Busa, halangdon nga Teofilo, tungod kay nasusi ko man pag-ayo kining tanan sukad sa sinugdan, nahunahuna nako nga angay kining isulat sa maayong pagkahan-ay alang kanimo.
Sa panahon nga si Herodes maoy hari sa Judea, may usa ka pari nga ginganlag Zacarias nga sakop sa kaparian sa hut-ong ni Abias. Ang iyang asawa mao si Elisabet nga sakop usab sa parianong banay ni Aaron.
Usa ka adlaw niana, turno kadto sa ilang hut-ong. Nagtuman si Zacarias sa iyang katungdanan sa pagkapari atubangan sa Dios sumala sa bahin sa pag-alagad nga iyang angkon adlaw-adlaw.
Sumala sa batasan nga gisunod sa mga pari, nagripa sila ug napili siya nga maoy mosunog sa insenso didto sa halaran busa misulod siya sa Templo sa Ginoo.
Apan giingnan siya sa anghel, “Ayawg kahadlok, Zacarias! Gidungog sa Dios ang imong pag-ampo ug ang imong asawa nga si Elisabet magsabak ug usa ka batang lalaki. Nganli siyag Juan.
Mag-una siya sa Ginoo inubanan sa espiritu ug gahom sama sa nabatonan ni propeta Elias. Himoon niya nga magkauli ang mga amahan ug mga anak. Ang mga masupilon iyang pabalikon sa matarong nga dalan ug andamon niya ang katawhan alang sa Ginoo.”
Ang anghel mitubag, “Ako si Gabriel nga nagtindog atubangan sa Dios nga maoy nagpadala kanako aron pagsulti ug pagsugilon kanimo niining maayong balita.
Apan wala ka motuo sa akong mensahe nga matuman gayod sa hustong panahon. Tungod niini, maamang ka! Dili ka makasulti hangtod sa adlaw nga matuman ang akong gisulti kanimo.”
Sa paggula niya, dili na siya makasulti kanila busa nagtuo sila nga nakakita siyag panan-awon sa sulod sa Templo. Ug tungod kay dili man siya makalitok bisag usa ka pulong, misinyas na lamang siya kanila.
May mensahe siya alang sa usa ka batan-ong dalaga nga ulay nga ginganlag Maria. Kaslonon siya ngadto sa usa ka lalaki nga ginganlag Jose nga kaliwat ni Hari David.
Ang anghel mitubag, “Mokunsad kanimo ang Espiritu Santo ug magpabilin ang gahom sa Dios diha kanimo. Tungod niini, ang balaan nga bata tawgon nga Anak sa Dios.
Gituman niya ang iyang saad sa atong mga katigulangan. Mitabang siya kang Israel nga iyang sulugoon ug nahinumdom siya pagpakitag kaluoy kang Abraham ug sa tanan niyang mga kaliwat hangtod sa kahangtoran!”
Namalandong ang tanan nga nakabati niini ug nangutana, “Maunsa kaha ning bataa inigkadako niya?” kay nakita nila nga ang gahom sa Ginoo nag-uban kaniya.
Misaad siya sa atong amahan nga si Abraham ug nanumpa nga iya kitang luwason gikan sa atong mga kaaway. Mitugot siya kanato nga mag-alagad kaniya sa walay kahadlok,
ug mobanwag kini gikan sa langit ngadto sa tanang nagpuyo sa kangitngit ug sa landong sa kamatayon, aron sa pag-agak kanato ngadto sa dalan sa kalinaw.”