|
| 1 |
|
| Goika Esabato koyaerire, Mariamu Magidalena, na Mariamu ng’ina Yakobo, na Salome, bakagora amaguta amanukato, banyare kogenda komoaka. |
|
| 2 |
|
| Goika mambia chuni, rituko rie ritang’ani ri’echuma, bakagenda ase oboina, erioba korikooroka. |
|
| 3 |
|
| Bagatebania barabwo ase barabwo, “Ning’o oranyare gototigereria rigena riria korwa ase egesieri ki’oboina?” |
|
| 4 |
|
| Goika bagachia korigereria bakarora ng’a rigena riria riatigerigwe, na rirorio nigo riarenge rinene mono. |
|
| 5 |
|
| Bagasoa oboina ime, bakarora omomura oikaransete ensemo y’okorio, bweboyetie eanga endabu, bagaichana. |
|
| 6 |
|
| Ere akabatebia, “Timoichana; Yeso Omonazareti mokorigia, oria obambetwe. Ere obokire, tari aiga. Rigereria aase bamobegete! |
|
| 7 |
|
| Korende genda, motebie aborokigwa baye, na Petero, ng’a obatang’aneire kogenda Galili. Agwo nao moramorore, buna abatebetie.” |
|
| 8 |
|
| Bakarua agwo, bagatama korwa ase oboina, ekiagera basoetwe nokoiguswa na ogokumia. Tibatebetie monto ing’ana, ekiagera bairogete. |
|
| 9 |
|
| Yeso ekero abokire, mambia rituko rie ritang’ani ri’echuma akaorokera ritang’ani Mariamu Magidalena, ere oria arusetie ebirecha bitano na bibere. |
|
| 10 |
|
| Oyo akagenda agatebia baria barenge amo nere korwa kare, baare kweumia na korera. |
|
| 11 |
|
| Na barabwo, bagachia koigwa ng’a moyo are, na ororirwe nere, tibegena. |
|
| 12 |
|
| Nyuma ase aya akaorokera abanto babere ase barabwo, ore nekieni kende ekeao, ekero barenge gotaara kogenda borabu. |
|
| 13 |
|
| Nabarabwo bakagenda bagatebia abande amang’ana aria, korende abwo tibabegena. |
|
| 14 |
|
| Naende akaorokera baria ikomi nomo, ekero barenge koragera; akabatogonyera ase ogotegena kwabo na obokong’u bw’emioyo yabo, ekiagera bategenete abamoroche kabokire. |
|
| 15 |
|
| Akabatebia, “Genda ase ense yonsi, morandie enchili ase kera egetongwa. |
|
| 16 |
|
| Oyoregene na kobatiswa, natooreke, ko oyotegeneti, nagambigwe. |
|
| 17 |
|
| Na ebimanyererio ebi bie chinguru nabibatunyane abwo begenire: Ase erieta riane nabaserie ebirecha, nabakwane ase emenwa emeyia, |
|
| 18 |
|
| nababwata ching’iti, gose nabanywa egento kegoita, ko tigekobaita nonya ng’ake; nababeke amaboko abo igoro ase abarwaire, na barabwo nabagwene.” |
|
| 19 |
|
| Nabo Omonene Yeso, gakwanire nabarabwo, akabogorigwa gochia igoro, agaikaransa ensemo y’okoboko gw’okorio kwa Nyasae. |
|
| 20 |
|
| Na barabwo bakaimoka, bakarandia chinsemo chionsi. Omonene akaba ogokora emeremo amo nabarabwo, na goikerania ring’ana ase ebimanyererio bie chinguru ebiatunyanete. Amina. |
|
|
|
|