Ya re ge Jesu a le mo gongwe mo a bego a rapela, a re go fetša, e mongwe wa barutiwa ba gagwe a mo kgopela a re: Morena, re rute go rapela, bjalo ka Johane le yena a rutile barutiwa ba gagwe.
Jesu a re: Ge le rapela le re: Tatawešo wa magodimong! Leina la gago a le kgethwe; mmušo wa gago a o tle; thato ya gago a e dirwe mono lefaseng bjalo ka ge e dirwa legodimong;
A bolela le bona a re: E ka re ge e mongwe wa lena a na le mogwera, mme a ya go yena e le mašegogare, a mo kgopela a re: Mogweraka! Nkadime dinkwa tše tharo;
Wa ka ngwakong, a le re a ka fetola a re: Lesa go ntshwenya; lemati le šetše le tswaletšwe; mme bana baka ba robetše dilaong le nna; ga ke kgone go tsoga ka go fa -- A a ka realo?
Ke mang mo go lena, yo e lego tata go ngwana, e rego ge ngwana wa gagwe a mo kgopela bogobe, a mo fe lebje? Ge a kgopela sešeba, a mo fe noga bakeng sa hlapi?
Bjale, ge ešita lena le lego ba babe, le tseba go nea bana ba lena dineo tše botse, a Tataweno wa magodimong ga a le fetiše kgole? Ba ba mo kgopelago o ba nea Moya wo Mokgethwa.
Mohla moya wa ditšhila o tšwago go motho, o putlaputla dinaga tša lesehla, o nyaka bokhutšo. Ge a bo hlokile, o tlo re: Ke tlo boela ngwakong waka, wo ke tšwilego go wona.
Bjale o ye o tliše meoya e mengwe e šupilego, e o fetišago ka bokgopo, gomme ge e tsene e dula gona, mme tša motho eo bjale e yo ba tše di fetišago tša mola pele ka bobe.
Mohla mašaba a bothegile, a thoma go bolela a re: Moloko wo ke o mobe, o nyaka mohlolo; mme o ka se bontšhwe mohlolo, ge e se mohlolo wa Jona moporofeta.
Mohumagadi wa Borwa mohla wa kahlolo o tlo tsoga, a lebana le banna ba moloko wo, a ba tšwa; gobane yena o tlile a etšwa pheletšong ya lefase, a tla go kwa bohlale bja Salomo. Gomme tsebang, yo e lego e mogolo go Salomo o fa.
Banna ba Ninife mohla wa kahlolo ba tlo tsoga ba lebana le moloko wo ba o tšwa; gobane bona ba sokologile ba kwile lefoko la Jona. Gomme tsebang, yo e lego e mogolo go Jona o fa.
Leihlo ke lona lebone la mmele. Ge leihlo la gago le lokile, mmele wa gago ka moka o tlo etša; fela, ge e le le lebe, le mmele wa gago e tlo ba wa lefsifsi.
Fela, le ba madimabe lena bafarisei, gobane le ntšha salesome go leroto le lehloko le merogo, le tle le fete toko le lerato la Modimo. Go swanetše ge go dirwa tšeno mme le tšela di se leswe.
Jesu a re: Le lena ba melao le ba madimabe, gobane batho le ba rweša merwalo e robago; mme lena merwalo yeo ga le e kgwathe le ka monwana o tee wa lena.
Ke tšona tše bohlale bja Modimo bo di boletšego bja re: Ke tlo ba romela baporofeta le batseta; gomme ba tlo bolaya ba bangwe ba bona, ba tlo ba tlaiša,