Isa morok pole e penggirra Talaga Galilea. Oreng se agaribbung e jadhiya ce' bannya'na. Daddi Isa pas ongga ka parao e attas aeng, laju alenggi e jadhiya. Dineng oreng se bannya' gella' padha manjeng e penggirra talaga.
Tape badha keya se gaggar ka tana se landhu. Ne-bine jareya tombu, sampe' raja, laju abuwa. Buwana badha se tello polo, badha se sabidak, ban badha se saratos kalena.”
E naleka Isa kadibi'an, reng-oreng se ngedhing pangajaranna nyabis abareng ban red-moredda se dhubellas oreng. Reng-oreng jareya padha atanya maksodda parompama'an gella'.
sopaja ‘Reng-oreng jareya bakal terrosa ngabassagi tape ta' tao badha kadaddiyan apa, reng-oreng jareya bakal terrosa ngedhingngagi, tape ta' ngarte, jareya kalakon sopaja reng-oreng jareya ta' nangale'e ban ta' ngarte ban ta' entar ngadhep ka Allah ban Allah ta' nyapora dusana.’ ”
Ne-bine se gaggar e lorong rowa parompama'anna reng-oreng se ngedhing kabar parkara baramma Allah marenta. Gi' buru ngedhing kabar jareya, Iblis dhateng ngala' apa se la etabur e dhalem atena oreng jareya.
Tape kabar jareya ta' aramo' e dhalem atena, ban ta' abit omorra. Buru nemmo kasossa'an otaba ekaneyaja polana kabar jareya, laju terros mortad e bakto jareya keya.
tape oreng jareya kobater mekkere odhi'na, ban terro odhi'a mewah, napso se acem-macem maso' ka dhalem atena. Daddi kabar dhari Allah jareya tacecce' e dhalem atena, sampe' ta' abuwa.
Ban ne-bine se gaggar ka tana se landhu rowa parompama'anna oreng se ngedhing kabar jareya sarta etarema e dhalem atena, bannya' buwana. Hasella badha se tello polo, badha se sabidak, ban badha keya se saratos kalena.”
Isa laju adhabu pole, “Ba' badha'a oreng se ngodhi'i damar ban damarra jareya laju ekodhunge pennay, otabana esaba' e babana katedhunganna? Apa kerana damarra jareya ta' esaba' e ko'-tongko'na damar?
Saellana jareya Isa laju adhabu pole, “Tetene apa se ekaedhing ba'na reya! Okoran se bi' ba'na eangguy ka oreng laen, bi' Allah bakal eagemma menangka okoran ka ba'na, la'-mala' aberra'an pole.
Mon Allah marenta, kabadha'anna padha ban parompama'an reya: Badha oreng ngala' bigina sawi laju etamen e tana. Bigina sawi reya bigi se paleng kene' e dunnya.
Daddi cara jareya Isa se morok oreng bannya', ngangguy parompama'an sabannya'na se kantha jareya, menorot kakowadanna pekkeranna reng-oreng se ngedhingngagi.
Daddi oreng se bannya' jareya pas edina'agi. Isa laju ongga ka parao, bariya keya red-moredda. E jadhiya badha keya o-parao laenna. Saellana jareya Isa ban red-moredda molae alajar.
Ta' saapa abidda dhari jareya o-tao laju badha angen barat. Omba'na molae mokol parao jareya sarta maso' ka dhalem sampe' parao jareya para' possa'a ban aeng.