Sewaktu Deside Isa araq léq Betania, léq gedéng Simon saq piranan sakit kuste, araq sopoq dengan nine parek tipaq Deside Isa. Ie jauq sopoq botol pualam berisi minyak sengéh saq mahel, tepiaq léman ramuan akah saq sengéh. Sewaktu Deside Isa kenyeke melinggih medaran, dengan nine nike belaqang botol nike dait tumpahangne minyak sengéh nike léq sirah Deside Isa.
Minyak nike bau tejual siq aji lebih léman telu ratus képéng perak, dait képéngne tesedekahang tipaq dengan miskin!” Make ie pade sili léq dengan nine nike.
Dengan miskin tetep araq léq antare side pade. Sebilang waktu lamun side pade mélé, side pade bau nulung ie pade. Laguq Tiang ndéq seterusne araq bareng kance side pade.
Tiang badaq side: Setetune léq seantéro dunie, léq mbé juaq Kabar Solah léman Allah tesiarang, perbuatan dengan nine niki gen teceriteang éndah jari nginget ie.”
Ie pade seneng gati pireng maksut nike, dait bejanji gen ngebéng Yudas képéng. Sesampun nike Yudas mulai boyaq kesempatan jari behianat léq Deside Isa.
Make Deside Isa ngemanikang due dengan léman ie pade, “Silaq lumbar ojok kote, léq derike araq sopoq dengan mame saq kenyeke jauq cérét berisi aiq gen bedait kance side pade. Turut ie
Sesampun dengah hal nike pengiring-pengiring Deside Isa jari aséq gati. Terus sopoq-sopoq mulai metakén léq Deside Isa, “Junjungan Saq Mulie, pasti ndéqne tiang saq temaksut nike?”
Mule Bije Manusie gen ninggal maraq saq tetulis léq Kitab Suci. Laguq celake gati dengan saq behianat léq Bije Manusie nike! Solahan lamun dengan nike ndéq tebijeang!”
Jawab Petrus secare teges, “Timaq tiang harus maté bareng kance Pelungguh, tiang nénten gen nilas Pelungguh!” Dait pengiring-pengiring saq lain éndah matur maraq nike.
Sewaktu Deside Isa tulak tipaq ie pade saq ketelu kaline, Ie bemanik, “Napi side pade masih tindoq dait mentelah? Sampun cukup! Sampun waktune Bije Manusie teserahang ojok ime dengan-dengan bedose.
Sebilang jelo Tiang ngajahang léq Gedéng Allah léq julu side pade dait side pade ndéq bau Tiang. Laguq mule seharusne maraq nike adéqne telaksane napi saq tetulis dalem Kitab Suci.”
Beterus pire dengan mulai tijuh Deside Isa, dait ie pade tungkem penjarupan-Ne dait ngempuk Ie, terus bebase, “Cobaq badéq, sai saq ngempuk Side?” Pengawal-pengawal éndah milu ngempuk Deside Isa.
Waktu ie serioq Petrus mindu léq dékét api, ie perhatiang pacu-pacu muen Petrus, dait bebase, “Ndéq napi side éndah bareng-bareng kance Deside Isa dengan Nazaret nike?”
Laguq Petrus nilas. “Mindah tiang dait tiang ndéq ngerti napi maksut side,” basen Petrus léq pelayan nike. Beterus Petrus lumbar ojok jebak gedéng imam agung nike. [Léq waktu nike, manuk ngungkung.]
Waktu nike éndah manuk ngungkung saq kedue kaline. Dait Petrus inget bahwe Deside Isa sampun bemanik léq ie, “Sendéqman manuk ngungkung due kali, side telu kali nilas Tiang.” Beterus Petrus nangis éroq aséq.