Sar naštinas t'aven ži leste, katar o baro narodo, von puterde o čardako le kheresko kai vo sas, ai von vuliarde les katar kudo puterimos pe o pato pe savo o paralitiko sas.
Ai, strazo, vo uštilo, lias pesko pato, ai gelo-tar avri angla savořende, kadia sas lenge sa šodo ai vestinas le Devles, phenenas: Ame šoha či dikhliam diela kadia.
Kai nakhelas, vo dikhlias le Levi, šiav katar o Alfeo, bešelas pala e skafidi kai pokjinen e taksa. Vo phenel leske: Av pala mande! O Levi uštilo, ai gelo pala leste.
Sar o Jesus sas pala e skafidi ande o kher ka o Levi but manuš kai kjiden e taksa le amperatoske ai žene kai nai lengo traio lašio, vi von thode pe pala e skafidi lesa ai leske vortakonsa; ke von sas but, ai gele pala leste.
Uni zakonaria, kai sas Farizianuri, dikhle les ke xal le manušensa kai kjiden e taksa ai le ženensa kai nai lengo traio lašio, phenen leske vortakonge: Sostar xal vo le manušensa kai kjiden e taksa ai le ženensa kai nai lengo traio lašio?
Sar o Jesus ašundias, vo phenel lenge: Nai kudala kai si saste ke trubul len doxtoro, numa le nasvalen. Me či avilem te akharav kudalen kai si vorta, numa le bezexalen.
Le vortača le Jonoske ai le Farizianuri postin. Von avile te phenen ka o Jesus: Sostar le vortača le Jonoske ai kudala katar le Farizianuri postin von, numa tjire vortača či postin?
Ai khonik či thol mol nevi ande le bočonkuri purane; aver fialo, e mol phagel le bočonkuri, ai e mol ai le bočonkuri xasavon; numa trubul te thon e mol ande le bočonkuri neve.
Sar dias vo ande o kher le Devlesko, pe e vramia kana sas o baro rašai o Abiatar, ai vo xalias le manře dišade pe o altari, kai slobodo ferdi le rašange te xan, ai inke vo dias ka kudala kai sas lesa!