Li koumans koz ar zot an parabol. “Ti ena enn dimoun ki ti plant enn karo rezin; li ranz enn baraz pou antour so karo, li fouy enn trou pou instal so preswar, li ranz enn maray; apre li lwe so karo avek bann meteye e li parti, li ale.
Li avoy enn lot serviter ankor; sannala, zot touy li. Apre zot kontign fer parey avek enn kantite lezot serviter. Ena finn gagn bate, ena finn gagn lamor.
Bannla ti pe rod trap li me zot gagn per lafoul. Zot ti finn fini konpran ki Zezi ti pe koz pou zot, letan li ti pe koz an parabol. Apre sa, zot les li, zot ale.
Zot vini e zot dir li, “Met, nou kone ki to koz fran, to pa les dimoun inflians twa, to pa ziz dimoun dapre so laparans me to montre sime Bondie dapre laverite; eski dapre lalwa nou bizin pey tax Sezar, wi ou non? Bizin peye, pa bizin peye?”
“Met, ala lalwa ki Moiz finn ekrir: si frer enn dimoun mor san ki so madam finn gagn enn zanfan, dimoun la bizin marye ar vev la pou donn enn desandans so frer.
Lor sa problem rezireksion bann mor la, zot pa finn lir saki finn ekrir dan liv Moiz? Zot pa finn tande kouma Bondie ti koz ar Moiz dan zistwar bwison ardan? Bondie limem pa ti dir, ‘Momem Bondie Abraam, momem Bondie Izaak, momem Bondie Zakob’?
Enn dokter lalwa ti pe tann zot diskite e li ti trouve kouma Zezi ti pe bien reponn zot; li aprose, li poz Zezi enn kestion, “Ki premie dan tou bann komannman?”
Kontan li avek tou to leker, tou to lintelizans, tou to lafors ek kontan to prosin kouma to kontan tomem, samem pli inportan ki tou bann ofrand ek bann sakrifis.”
Avek linspirasion Lespri Sin, David limem ti pe dir, ‘Lesegner finn dir ar mo Segner, asiz dan mo kote drwat, ziska mo fini met to bann ennmi anba to lipie.’
Dan so lansegnman Zezi ti pe dir, “Fer atansion ar bann dokter lalwa. Zot kontan pavane avek zot gran-gran rob e zot kontan kan dimoun kourbe devan zot lor plas piblik.
Zezi apel so bann disip, li dir zot, “Laverite, laverite mo dir zot, parmi tou sa bann dimoun ki finn met kas dan tron la, sa pov vev la, finn met plis ki zot tou.