|
| 1 |
|
| سَيْ عِيسَىٰ يَڢَارَ يِمُسُ مَغَنَ دَ مِصَلَيْ؞ يَثٜىٰ «وَنِ مُتُمْ يَيِ غُواْنَرْ إِنَبِے، يَكٜىٰوَيٜىٰتَ دَ كَتَنْغَ، يَحَڧَ وُرِنْ مَڟٜىٰوَرْ یَیَنْ إِنَبِنْ، يَكُمَ غِنَا طَاكِنْ مَيْغَادِ؞ يَبَا وَطَنْسُ مَنُواْمَ هَيَرْ غُواْنَرْ، سَعَنً يَتَڢِے وَتَ ڧَسَا؞ |
|
| 2 |
|
| دَ لُواْكَثِنْ غِرْبِنْ إِنَبِنْ يَيِ، سَيْ يَعَيْكِ وَنِ بَاوَنْسَ وُرِنْ وَطَنْدَ سُكَ كَرْٻِ هَيَرْ غُواْنَرْ دُواْمِنْ يَكَرْٻُواْ مَسَ وَطَنْسُ یَیَنْ إِنَبِے دَغَ غُواْنَرْ؞ |
|
| 3 |
|
| عَمَّا یَنْ هَيَرْ سُكَ كَامَ شِ، سُكَيِ مَسَ دُوكَ، سُكَ سَلَّمٜىٰشِ حَنُّ وُاْڢِ؞ |
|
| 4 |
|
| سَيْ يَسَاكٜىٰ عَيْكَرْ مُسُ وَنِ بَاوَ؞ سُكَ بُغِ وَنَّنْ مُتُمْ عَكَيْ، سُكَيِ مَسَ وُلَڧَنْثِ؞ |
|
| 5 |
|
| يَسَاكٜىٰ عَيْكَرْ وَنِ، وَنَّنْ كُوَ مَنُواْمَنْ سُكَ كَشٜىٰشِ؞ يَعَيْكَ وَطَنْسُ كُمَ دَيَوَ؞ مَنُواْمَنْ سُكَ دُوكٜىٰ وَطَنْسُ، سُكَ كَشٜىٰ وَطَنْسُ؞ |
|
| 6 |
|
| حَرْ يَنْذُ دَيْ يَنَدَ سَوْرَنْ مُتُمْ طَيَ، وَتُواْ طَنْسَ، وَنْدَ يَكٜىٰ ڧَوْنَ؞ عَڧَرْشٜىٰ يَعَيْكٜىٰشِ وُرِنْسُ، يَنَ ثٜىٰوَ ‹أَيْ، ذَاسُبَا طَانَ غِرْمَ؞› |
|
| 7 |
|
| عَمَّا یَنْ هَيَرْ نَنْ سُكَثٜىٰ وَجُونَ، ‹يَوَّ! غَا وَنْدَ ذَيْثِ غَادُوانْ غُواْنَرْ؞ كُذُواْ مُكَشٜىٰشِ، دُوانْ غَادُوانْسَ يَذَمَ نَامُ؞› |
|
| 8 |
|
| سَيْ سُكَ كَامَ شِ، سُكَ كَشٜىٰشِ، سُكَجٜىٰڢَرْ دَ غَاوَرْ عَبَايَنْ كَتَنْغَرْ غُواْنَرْ؞» |
|
| 9 |
|
| عِيسَىٰ يَتَمْبَيٜىٰسُ، يَثٜىٰ «تُواْ، مٜىٰ مَيْ غُواْنَرْ نَنْ ذَيْ يِ؟ أَيْ، ذَيْذُواْ يَهَلَّكَ یَنْ هَيَرْ نَنْ، يَبَادَ غُواْنَرْ غَ وَطَنْسُ؞ |
|
| 10 |
|
| أَشٜىٰ، بَكُ تَٻَ كَرَنْتَ وَنَّنْ رُبُوتَثِّيَرْ مَغَنَرْ اللَّهْ بَ؟ دُوانْ أَرُبُوثٜىٰ يَكٜىٰ ثٜىٰوَ « ‹دُوڟٜىٰنْ دَ مَاسُ غِنِ سُكَڧِ، شِينٜىٰ يَذَمَ دُوڟٜىٰ مَڢِے أَمْڢَانِ أَغِنِ؞ |
|
| 11 |
|
| وَنَّنْ يِنْ عُبَنْغِجِ نٜىٰ، أَبِنْ مَامَاكِ نٜىٰ كُوَ أَعِدَنُونْمُ؞› » |
|
| 12 |
|
| سَيْ شُوغَبَنِّنْ يَهُودَاوَا سُكَ نٜىٰمِ حَنْيَرْ دَ ذَاسُ كَامَ شِ، دُوانْ سُنْ غَانٜىٰ عَكَنْسُ نٜىٰ يَيِ مِصَالِنْ؞ عَمَّا سُكَجِڟُواْرُوانْ جَمَعَ؞ دُواْمِنْ حَكَ سُكَ بَرْ شِ، سُكَ تَڢِے؞ |
|
| 13 |
|
| أَنَانً، سَيْ عَكَ عَيْكَ وَطَنْسُ ڢَرِسِيَاوَا دَ مُتَنٜىٰنْ هِرُدُسْ، دُواْمِنْ سُسَاوَ عِيسَىٰ تَرْكُواْ عَثِكِنْ مَغَنَرْ دَ ذَيْ ڢَطَا؞ |
|
| 14 |
|
| دَ سُكَ إِسُواْ، سُكَثٜىٰ مَسَ «مَلَمْ، مُنْ سَنِ كَيْ مَيْ غَسْكِيَ نٜىٰ؞ مُتَنٜىٰ دُكْ طَيَ نٜىٰ أَغَرٜىٰكَ، غَمَا بَاكَ نُونَ بَمْبَنْثِ ڟَكَانِنْ مُتَنٜىٰ؞ كُمَ كَنَ كُواْيَرْ دَ حَنْيَرْ اللَّهْ عَثِكِنْ غَسْكِيَ؞ كَنَ غَنِ دَيْدَيْنٜىٰ مُبِيَ وَ كَيْسَرْ وَتُواْ، بَبَّنْ سَرْكِنْ رُواْمَ هَرَاجِ، كُواْ أَعَ؟ |
|
| 15 |
|
| مُبِيَ، كُواْ كَدَ مُبِيَ؟» عَمَّا عِيسَىٰ يَغَانٜىٰ مُنَاڢُنْثِنْسُ، يَثٜىٰ مُسُ «مٜىٰيَسَا كُكٜىٰ ڠُودَ نِے؟ كُكَٰوُاْ مِنِ كُطِنْ دَ عَكٜىٰ بِيَنْ هَرَاجِ دَشِ؞» |
|
| 16 |
|
| سَيْ سُكَ كَٰوُاْ مَسَ، سَيْيَثٜىٰ مُسُ «حُواْتُواْنَّنْ دَ سُونَنَّنْ نَوَنٜىٰنٜىٰ؟» سُكَثٜىٰ مَسَ «نَ كَيْسَرْ نٜىٰ؞» |
|
| 17 |
|
| سَيْ عِيسَىٰ يَثٜىٰ مُسُ «تُواْ، كُبَا كَيْسَرْ أَبِنْدَ يَكٜىٰ نَ كَيْسَرْ؞ كُكُمَبَا اللَّهْ أَبِنْدَ يَكٜىٰ نَ اللَّهْ ؞» سَيْ سُكَيِ مَامَاكِنْسَ ڨُورَيْ؞ |
|
| 18 |
|
| وَطَنْسُ سَدُوكِيَاوَا سُكَذُواْ وُرِنْ عِيسَىٰ ؞ سُونٜىٰ سُكٜىٰثٜىٰوَ وَيْ بَا تَاشِنْ مَتَتُّو؞ سُكَ تَمْبَيٜىٰشِ سُكَثٜىٰ، |
|
| 19 |
|
| «مَلَمْ، مُوسَٰى يَرُبُوتَ مَنَ ثٜىٰوَ عِدَنْ طَنْعُوَنْ مُتُمْ يَمُتُ، يَبَرْ مَاتَرْسَ بَا طَا، دُواْلٜىٰنٜىٰ مُتُمِنْ يَ عَوْرِ مَاتَرْ، يَحَيْڢَ وَطَنْعُوَنْسَ یَیَ؞ |
|
| 20 |
|
| تُواْ، أَݣَويْ وَطَنْسُ یَنْعُوَ مَظَا غُدَا بَݣَويْ؞ نَڢَرْكُوانْ يَيِ عَوْرٜىٰ، يَمُتُ بَيْ بَرْ طَبَ؞ |
|
| 21 |
|
| نَبِيُنْ كُمَ يَ عَوْرٜىٰتَ، شِے مَا يَمُتُ، بَا طَا؞ نَعُكُنْ مَا حَكَ؞ |
|
| 22 |
|
| حَكَ دَيْ دُكَ بَݣَويْ طِنْ، بَاوَنْدَ يَبَرْ طَا؞ عَڧَرْشٜىٰ كُمَ عِتَ مَاتَرْ تَمُتُ؞ |
|
| 23 |
|
| تُواْ، عَتَاشِنْ مَتَتُّو ذَاتَ ذَمَ مَاتَرْ وَنٜىٰنٜىٰ عَثِكِنْسُ؟ غَمَا دُكْ بَݣَويْ طِنْ سُنْ عَوْرٜىٰتَ؞» |
|
| 24 |
|
| سَيْ عِيسَىٰ يَأَمْسَ يَثٜىٰ مُسُ «أَيْ، تُنَانِنْكُ بَ دَيْدَيْ بَنٜىٰ دُوانْ بَكُسَنْ رُبُوتَثِّيَرْ مَغَنَرْ اللَّهْ بَ، بَكُكُمَ سَنْ إِيكُوانْ اللَّهْ بَ؞ |
|
| 25 |
|
| لُواْكَثِنْ دَ مَتَتُّو ذَاسُ تَاشِ، مَظَا بَذَاسُيِ عَوْرٜىٰ بَ، مَتَ كُمَ بَذَاعَ بَادَسُو غَ عَوْرٜىٰبَ، عَمَّا ذَاسُ ذَمَ كَمَرْ مَلاَىِٕكُنْ دَسُكٜىٰ ثِكِنْ سَمَنٜىٰ؞ |
|
| 26 |
|
| غَمٜىٰ دَ تَاشِنْ مَتَتُّو كُوَ، أَشٜىٰ، بَكُ تَٻَ كَرَنْتَ وَنَّنْ أَ لِتَّڢِنْ مُوسَٰى بَ، دُوانْ أَنْرُبُوتَ ثِكِنْ لَابَرِنْ ڧَرَمِنْ إِتَاثٜىٰنْدَ يَثِ وُتَا ثٜىٰوَ ‹نِنٜىٰ اللَّهْ نَ إِبْرَٰهِيمْ دَ نَ إِسْحَٰڧَ دَ كُمَ نَ يَعْڧُوبَ؟› |
|
| 27 |
|
| شِ بَ اللَّهْ نَمَتَتُّو بَنٜىٰ، عَمَّا نَمَاسُ رَيْ؞ كُنْيِ بَبَّنْ كُسْكُرٜىٰ؞» |
|
| 28 |
|
| وَنِ مَلَمِنْ كُواْيَرْوَرْ مُوسَٰى يَذُواْ يَجِ سُنَ مُهَوَرَ دَ جُونَ؞ دَ يَلُورَ ثٜىٰوَ عِيسَىٰ يَبَاسُ أَمْسَ مَيْݣَوْ، سَيْ يَتَمْبَيٜىٰشِ يَثٜىٰ «وَثٜىٰ دُواْكَا ثٜىٰ مَڢِے غِرْمَ دُكَ؟» |
|
| 29 |
|
| عِيسَىٰ يَأَمْسَ، يَثٜىٰ «مَڢِے غِرْمَ عِتَثٜىٰ، ‹كُجِ، يَا جَمَعَرْ إِسْرَٰٓءِيلَ، عُبَنْغِجِ اللَّهْ نْمُ، عُبَنْغِجِ طَيَ نٜىٰ؞ |
|
| 30 |
|
| سَيْ كَڧَوْنَثِ عُبَنْغِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ حَنْكَلِنْكَ دَ كُمَ دُكَنْ ڧَرْڢِنْكَ؞› |
|
| 31 |
|
| مَيْبِيٜىٰ دَ عِتَ عِتَثٜىٰ، ‹كَڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ؞› بَا وَتَ دُواْكَرْدَ تَڢِے وَطَنَّنْ غِرْمَ؞» |
|
| 32 |
|
| سَيْ مَلَمِنْ كُواْيَرْوَا يَثٜىٰ وَ عِيسَىٰ «دَيْدَيْ نٜىٰ كَا ڢَطَا مَلَمْ، عُبَنْغِجِ طَيَنٜىٰ، بَا كُوَ وَنِ سَيْ شِ؞ |
|
| 33 |
|
| عَڧَوْنَثٜىٰشِ كُمَ دَ دُكَنْ ذُوثِيَا دَ دُكَنْ تُنَانِ دَ دُكَنْ ڧَرْڢِے، كَكُمَ ڧَوْنَثِ مَڨُوبْثِنْكَ كَمَرْ كَنْكَ، أَيْ، يَڢِ دُكَنْ هَدَايَرْ ڧُواْنٜىٰ ڧُواْنٜىٰ دَ يَنْكٜىٰ يَنْكٜىٰ غِرْمَ؞» |
|
| 34 |
|
| دَ عِيسَىٰ يَغَ يَدَّ يَيِ مَسَ مَغَنَ دَ حِكِمَ، سَيْيَثٜىٰ مَسَ «كَنَ كُسَدَ مُلْكٍ اللَّهْ ڢَا؞» بَايَنْ وَنَّنْ كُمَ بَاوَنْدَ يَيِ ڧَرْڢِنْ حَلِ يَڧَارَ تَمْبَيَرْسَ وَنِ أَبُ؞ |
|
| 35 |
|
| سَعَدَّ عِيسَىٰ يَكٜىٰ كُواْيَرْوَا أَ هَيْكَلِ سَيْ يَيِ تَمْبَيَ يَثٜىٰ «يَيَ مَلَمً كُواْيَرْوَرْ مُوسَٰى سُكٜىٰثٜىٰوَ أَلْمَسِيحُ طَنْ دَاوُدَ نٜىٰ؟ |
|
| 36 |
|
| دَاوُدَ دَ كَنْسَ، تَوُرِنْ إِيكُوانْ رُوحُ مَيْ ڟَرْكِے يَثٜىٰ، « ‹ عُبَنْغِجِ يَثٜىٰ وَ عُبَنْغِجِنَ ، ذَوْنَ أَ حَنُّنْ دَامَنَ، سَيْنَا سَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞› » |
|
| 37 |
|
| «دَاوُدَ دَكَنْسَ يَثٜىٰ دَ أَلْمَسِيحُ ‹ عُبَنْغِجِ ›؞ تُواْ، يَيَ أَلْمَسِيحُ ذَيْ ذَمَ طَا أَوُرِنْ دَاوُدَ؟» دَجِنْ إِرِنْ وَنَّنْ مَغَنَ عَبَاكِنْ عِيسَىٰ، جَمَعَ سُكَجِ دَاطِے؞ |
|
| 38 |
|
| عَثِكِنْ كُواْيَرْوَرْسَ، عِيسَىٰ يَثٜىٰ «كُيِ حَنْكَلِ دَ مَلَمً كُواْيَرْوَرْ مُوسَٰى، سُو مَاسُ سُوانْ سَا مَنْيَنْ رِيغُنَ سُنَ يَٰوُاْ؞ سُنَسُواْ أَغَيْشٜىٰسُ عَكَاسُوَ؞ |
|
| 39 |
|
| سُنَسُواْ كُمَ عَبَاسُ وُرَارٜىٰنْ ذَمَ مَاسُ دَرَجَ أَ مَجَمِعُ دَ وُرَارٜىٰنْ ذَمَ مَاسُ ݣَوْ أَوُرِنْ بِكِ؞ |
|
| 40 |
|
| سُونٜىٰ مَاسُثِنْ كَايَنْ مَاتَانْدَ مَذَنْسُ سُكَ مُتُ؞ سَعَنً سُيِ دُواْغُوَرْ أَدُّعَ دُوانْ أَغَنْسُ؞ أَيْ، سُو ذَاعَيِ مُسُ حُكُنْثِ مَڢِے ڟَنَنِ؞» |
|
| 41 |
|
| عِيسَىٰ يَنَ ظَوْنٜىٰ أَ هَيْكَلِ وُرِنْ دَ عَكٜىٰ ظُبَ بَيْكُواْ، يَنَ دُوبَنْ يَدَّ جَمَعَ سُكٜىٰ ظُبَ كُطِنْسُ أَعَݣُوتِنْ بَيْكُواْ؞ وَطَنْسُ مَاسُ أَرْزِڧِ دَيَوَ سُنَ ظُبَ كُطِ مَيْ يَوَ؞ |
|
| 42 |
|
| سَيْغَا وَتَ مَتَلَوْثِيَ وَدَّ مِجِنْتَ يَمُتُ، تَذُواْ تَظُبَ یَنْ تَغُلَّ بِيُ دَ بَسُ كَيْ كُواْبُواْبَ؞ |
|
| 43 |
|
| سَيْ عِيسَىٰ يَكِرَا أَلْمَجِرَنْسَ، يَثٜىٰ مُسُ «غَسْكِيَ، إِنَ غَيَ مُكُ، أَبِنْدَ مَتَلَوْثِيَرْ نَنْ وَدَّ مِجِنْتَ يَمُتُ تَظُبَ ثِكِنْ عَݣُوتِنْ، يَاڢِ نَسَوْرَنْسُ دُكَ؞ |
|
| 44 |
|
| دُكَنْسُ سُنْ بَايَرْ دَغَ يَوَنْ أَبِنْدَ سُكٜىٰ دَشِينٜىٰ، عَمَّا عِتَ كُوَ دَغَ ثِكِنْ تَلَوْثِنْتَ تَبَادَ دُكَنْ كُواْمٜىٰ، حَرْ مَا دُكَنْ أَبِنْدَ تَكٜىٰ دُواْغَضَ دَشِ؞» |
|
|
|
|