Jesuh kah sai thawlhna dawngah thawlh peel ham aka ngaih thlaang khatsut te ah te awm u; tedawngah Sabbath khawhin ah Jesuh lawng thlaang a hoeih sak ai aw, hoeih sak nawh ai aw ti u tih ahimi lawng ayoeirepla huh ham a doen u.
Tecoengah thlaangping te, “Mami kah Phungawl lawng Sabbath hin ah n'tu sai sak ham a ngaih? Thlaang bawmcem ham aw, tihnawhtah patang khang sak ham aw?” tila a doet. Tede ahimi lawng awl kam at khaw thui u nawh.
Jesuh te a thin sa, a teng avai ah te maang tih ahimi te a bueh, ahimi a thin len tih a thawlh u te a huh vengah khatvaang atah a kaw khaw the. Tecoengah kut kheem thlaang nala te, “Na kut te yueng lah” a tina. A kut te a yueng tih theen koep.
Tecoengah Farasi hue tah Sinakok bok-im kalawng cet u tih Herod kah a thlaang thli oen huh u pahoei tih ahimi lawng Jesuh te ngawn ham khawkhanna a khueh u.
Jerusalem khawpui, Idumia peng, Jordan tuiva khawcuuk ben ramri kah Taiar oen Sidon khawpui teng kalawng aka law thlaang thli ni. Jesuh kah thaihu sai te a yaak u tih ahimi boeih lawng a tengla te law u.
Jerusalem kalawng aka law Phung-awl cangpueikung khatsut lawng, “A kaw khuiah Beelzebul awm! te tah raaithe hek thaina huham aka pe rai bawi ni” tila a thui u.
Thlaang a tha aka ra te a piin lamha nawh atah a-u lawngkhaw a im te muk tih a kaawn-ava te lawh pe thai manawh; amah te a piin coengah ni a kaawn-ava te a lawh pe thai ai.
Tede a-u khaw Ciim Muithla te thekhana awlthe aka thui tah mevengah khaw khawdawp ngaai pe thai manawh, metihtiah dungyan thawlhna te a sai poen.” a tina.
Thlaangping lawng Jesuh te a veel u tih ngawl u. Ahimi lawng, “Bueh lah, na manu oen na manau thli oen ah na ngannu thli lawng nang n'tlap u tih adauben ah awm.” a tina u.