A y'u jaabi ko: «Tiɲɛ lo. Eli ka kan ka na fɛɛn bɛɛ labɛn fɔlɔ, nga mun na a fɔra Ala ka kuma na ko Mɔgɔ Dencɛ ka kan ka tɔɔrɔ kosɔbɛ, ko mɔgɔw bena ban a la?
Yezu ni Piyɛri ni Zaki ani Zan kɔsegira kalanden tɔw fɛ tuma min na, u tagar'a sɔrɔ jamaba y'u lamini. Sariya karamɔgɔ dɔw tun be sɔsɔli kɛra ni kalandenw ye.
N'a wilila a kan yɔrɔ o yɔrɔ, a b'a ta k'a ben duguma, a daa be kanga, a b'a ɲiiw ɲimi, a be ja kankan. Ne y'i ka kalandenw daali k'u ka jina gwɛn ka bɔ a la, nga u ma se.»
Yezu y'a ye ko jama be girinna ka na u kɔrɔ minkɛ, a ye kuma gwɛlɛya jina ma k'a fɔ a ye ko: «E min be mɔgɔ kɛ bobo ni tulogweren ye, n b'a fɔ i ye, bɔ kanbelen nin na, i kana don a la tugu.»
O tuma na, Yezu sigira k'a fɔ u mɔgɔ tan ni fila bɛɛ ye ko: «Ni mɔgɔ dɔ b'a fɛ ka kɛ ɲamɔgɔ ye, o tigi ka kan ka kɛ bɛɛ kɔmɔgɔ ye ani bɛɛ ka baaraden ye.»
«Ni mɔgɔ min ye denmisɛn nin ɲɔgɔn minɛ ka ɲa ne kosɔn, o tigi ye ne le minɛ ka ɲa. Mɔgɔ min ye ne minɛ ka ɲa, o tigi ma o kɛ ne ye, nga a ye ne cibaga le minɛ ka ɲa.»
«Denmisɛn minw ye lanaya sɔrɔ, ni mɔgɔ dɔ kɛra sababu ye k'olu dɔ kunna cɛn, yanni a tigi k'o kɛ, ni kabakuru belebeleba tun sirila a kaan na k'a fili kɔgɔji kɔnɔ, o tun ka fisa a ma.
N'i bolo be kɛ sababu ye k'i don kojugu la, a tigɛ k'a bɔ i la. I ka don arijana na n'i bolo kelen ye, o ka fisa bolo fila ka to i fɛ, i ka taga jahanama tasuma fagabali la. [
N'i seen be kɛ sababu ye k'i don kojugu la, a tigɛ k'a bɔ i la. I ka don arijana na n'i seen kelen ye, o ka fisa seen fila ka to i fɛ, i ka fili jahanama na. [
N'i ɲaa be kɛ sababu ye k'i don kojugu la, a wɔgɔbi. I ka don Ala ka masaya la n'i ɲaden kelen ye, o ka fisa ɲaa fila ka to i fɛ, i ka fili jahanama na.