Tehkhin thuin an hnênah thu a sawi ta a. “Tu-in emaw grep huan a siam a, palin a hung a, grep sâwr khur a siam a, vênbûk sâng tak a sa bawk a, thlawh hlawh tûrin huan enkawltute a pe a, ram dangah a kal ta daih a.
A hnên an lo thlen chuan, “Zirtîrtu, mi dik tak i ni a, pawisak chuan tu mah i nei lo tih kan hria e, tu mah zah bîk pawh nei chuang lovin Pathian thu dik tak i zirtîr ṭhîn; Kaisara hnêna chhiah chawi tûr kan ni nge ni lo?
Ani erawh chuan an vervêkzia chu a lo hmuhin “Engah nge ṭawngawhtîr min tum? Duli mi han lâk ula, ka lo en teh ang,” a ti a. Anni chuan an rawn la a, an hnênah, “Hei, tu lem leh tu hming nge chuang hi?” a ti a. Anni chuan, “Kaisara,” an ti a.
“Zirtîrtu, Mosian, ‘Tu pawhin fa nei lovin nupui thihsan se, a nupui chu a unaupain rochungin a unaupa tân chuan chi a thlahsak tûr a ni,’ tiin min ziaksak a.
Mitthite kaihthawha an awm tûr thu-ah chuan - Mosia lehkhabua hnimbuka meialh thu kha in chhiar ngai lo vem ni? Pathianin a hnênah, ‘Kei hi Abrahama Pathian, Isaka Pathian, Jakoba Pathian ka ni,’ a tih kha,
Dân zirtîrtu zînga pakhat a lo kal a, an thu sawite chu a ngaithla a, a chhâng ṭha hle tih a hriat chuan a hnênah, “Thupêk zawng zawngah a eng hi nge pawimawh ber?” tiin a han zâwt ve a.
Lalpa i Pathian chu i thinlung zawng zawngin, i nunna zawng zawngin, i rilru zawng zawngin, i chakna zawng zawngin i hmangaih tûr a ni,’ tih hi a pawimawh ber a,
Amah Davida ngei khân Thlarau Thianghlima sawiin, ‘Lalpa chuan ka Lalpa hnênah, Ka ding lamah lo ṭhu rawh, I hmêlmate i ke hnuaiah ka han dah ang e,’ a ti si a.
Mipui pung khâwm nasa tak chuan a thu chu an ngaithla tui hle a. A zirtîr pah chuan an hnênah, “Dân zirtîrtu, kawrfual haa lên vêl chînga, dâwr hmuna chibai bûk ngainaa,
Isuan a zirtîrte chu a ko va, an hnênah, “Thu dik ka hrilh a che u, mi dang zawng zawng aiin he hmeithai rethei tak hian thawhlâwm bâwmah a thlâk tam zâwk.
Mi dangte hi chuan an neih liam an rawn thlâk a; ani hi chuan tlachham chung chungin, a neih zawng zawng, intunnunna tûra a neih chhun chu, a rawn thlâk a nih hi,” a ti a.