|
| 1 |
|
| بَايَنْ حَكَ، عُبَنْغِجِ يَكُمَ ذَاٻِ وَطَنْسُ مُتُمْ سَبَعِنْ دَ بِيُ، يَعَيْكٜىٰسُ بِيُ بِيُ سُيِ غَبَ ذُوَا غَرُرُوَ دَ وُرَارٜىٰنْ دَشِ كَنْسَ يَشِرْيَ ذَيْجٜىٰ؞ |
|
| 2 |
|
| سَيْ يَثٜىٰ مُسُ «غِرْبِنْ يَنَدَ يَوَ، عَمَّا مَاسُ عَيْكِنْ كَطَنْ نٜىٰ؞ سَبُواْدَ حَكَ كُضُواْڧِ مَيْ غُواْنَرْ يَعَيْكُواْ دَ مَاسُ عَيْكِ سُيِ مَسَ غِرْبِے؞ |
|
| 3 |
|
| سَيْ كُتَڢِے؞ غَاشِ، إِنَ عَيْكَنْكُ كَمَرْ تُمَكِ ثِكِنْ ݣَرْكٜىٰتَيْ؞ |
|
| 4 |
|
| كَدَ كُطَوْكِ كُطِ، كُواْ جَكَ، كُواْ تَاكَلْمَ؞ كَدَ كُيِ دُواْغُوَرْ غَيْسُوَا عَكَنْ حَنْيَ؞ |
|
| 5 |
|
| دُكْ غِدَنْ دَ كُكَ شِغَ، كُڢَارَ ثٜىٰوَ ‹سَلَمَرْكُ مُتَنٜىٰنْ غِدَا!› |
|
| 6 |
|
| عِدَنْ أَݣَويْ طَنْ سَلَمَ أَغِدَنْ، تُواْ، بَرِ غَيْسُوَرْكُ تَسَلَمَ تَكَسَنْثٜىٰ تَرٜىٰ دَشِ؞ إِنْ كُوَ بَابُ، سَيْ غَيْسُوَرْكُ تَسَلَمَ تَكُواْمُواْ مُكُ؞ |
|
| 7 |
|
| كُذَوْنَ أَوَنَّنْ غِدَا، كُثِ كُشَا دُكْ إِرِنْ أَبِنْدَ عَكَ بَاكُ، دُواْمِنْ يَا كَمَاتَ عَبِيَ وَ مَيْيِنْ عَيْكِ حَكِّنْسَ؞ كَدَ كُبِے غِدَا غِدَا؞ |
|
| 8 |
|
| دُكْ غَرِنْ دَ كُكَ شِغَ، إِنْ أَنْكَرْٻٜىٰكُ، كُثِ دُكْ إِرِنْ أَبِنْدَ عَكَ كَٰوُاْ مُكُ؞ |
|
| 9 |
|
| كُوَرْكَرْدَ مَرَسَ لَاڢِيَ دَسُكٜىٰ أَغَرِنْ، كُكُمَ ڢَطَا وَمُتَنٜىٰنْ ثٜىٰوَ ‹مُلْكٍ اللَّهْ يَاذُواْ كُسَدَكُو؞› |
|
| 10 |
|
| عَمَّا دُكْ غَرِنْ دَ كُكَ شِغَ، عَكَڧِ كَرْٻَرْكُ، كُبِے تِيتِ تِيتِ، كُنَ ثٜىٰوَ |
|
| 11 |
|
| ‹كُواْ ڧُورَرْ غَرِنْكُ دَ تَمَنّٜىٰ مَنَ عَڧَڢَاڢُ مَا، مُنْ كَكَّٻٜىٰ مُكُ؞ عَمَّا كُسَنِ ثٜىٰوَ مُلْكٍ اللَّهْ يَاذُواْ كُسَدَكُو!› |
|
| 12 |
|
| إِنَ دَيْ غَيَ مُكُ، أَ رَانَرْ ڧَرْشٜىٰ، ذَاعَ ڢِے جِنْ تَوْسَيِنْ سُواْدُوامْ ڢِيٜىٰدَ وَنَّنْ غَرِ؞ |
|
| 13 |
|
| «كَيْتُوانْكِ، كُواْرَسِنْ! كَيْتُوانْكِ، بٜىٰڟَيْدَ! غَمَا دَ أَيُّكَنْ بَنْ مَامَاكِ دَ عَكَيِ عَثِكِنْكُ نٜىٰ عَكَيِ أَ تَيَ دَ سِدُوانْ دَ سُنْ تُوبَ تُنْ تُنِ، سُنْسَا ڟُمُّواْكِ، سُنْ ذَوْنَ، سُنَ ظُبَ وَكَنْسُ تُواْكَ؞ |
|
| 14 |
|
| أَ رَانَرْ شَرِيعَ، ذَاعَ ڢِے جِنْ تَوْسَيِنْ تَيَ دَ سِدُوانْ ڢِيٜىٰ دَكُو؞ |
|
| 15 |
|
| كٜىٰ كُمَ كَڢَرْنَهُمْ! كِنَ ڟَمَّنِ طَوْكَكَاكِ ذَاعَيِ ذُوَا سَمَ نٜىٰ؟ عَ إِنَا! ڧَسْڧَنْتَرْ دَكٜىٰ ذَاعَيِ حَرْ ذُوَا وُرِنْ ذَمَنْ مَتَتُّو! |
|
| 16 |
|
| «دُكْ وَنْدَ يَجِيكُ، نِنٜىٰ يَجِ؞ دُكْ وَنْدَ كُمَ يَڧِكُ، نِنٜىٰ يَڧِ؞ دُكْ وَنْدَ يَڧِنِ كُوَ، يَڧِ وَنْدَ يَعَيْكُواْ نِنٜىٰ؞» |
|
| 17 |
|
| مُتُمْ سَبَعِنْ دَ بِيُنَّنْ سُكَ دَاوُاْ دَ مُرْنَ، سُكَثٜىٰ « عُبَنْغِجِ ، حَرْ أَلْجَنُ مَا سُنَ جِنْمُ عِدَنْ مُنْ عُمَرْثٜىٰسُ ثِكِنْ سُونَنْكَ!» |
|
| 18 |
|
| عِيسَىٰ يَأَمْسَ مُسُ يَثٜىٰ «نَغَ شَيْطَنْ يَڢَاطُواْ دَغَ سَمَ كَمَرْ وَلْڧِيَ؞ |
|
| 19 |
|
| كُجِ نَنْ! نَبَاكُ إِيكُوانْ دَ ذَاكُ تَاكَ مَثِيظَيْ دَ كُنَمَيْ، كُكُمَ شَا كَنْ دُكَنْ إِيكُوانْ مَاسُ غَابَا، بَابُ كُمَ أَبِنْدَ ذَيْ ڢَرُ دَكُو؞ |
|
| 20 |
|
| دُكْدَهَكَ كَدَ كُيِ مُرْنَ دُوانْ أَلْجَنُ سُنْجِيكُ، كُيِ مُرْنَ دَيْ دُواْمِنْ أَنْرُبُوتَ سُونَيٜىٰنْكُ أَ سَمَ؞» |
|
| 21 |
|
| أَوَنَّنْ لُواْكَثِ، عِيسَىٰ ثِكٜىٰ دَ ڢَضٍ ثِكِ تَوُرِنْ رُوحُ مَيْ ڟَرْكِے ، يَثٜىٰ، «نَا غُواْدٜىٰ مَكَ، يَا عُبَا، عُبَنْغِجِنْ سَمَ دَ دُونِيَا، دُواْمِنْ كَا ٻُواْيٜىٰ وَطَنَّنْ أَبُبُوَ غَ مَاسُ حِكِمَ دَ مَاسُ عِلِمِ، كَكُمَ بَيَّنَسُ غَ یَنْ يَارَا؞ حَكَنٜىٰ يَا عُبَا، غَمَا وَنَّنْ شِينٜىٰ أَبِنْدَ يَيِمَكَ ݣَوْ؞ |
|
| 22 |
|
| «عُبَانَ يَبَانِ دُكَنْ أَبُ؞ بَاوَنْدَ يَسَنْ كُواْ وَنٜىٰنٜىٰ طَنْ سَيْدَيْ عُبَنْ كَطَيْ، كُواْ كُمَ يَسَنْ كُواْ وَنٜىٰنٜىٰ عُبَنْ سَيْدَيْ شِ طَنْ دَ كُمَ وَنْدَ طَنْ يَسُواْ يَبَيَّنَ مَسَ؞» |
|
| 23 |
|
| سَيْ يَجُويَ وُرِنْ أَلْمَجِرَنْ، يَثٜىٰمُسُ عَٻُواْيٜىٰ «كُو مَاسُ أَلْبَرْكَنٜىٰ دَ وَطَنَّنْ أَبُبُوَ سُكَ ڢَرُ أَعِدَنُونْكُ! |
|
| 24 |
|
| إِنَ غَيَ مُكُ، أَنَّبَاوَا دَ سَرَاكُنَ دَيَوَ سُنْسُواْ سُغَ أَبِنَّنْ دَ كُكٜىٰ غَنِ عَمَّا بَسُسَامِ دَامَبَ؞ سُنْسُواْ سُجِ أَبِنْدَ كُكٜىٰجِ عَمَّا بَسُجِبَ!» |
|
| 25 |
|
| سَيْغَا وَنِ مَلَمِنْ كُواْيَرْوَرْ مُوسَٰى يَمِيڧٜىٰ ڟَيٜىٰ دُواْمِنْ يَڠُودَ عِيسَىٰ ؞ يَتَمْبَيٜىٰشِ يَثٜىٰ «مَلَمْ، مٜىٰ ذَنْيِ دُوانْ إِنْغَاجِ رَيْ نَهَرْ أَبَدَا؟» |
|
| 26 |
|
| عِيسَىٰ يَأَمْسَ مَسَ يَثٜىٰ «مٜىٰ كُواْيَرْوَرْ مُوسَٰى تَثٜىٰ؟ يَيَ كُمَ كَكٜىٰ ڢَسَّرْتَتَ؟» |
|
| 27 |
|
| مُتُمِنْ يَثٜىٰ «أَنْثٜىٰ، ‹كَڧَوْنَثِ عُبَنْغِجِ اللَّهْ نْكَ دَ دُكَنْ ذُوثِيَارْكَ دَ دُكَنْ رَنْكَ دَ دُكَنْ ڧَرْڢِنْكَ دَ كُمَ دُكَنْ حَنْكَلِنْكَ؞ كَكُمَ ڧَوْنَثِ مَڨُوبْثِنْكَ كَمَرْ يَدَّ كَكٜىٰ ڧَوْنَرْ كَنْكَ›؞» |
|
| 28 |
|
| عِيسَىٰ يَثٜىٰ مَسَ «كَا ڢَطَا دَيْدَيْ؞ تُواْ، كَيِ حَكَ، ذَاكَ رَايُ؞» |
|
| 29 |
|
| عَمَّا مَلَمِنْ كُواْيَرْوَرْ يَسُواْ يَنُونَ ثٜىٰوَ بَاشِ دَ لَيْڢِے؞ سَبُواْدَ حَكَ سَيْ يَتَمْبَيِ عِيسَىٰ يَثٜىٰ «شِنْ، وَنٜىٰنٜىٰ مَڨُوبْثِنَ؟» |
|
| 30 |
|
| عِيسَىٰ يَأَمْسَ مَسَ يَثٜىٰ «أَنْ تَٻَيِنْ وَنِ مُتُمْ وَنْدَ يَتَاشِ دَغَ عُرُوشَلِيمَ يَنَ غَنْغَرَ ذُوَا يٜىٰرِكُواْ؞ سَيْ يَهَطُ دَ یَنْ ڢَشِ، سُكَ ڨُوثٜىٰ مَسَ كَايَنْسَ، سُكَيِ مَسَ مُوغُنْ دُوكَ، سُكَ بَرْ شِ أَوُرِنْ بَاكِنْ رَيْ دَ مُتُوَ؞ |
|
| 31 |
|
| أَنَانً سَيْغَاشِ وَنِ ڢِرِسْتِ يَبِيُواْ كَنْ وَنَّنْ حَنْيَ؞ دَ يَغَ مُتُمِنَّنْ عَݣُونْثٜىٰ، سَيْ يَبِے تَغٜىٰڢٜىٰ يَوُثٜىٰ أَبِنْسَ؞ |
|
| 32 |
|
| حَكَمَا وَنِ مُتُمِنْ ذُرِيَرْ لَوِ دَ يَذُواْ وُرِنْ يَغَنْشِ عَݣُونْثٜىٰ، شِے مَا يَبِے تَغٜىٰڢٜىٰ، يَوُثٜىٰ أَبِنْسَ؞ |
|
| 33 |
|
| أَنَانً دَيْ، سَيْ حَنْيَ تَكَٰوُاْ وَنِ مُتُمِنْ سَمَرِيَ عِنْدَ يَكٜىٰ؞ دَ يَغَ مُتُمِنَّنْ، سَيْ تَوْسَيِ يَكَامَ شِ؞ |
|
| 34 |
|
| يَجٜىٰ وُرِنْسَ، يَظُبَ مَيْدَ ضُوً إِنَبِے أَ مِيكِنْسَ، سَعَنً يَطَطَّوْرٜىٰسُ؞ يَطَوْكٜىٰشِ يَسَا عَكَنْ جَاكِنْسَ يَكَيْشِ وَنِ مَسَوْكِ، يَيِ جِنْيَرْسَ؞ |
|
| 35 |
|
| وَشٜىٰغَرِ، سَيْ يَطَوْكِ يَوَنْ كُطِنْ دَ لٜىٰبُرَ ذَيْسَامُ عَكْوَانَ بِيُ يَبَا مَيْ مَسَوْكِنْ، يَثٜىٰ، ‹كَلُورَ مِنِ دَ وَنَّنْ مُتُمْ، عِدَنْ نَدَاوُاْ، ذَنْ بِيَاكَ دُكْ أَبِنْدَ كَكَشٜىٰ عَكَنْسَ بَايَنْ وَنَّنْ؞› » |
|
| 36 |
|
| عَڧَرْشٜىٰ سَيْ عِيسَىٰ يَتَمْبَيِ مَلَمِنْ كُواْيَرْوَرْ نَنْ يَثٜىٰ «أَغَنِنْكَ وَنٜىٰنٜىٰ عَثِكِنْ مُتَنٜىٰنَّنْ عُكُ يَنُونَ حَلِنْ مَڨُوبْثِ غَ مُتُمِنَّنْدَ يَڢَاطَ أَهَنُّنْ یَنْ ڢَشِ؟» |
|
| 37 |
|
| مَلَمِنْ كُواْيَرْوَا يَثٜىٰ «وَنَّنْدَ يَجِ تَوْسَيِنْسَ؞» عِيسَىٰ يَثٜىٰ مَسَ «سَيْ كَيْ مَا كَتَڢِے كَيِ حَكَ؞» |
|
| 38 |
|
| عِيسَىٰ دَ أَلْمَجِرَنْسَ سُنَ ثِكِنْ تَڢِيَ كٜىٰنَنْ، سَيْ يَكَيْ وَنِ ڧَوْيٜىٰ عِنْدَ وَتَ مَثٜىٰ مَيْ سُونَ مَرْتَ تَكَرْٻٜىٰشِ أَغِدَنْتَ؞ |
|
| 39 |
|
| عِتَ مَرْتَ تَنَدَ یَرْعُوَ مَيْ سُونَ مَرْيَمُ، وَدَّ تَذَوْنَ كُرْكُسَدَ عُبَنْغِجِ تَنَجِنْ مَغَنَرْسَ؞ |
|
| 40 |
|
| مَرْتَ كُوَ عَيْكِنْ عَبِنْثِ يَطَوْكٜىٰ مَتَ حَنْكَلِ، سَيْ تَجٜىٰ وُرِنْ عِيسَىٰ تَثٜىٰ « عُبَنْغِجِ ، بَكَدَامُ دَ يَدَّ یَرْعُوَتَ تَبَرْ مِنِ يِنْ عَبِنْثِ نِے كَطَيْبَ؟ ڢَطَا مَتَ تَذُواْ تَتَيْمَكٜىٰنِ مَنَ؞» |
|
| 41 |
|
| عَمَّا عُبَنْغِجِ يَأَمْسَ مَتَ يَثٜىٰ «مَرْتَ، مَرْتَ، حَنْكَلِنْكِ يَتَاشِ، كِنْ كُمَ دَامُ عَكَنْ أَبُبُوَ دَيَوَ؞ |
|
| 42 |
|
| عَمَّا أَبُ طَيَ تَكْ عَكٜىٰ بُڧَاتَ؞ مَرْيَمُ تَا رِغَا تَا ذَاٻِ أَبُ مَيْݣَوْ، وَنْدَ بَذَاعَ عِيَ كَرْٻٜىٰ مَتَبَ؞» |
|
|
|
|