔs tɛl tu pan in lanin bɔy dɛn fɔ go na di vilej we de bifo dɛn.
I se, “Una go na di vilej we de bifo una. As una de rich de so, una go mit dɛn tay wan dɔnki pikin we pɔsin nɔ rayd wande. Una lus am ɛn briŋ am kam to mi.
I si wan fig tik we bin gɛt plɛnti lif, so Jizɔs go luk di tik fɔ si if i de bia. Wɛn i rich klos di tik, i si se na soso lif nɔmɔ kɔba am, bikɔs nɔto bin di tɛm dat fɔ mek i bia.
Wɛn Jizɔs rich Jerusɛlɛm, i go na Gɔd in Os ɛn drɛb dɛn pipul we bin de bay ɛn sɛl insay de. I tɔn oba dɛn tebul we pipul bin de chenj kɔpɔ pan, ɛn dɛn bɛnch we pipul kin sidɔm pan fɔ sɛl pijin.
Wɛn di bigman dɛn we de mek sakrifays fɔ pipul sin ɛn di Ju Lɔ ticha dɛn yɛri wetin Jizɔs tɔk, dɛn bigin fɛn we fɔ kil am. Dɛn bin de fred am, bikɔs ɔl di pipul dɛn bin de wɔnda wɛn dɛn yɛri wetin i de tich ɛn dɛn bin gladi.
A de tɛl una se, if ɛnibɔdi tɛl dis mawnten fɔ kɔmɔt na ya ɛn go na di si, ɛn di pɔsin nɔ dawt se wetin i tɔk go bi, bɔt i biliv se wetin i tɔk go bi, na so i go bi.
Wɛn dɛn go bak na Jerusɛlɛm, Jizɔs bin de waka insay Gɔd in Os, nain di bigman dɛn we de mek sakrifays fɔ pipul sin, di Ju Lɔ ticha dɛn, ɛn di ɔda Ju bigman dɛn go mit am.