Bu mambu yai imene, Mfumu solaka makumi nsambwadi yankabasika na bala-bala ya bau, ye tuka, ye fidisaka bau zole zole nantwala na luse ya yandi ku bambanza ye sika yonso ya yandi kibeni zola kwenda.
Buna yandi tubaka kwa bau: Ngionzoko ikele mingi kieleka, kansi basadi ikele mingi ve. Mpilayai beno lomba kwa Mfumu ya ngionzoko na yandi fidisa basadi mu ngionzoko ya yandi.
Ndola kwa nge, Kolazi! Ndola kwa nge Betesaida! Kadi kana kisalu ya ngolo salwaka mu Tilo ye mu Sidoni, mpilamosi yo salwaka mu beno, ntama bau pindulaka mabanza, ye vandaka mu lele ya ngoto ye putulu.
Na lokula yina, yandi yangalala mu Mpeve Yanlongo ye tubaka: Mono pesa nge matondo, Tata, Mfumu ya zulu ye ntoto, kadi nge swekaka mambu yai kwa bandwenga ye bantu ya ngangu, kansu nge zabisaka yo kwa bana fioti. E, Tata, kadi mpilayai yo ikele kuyangidisa nge.
Kadi mono tuba kwa beno: Bambikudi mingi ye bantinu zolaka kumona mambu ya beno ikele kumona, kansi bau monaka yau ve, ye kuwa mambu ya beno ikele kuwa, kansi bau kuwaka yau ve.
Yandi vutulaka ye tubaka: Zola Mfumu, Nzambi ya nge, mu ntima ya nge yonso, ye mu mwela ya nge yonso, ye mu ngolo ya nge yonso ye mu mabanza ya nge yanso ye zola bamfinangani ya nge bonso nge kibeni.
Yesu vutulaka, kutuba: Muntu mosi katukaka na Yelusalemi ye kulumukaka ku Yeliko, yandi kubwaka mu maboko ya bantani, bau katulaka mvwatu ya yandi ye bulaka yandi, ye katukaka, ye bikaka yandi mfinama ku lufwa.
yandi kwendaka kuzingila lele va bamputa ya yandi; ye tulaka yau mafuta ye vinia, ye tulaka yandi va mpunda ya yandi, ye nataka yandi ku nzo ya banzenza, ye sadisaka yandi mbote.
Na suka yandi basisaka mbongo denali zole, ye pesaka yau kwa mfumu ya nzo, ye tubaka kwa yandi; Sadisa yandi mbote; ye konso nki ya nge futila yandi, bu mono vutuka, mono tavutudila nge yau.