K Yennu jɑɑnti yudɑnm, nɑn tinŋ nɑ ni sɑɑkɑb, nɑn *senniwɑntieb, nɑn *Suifnbɑ sɑɑkɑb kul lɑkn sɑn-nyɑpob ni, k lol lolɑ, k bɑɑn Yiesu bɑnt k jii’u sɑɑn nɑn’ɔ tinŋ yudɑɑnɔ nbɑ k b yi’u *Piilɑɑt nɑ buol.
L yuo mɑnŋ k jɑsuɑ din be dɑnsɑlk, k u sɑnn yi Bɑɑlɑɑbɑɑs. Ŋuɑ nɑn nisiɑb din be dɑnsɑlk k mɑɑn b kpikpiluk nbɑ k b dɑɑn tie duo nɑ ni k kpii nilɔ nɑ pɑɑk.
L yuo k Siilenn jɑsuɑ din be, k u sɑnn yi Siimɔn, wun nbɑ tie Aleksɑndl nɑn Lufus bɑɑ nɑ, k u nyii kpɑɑnt ni k gɑɑl lenŋ. K sejenm miɑ’u ɑ wun gɑɑl Yiesu kuun dɑpunpunn nɑ k jii.
Tɔn, k bin nbɑ sonm gɑɑl lenŋ nɑ gumi yulɑ ŋɑɑn suki’ɔ, k yien ɑ: «Fin. A tuu yɑɑ ɑ sɑɑ fit bet Yennu jɑɑnti ŋɑsɑɑkɑk nɑ ŋɑɑn biɑ mɑɑ’l dɑɑ ŋɑntɑ sinsuuk ni.
Ŋɑɑnt k Suifnbɑ Kpɑnbɑl, *Klistu nɑ, n nyi dɑpunpunn nɑ pɑɑk k sik nnɑ mɔtɑɑnɑ, k tin lɑ k tien’ɔ yɑdɑ.» K bin nbɑ k b pukn u po k kpɑɑ’b nɑ mun suki’ɔ.
Kut muntɑ yuo e, k Yiesu yikn sɑnpɑɑpo wɑɑ nɑn kunkɔsɑɑkɑl, k yet ɑ: «Eloi, Eloi, lemɑ sɑɑbɑɑktɑɑni?» k l pɑɑk tie ɑ: «N Yennu n Yennu, bee k ɑ lu’n i?»
Ŋɑnn e k b ni yenɔ tin k sɑɑ jii sɑɑpo k suunt dɑmiituk nnɑ ni, k jii sɑkn dɑɑɔk pɑɑk, ŋɑɑn donn k tul’ɔ ɑ wun nyu, k biɑ yet ɑ: «I ŋɑɑn k tii guu k lɑɑn Elii bɑɑt ɑ wun sikn’ɔ dɑpunpunn nɑ pɑɑk.»
K Suosiɑf din dɑɑ kɑtinŋ, k kpɑɑt Yiesu gbɑnɑnt dɑpunpunn nɑ pɑɑk, k pɔbn’ɔ lenŋ, k jii’u k pii kɑɑɔk nbɑ k b ponŋ din jiɑl tɑnpiiuk, k bikt kɑtɑnu, k biin l mɔb nɑ.