त्यसपछि येशूले मानिसहरूलाई सोध्नुभयो, “लौ भन्नुहोस्, हाम्रो व्यवस्थाले विश्रामको दिनमा के गर्नु ठीक छ भन्छ? भलाइ गर्नू भन्छ कि हानि गर्नू? बचाउनू भन्छ कि मार्नू?” तर मानिसहरूले केही पनि जवाफ दिएनन्।
त्यसो हुँदा येशूले झोकिएर तिनीहरू सबैलाई सरसरी हेर्नुभयो। ती मानिसहरूको कठोर मनलाई देखेर उहाँ असाध्यै दु:खित हुनुभयो। अनि उहाँले त्यस मानिसलाई भन्नुभयो, “तिम्रो हात तन्काऊ!” उसले हात तन्कायो र उसको हात निको भइहाल्यो।
अब फरिसी भन्ने कट्टर धार्मिक समूहका मानिसहरूचाहिँ सभाघरबाट निस्केर गए र तुरुन्तै हेरोद राजाका मानिसहरूसँग भेटेर येशूलाई कसरी मार्ने भनी सल्लाह गर्न लागे।
येशूले गर्नुभएका अचम्मका कामको बारेमा सुनेर मानिसहरू गालील, यहूदिया र यरूशलेम सहरबाट, इदुमिआ र यर्दन नदीपारिबाट अनि टुरोस र सीदोन सहरका वरिपरिबाट पनि धुइरो लागेर आए।
[14-15] आफूसँगै रहून् अनि मानिसहरूलाई सुसमाचार सुनाउन जाऊन् र भूतहरूलाई निकाल्न सक्ने अधिकार पाऊन् भनेर उहाँले बाह्र जनालाई खटाउनुभयो र प्रेरित भनी नाउँ दिनुभयो।
कसैले हतियार भिरेको बलियो मानिसको घर फोरेर लुट्न खोज्छ भने के त्यसलाई पहिले बाँध्नुपर्दैन र? त्यसपछि मात्र उसले त्यो बलियो मानिसको घर लुट्न सक्छ।