Ŋɑnn e k u yet’b ɑ: «Dii nɑ biel k yɑb ɑ, ŋɑɑn k dijɑɑntieb wɑɑl. L pɑɑk, ii mei mɑn dii nɑ dɑɑnɔ k wun ŋɑnm pukn dijɑɑntieb k te k bin sɑɑn jɑɑn u dii mɑnŋ.
«L sii bi yinm Kolɑsentieb pɑɑk. L sii bi yinm Betsɑidɑtieb mun yɑɑ pɑɑk. K mɑɑn mi i bo i tun bɑktnɔunŋ tuonjɑɑnɑ Tiil nɑn Siidɔn doi ni nɑn mɑɑ dɑɑn tun i doi ni nɑ, b bo sɑɑ mɔ kuɑŋɑɑn yiɑn ɑ k jii bɔtuot k liɑ liɑ k puk b mɔnŋ tɑnpen k wɑnn nɑn b luon k bin lebt binbenŋ.
L yuo nɑ k Yiesu din yet u *puolpoweitieb ɑ: «Wun nbɑ gbiin i mɑɑn, u gbiin min e, ŋɑɑn wun nbɑ yet’i, u yet min e, ŋɑɑn wun nbɑ yet’n, u yet Yennu nbɑ tun’n nɑ e mun biɑk.»
L yuo mɑnŋ k Foŋɑnm din te k Yiesu mɔk pɑlpienn hei, k yet ɑ: «N Bɑɑ wun nbɑ tie sɑnpɑɑpo nɑn tingbounŋ nɑ Yonmdɑɑnɔ, n piɑk’ɑ, k mɑɑn ɑ bɔl lɑbɑɑl mɑnŋ subndɑnm nɑn mitieb buol e, ŋɑɑn fiit wɑnn wɑɑs. Nnn Cɑnbɑɑ, nnɑ e k ɑ luon k ɑ tun, k l mɑn’ɑ.»
Yiesu biɑ din ŋɑnm yet ɑ: «N Bɑɑ e wɑnn’n mɑɑn kul ɑ. Suɑ k mi Bijɑ nɑ nbɑ tie wun nbɑ sie Bɑɑ mɑnŋ, k suɑ mun biɑ k mi Bɑɑ mɑnŋ nbɑ tie wun nbɑ, sie Bijɑ nɑ, nɑn bin nbɑ k Bijɑ luon wun fiit Bɑɑ mɑnŋ wɑnn’b nɑ.»
N yien’i e nɑn *Yennu sɔkniinbɑ nɑn kpɑnbɑlɑ bonciɑnn din luon bin lɑ lin nbɑ k i lɑɑt nɑ, ŋɑɑn din k lɑ, k biɑ din luon bin gbɑt lɑbɑɑl nbɑ k i gbiɑ nɑ, ŋɑɑn din k gbɑt.»
K Yiesu jiin k yet’ɔ ɑ: «Jɑsuɑ din nyii Selusɑɑlenm k siik Seliiko, k fɑt-tieb tɑn pikn’ɔ k liɑt u tiɑt k fɑt, ŋɑɑn buo’u bonciɑnn, k tɑn tenn u kuun dɑlk dɑlk nnɑ, ŋɑɑn nyik’ɔ.
Lɑɑ din tɑn yent yuo nbɑ k u jii denienbɑ ŋɑnle k tul wun nbɑ din goli sɑɑnm dieok nɑ, ŋɑɑn yet’ɔ: ‹Ii goli juɑ nɑ, k mi i tɑnŋ i jen dɑɑl nbɑ, n sɑɑ pukn’ɑ lin nbɑ k ɑ din’ɔ k pukn nɑ pɑɑk.› »
Yiesu nɑn u puolpoweitieb din sɑɑ b sɔnu, k b sɑɑ bɑɑl digbɑnbisiɑk nnɑ ni, k puosuɑ din be lenŋ k b yi’u Mɑɑlt, k u din gɑɑl Yiesu nɑn pɑlpienn u ŋɑɑk ni.
Ŋɑɑn k Mɑɑlt mun din gbɑɑ nɑn sɑɑncɑntuk kul kul, k u tɑn bɑɑl yet Yiesu ɑ: «N Yonmdɑɑnɔ, mɑɑ gbɑɑ nɑn sɑɑɔnŋ cɑntuk n kuukuɑ, ŋɑɑn k n niipuo nɑ k sonmt’n, ɑ bɑkɑ kɑɑ l po oo? Yet’ɔ k wun bɑɑl k tɑn sonm’n.»