Tɔn, dɑɑ ŋɑnle din biɑl nɑn *yuktgɑltiɑlu jɑɑnm nɑn dɑɑ nbɑ k b di pɑɑnu nbɑ k b din tuu k tie * dɑtinŋ nɑ n piin, k Yennu jɑɑnti yudɑnm nɑn *senniwɑntieb luon sɔnu ɑ bin bɔl suol Yiesu k kpi’u, k yien ɑ:
Tɔn, k Yiesu din be Betɑɑni, juɑ nbɑ din tuu tie gbɑɑtl, k b yi’u Siimɔn nɑ ŋɑɑk ni, k di jiet. L yuo k puosuɑ tɑn kuɑ nɑn sɑlenŋɑnn, k l gbie nɑn tulɑɑli nbɑ mɔk nublu bonciɑnn nɑ wɑɑ, k l dɑɑɔk biɑ pɑɑl bonciɑnn, k b yi’l nɑɑl nɑ. K puo mɑnŋ biit sɑlenn nɑ k but tulɑɑli mɑnŋ Yiesu yul pɑɑk.
Bɑlmɔni e k n yien’i nɑ, siɑn nbɑ kul k b sɑɑ muɑnt n lɑbɑmɑnn nɑ tingbounŋ nɑ ni, b biɑ sɑɑ muɑnt puo mɑnŋ nbɑ tun lin nbɑ nɑ, k lii tie tiɑlu e k tul’ɔ.»
Tɔn, l dɑɑl nbɑ din tie dɑsinsinn nbɑ k b tuu di pɑɑnu nbɑ k b din tuu k tie dɑtinŋ nɑ, l dɑɑl e k b din tuu kpi pebis k tien *yuktgɑltiɑlu jɑɑnm jiet nɑ, k Yiesu *puolpoweitieb boi’ɔ ɑ: «A luon k tin sɑɑn lee k sɑɑ tien jɑɑnm mɑnŋ jiet siil k tul’ɑ ni i?»
nɑn ŋɑɑk nbɑ k u sɑɑ sɑɑ kuɑ nɑ ni, k yet l ŋɑɑk dɑɑnɔ ɑ: ‹Wɑntuɑ nɑ yɑɑ ɑ tin boi’ɑ ɑ sɑɑnm dieok nbɑ k ŋuɑ nɑn u puolpoweitieb sɑɑ di *yuktgɑltiɑlu jɑɑnm jiet nɑ be lee?›
*Nisɑɑlk Bijɑ set sɑɑ kpo nɑn lɑɑ diɑn Yennu lolkpel kɑdɑɑɔk ni biɑnŋ nbɑ nɑ e, ŋɑɑn bonbiil sii be dɑɑnɔ nbɑ yɑɑ wun kuɑt’n nɑ pɑɑk. B ii dinŋ ii bo i kii mɑl l dɑɑnɔ gbɑɑ, l bo din sii sɔ u po.»
Bɑɑ kɑl k di jiet mɑnŋ yuo nbɑ k Yiesu jii pɑɑnu k tul Yennu niipuouk l pɑɑk, ŋɑɑn ŋmit’l k tul u puolpoweitieb, k yet’b ɑ: «Gɑɑt mɑn. Nɑ e tie n gbɑnɑnt.»
«Abbɑ! n Bɑɑ, ɑ sɑɑ fit tun bonsiɑl kul ɑ. Dɑɑ ŋɑɑnt k n kuɑ bonbiil nbɑ bɑɑt n pɑɑk nɑ ni, ŋɑɑn dɑɑ te k l tie mɑɑ luon biɑnŋ nbɑ kɑɑ, ŋɑɑn te k lin tien fɑɑ luon biɑnŋ nbɑ e.»
Wɑɑ tɑn jen tɑɑpɑɔnŋ muntɑ ni, k u boi’b ɑ: «I biɑ lek dɑɑ duɑ guɑnt e k foi ii? L jɑnŋ ɑ mɑn. Yuo mɑnŋ bɑɑl nɑ. Gotl mɑn, b ji kuɑt Nisɑɑlk Bijɑ nɑ k tien’ɔ biitdɑnm nuu ni wɑɑ.
Yiesu nbɑ dɑɑ piɑk nɑ, k u tuomiinbɑ piik nɑn bɑnle nɑ ni yenɔ, wun nbɑ k b din yi’u Suudɑ nɑ, bɑɑl nɑn nibulciɑɔnŋ, k b siɑb diɑ juk-bɑnjɑi, k siɑb mun diɑ gbɑjɑlɑ, k Yennu jɑɑnti yudɑnm nɑn senniwɑntieb nɑn sɑɑkɑb tun’m.
K mɔlɑnfikdɑɑnɔ Suudɑ mɑnŋ ponŋ wɑnn’b nyinsiɑl ɑ, ɑ: «Mi i sɑi fuont wun nbɑ k muɑt u tɑnkpinn, yi mi nɑn ŋuɑ e nɑ. Yin suol’ɔ kii guu’u kii sɑɑ nɑn’ɔ mɑn.»
N dɑɑn tuu be i buol Yennu jɑɑnti ŋɑsɑɑkɑk ni dɑɑl kul ɑ k wɑnt niib Yennu mɑɑn, k i tuu k so’n, ŋɑɑn l kpɑɑ tɑlɑs nɑn Yennu lolkpel kɑdɑɑɔk diɑni mɑnŋ n tien gbien.»
K Piɑl din be Yiesu puolpo k wɑɑ bɑnfɔkl ɑ mɔkmɔk nɑn bɑɑ tɑn kuɑ Yennu jɑɑnti yudɑɑnɔ mɑnŋ ŋɑɑk ni. K Piɑl sɑɑn kɑl k pukn sejebit nɑ po k b nɑni muu.
Ŋɑnn e k Yennu jɑɑnti yudɑnm nɑn sɑɑkɑb mɑnŋ kul yɑbl b mɔnŋ pɑɑk ɑ bin lɑ siɑlɑɑdɑnm mɔb ni lin nbɑ k b sɑɑ jii Yiesu biit k kpi’u, ŋɑɑn kɔnŋ u bisiɑt.
«T gbɑt k u yet ɑ u sɑɑ bet Yennu jɑɑnti ŋɑsɑɑkɑk nbɑ k niib din mɑɑ nɑn b nii nɑ, ŋɑɑn l dɑɑ ŋɑntɑ sinsuuk ni k u sɑɑ jii k mɑɑ’l, k l tɑn kii tie nilɔ nii kɑɑ mɑɑ’l.»
Ŋɑɑn k Piɑl biɑ ŋɑnm noi. K l biɑ yɑnn wɑɑnm-nnɑ k bin nbɑ sie lenŋ mɑnŋ ŋɑnm jɑk Piɑl ɑ: «A set tie niib nɑ ni yenɔ e, k mɑɑn ɑ mun tie Gɑɑliile nilɔ.»
L yuo mɑnŋ k kojouk bui k pukn tɑɑpɑɔnŋ munle ni, k Piɑl ji tiɑl biɑnŋ nbɑ k Yiesu yet’ɔ nɑ ɑ: «A sɑɑ yet ɑ ɑ k mi’n tɑɑl muntɑ e wɑɑ, ɑ k kojouk n tɑn bui tɑɑl munle ni.» L yuo k Piɑl mɔ.