Dayon naghambal si Jesus sa ila paagi sa mga palaanggiran: “May isa ka tawo nga nagtanom sing ubas sa iya talamnan. Iya ini ginkudalan palibot, nagkutkot sia sing buho nga pulogaan sang ubas kag nagpatindog sing isa ka balantayan nga mataas. Dayon iya ini ginpaagsahan kag nagpanglakaton.
Nagpadala na man ang tag-iya sing isa pa gid ka suloguon, kag ini ginpatay nila. Amo man ang ginhimo nila sa iban pa gid, ang iban ila ginpamunal kag ang iban sa ila ginpamatay.
Ang nabilin na lang nga iya sarang masugo amo ang iya gid pinalangga nga anak. Sa katapusan iya sia ginpadala sa ila nga nagasiling sa iya kaugalingon, ‘Pagatahuron gid nila ang akon anak.’
Nagpamangkot si Jesus, “Karon, ano ang himuon sang tag-iya sang talamnan sang ubas? Balikan niya ang mga agsador kag pamatyon, kag paagsahan niya sa iban ang iya talamnan sang ubas.
Ang mga pangulo sang mga Judio nagtinguha nga dakpon si Jesus, tungod kay nahangpan nila nga yadto nga palaanggiran iya ginpatungod batok sa ila. Ugaling nahadlok sila sa mga tawo, gani ginpabay-an nila sia kag naglakat.
Nagkadto sila sa iya kag nagpamangkot, “Manunodlo, nahibaluan namon nga ikaw nagasugid sing matuod. Wala ka sing may ginapasulabi kag wala ka nagatan-aw sang tindog sang tawo, kundi imo lamang ginatudlo ang kabubot-on sang Dios para sa tawo. Sugiri kami, batok bala sa aton Kasugoan ang pagbayad sang buhis sa Emperador ukon indi? Magbayad bala kami sini ukon indi?”
Pero nasat-uman ni Jesus ang ila kalag-it, gani nagsiling sia sa ila, “Ngaa bala nagatinguha gid kamo sa pagdakupdakop sa akon? Abi, dalhi ninyo ako diri sing denario kay tan-awon ko.”
Gani si Jesus nagsiling sa ila, “Ti, kon amo, ihatag ninyo sa Emperador ang iya sang Emperador kag sa Dios ang iya sang Dios.” Kag natingala gid sila sa kay Jesus.
Ginpamangkot nila sia, “Manunodlo, ginsulat ni Moises ining kasugoan sa aton: ‘Kon ang isa ka tawo mapatay kag mabilin ang asawa, pero wala sing bata, ang utod sina nga tawo dapat magpangasawa sang nabalo, agod makapamata para sa sadtong utod niya nga napatay.’
kag sa iban niya nga mga utod. Sila tanan nga pito nagpangasawa sa sadto nga babayi kag napatay nga wala gid makapamata. Sang ulihi, napatay man ang babayi.
Karon nahanungod sa pagbanhaw sang mga patay, wala bala ninyo mabasahi sa Libro ni Moises ang dinalan nahanungod sa nagadabdab nga magamay nga kahoy? Dira nasulat nga ang Dios nagsiling kay Moises, ‘Ako amo ang Dios ni Abraham, ang Dios ni Isaac kag ang Dios ni Jacob.’
May isa ka manunodlo sang Kasugoan nga nagpalapit kag nakabati sang ila pagbinaisay. Natalupangdan niya nga si Jesus nagsabat sa ila sing nagakaigo. Gani, nagpamangkot man sia sa iya: “Ano gid bala ang labing importante nga sugo sa tanan?”
Ang ikaduha amo ini: ‘Higugmaa ang imo isigkatawo subong sang imo kaugalingon.’ Wala na sing iban pa nga sugo nga mas labi pa ka importante sang sa sining duha.”
Ang manunodlo sang Kasugoan nagsiling sa iya, “Husto gid, Manunodlo! Matuod ang siling mo, nga isa lamang ang Dios, kag wala na gid sing iban pa luas sa iya.
Kag dapat higugmaon sang tawo ang Dios sa bug-os niya nga tagipusoon, sa bug-os niya nga hunahuna, kag sa bug-os niya nga kusog, kag dapat niya higugmaon ang iya isigkatawo subong sang iya kaugalingon. Labi pa ka importante ang pagtuman sining duha ka sugo sang sa tanan nga halad nga sinunog kag halad nga inihaw.”
Kag sang pagkahibalo ni Jesus nga maayo ang iya sabat, iya sia ginsingganan, “Indi ka malayo nga manginsakop sang paghari sang Dios.” Sa tapos sadto, wala na gid sing may nangahas sa pagpamangkot kay Jesus.
Sang nagapanudlo si Jesus sa Templo, nagpamangkot sia, “Paano bala ang pagsiling sang mga manunodlo sang Kasugoan nga ang Cristo magagikan sa kaliwat ni David?
Kay ang Espiritu Santo nagbugna kay David sa pagsiling: ‘Ang Ginoo nagsiling sa akon Ginoo: pungko ka diri sa akon tuo, tubtob nga mabutang ko ang imo mga kaaway sa idalom sang imo mga tiil.’
Kon si David mismo nagtawag sa iya nga ‘Ginoo,’ karon paano bala ang pagkahimo nga ang Cristo kaliwat ni David?” Ang madamo nga mga tawo nanamian magpamati kay Jesus.
Sang nagpanudlo sia sa ila, nagsiling sia, “Mag-andam kamo sa mga manunodlo sang Kasugoan nga luyag maglagawlagaw nga may malaba nga mga bayu, kag luyag nga ang mga tawo mag-abiabi nga may pagtahod sa ila sa mga tiendahan,
Ini sila nagapamintaha sa mga balo nga babayi paagi sa pagkuha sang ila mga pagkabutang, kag dayon ginatabuntabonan nila ang ila hinimuan paagi sa malawig nga mga pangamuyo. Mas daku pa ang silot nga ila batunon!”
Sang nagapungko si Jesus sa tupad sang kolektahan sa Templo, nagbantay sia sang paghulog sang mga tawo sang ila kwarta. Madamo nga mga manggaranon ang naghulog sing madamo nga kwarta.
Gintipon ni Jesus ang iya mga gintuton-an kag nagsiling sia sa ila, “Dumdoma ninyo ini, ining imol nga balo naghatag sing mas madamo sa kolektahan sang sa tanan.