Ani ekisidi toseu Ekapolon ngitunga ngitomwon-kaarei ka ngiarei tomea a ngiarei-rei kingarenikis toloto lorerea daang ka akwap na asaki ngesi elope alosit.
Tolimok ngimeanara keng tama, “Itwaan cha daang ni epupi ngakiro kus, epupi tani nakang, itwaan cha daang ni kingeri esi, kanger tani ayong, ani ngini kangeri ayong, anger tani lokolong kameuni ayong.”
Topupokisi! Kainak ayong esi agogongu topedoreta esi akipudare ngimunio ka ngikuutanea sodi kipiyosi agogongu daang na a Emoit, nabo emam ibore kiwani esi.
Esaa lopei ngolo tolom Etau a Akuj nia Yesu kitalaka lokojokon, tolim tama, “Apa, Ekapolon a adis ka kwap! Kabuakinit iyong alakara kainyo ipudok iyong lu nyeosok ngakiro na idaitae ani eyakasi lukebe a ngakies ka lukoosok. Kongina Apa, isub iyong nguna daang loger lo ichamit iyong alope.”
Tolim Yesu tama, “Kainaki ayong Apakang ngiboro daang: emam itwaan ni eyeni Lokookeng atamar ngesi ngae, mati Apa, nabo emam itwaan ni eyeni atamar Apa ngesi ngae, mati Lokookeng ka ngulu daang esaki Lokookeng akidodikin Apa keng.”
Tatachak ekile ngolo tama, “Echamit iyong iminakini Akuj Ekapolon kon a etau kon kadaang, ka akiyar kon daang, ka ngikilinga kon daang ta ngitamen kon daang, ‘Nabo echamit iyong iminakini ekidunyet kon loger lo iminar iyong akwaan kon a ilope.’ ”
Itwaan a ekitela a Lawi dang lo arai ekasuban etich Alokai a Akuj, abu kitoru lorot ngolo loger a loche, ani ingolikini itwaan eperi alorot, sodi kinacha kitor wache.
Tolot Esamariat diyete itwaan ngini, abu kidokanak akimiet ta emuna najemei keng, sodi toen. Kidokok ngesi itwaan ngini losikiria keng tanang kai a ngipeyok, kitan ngesi itwaan ngini kaneni.