Akolongit apei elipit Yesu awache. Ani erumori, abu epei a ngirukitos a Yesu tolimok ngesi tama, “Ekapolon, kitatamae sua akilip loger lokolong etatamea Yoana ngirukitos keng.”
Sodi tolimok Yesu ngirukitos keng tama, “Kori eyei ipei kus ni elosi ni eyei lopae keng nakwaare dio tolimok ngesi tama, ‘Ekone, nakinae ayong ngamugati kon ngauni ataar amicha.
Nakaneni ayeni Yesu na etamete kesi tolimok tama, “Akwap na etiakatiakatar ngitunga tojwoto make, inyasun akwap ngina, ani ketiakatiakasi ngitunga a awi aapei, ialarosi kesi.
Ani ketiakatiaka Apolou a Esiitan tojwoto ngajorei keng make, ikokini Apolou keng erubakini ai? Ibaasi esi etwaranakini ayong ngipean kotere agogongu na aanyuni ani a Belesebul.
Nakaneni ani na ebunio ekile lokajwon noi kitijik nabo kidwang ngesi, echunari ngakwaaras daang na igieno ngolo idwangi ngesi, sodi totiakatiaka ngiboro lu engatari ngesi.
Sodi tolot toriku ngipean ngiche ngikan-kaarei luaronok noi lu idwangito ngesi, sodi pot kiboikinos nitwaan. Nakaneni ani ekisidi, eroner itwaan ngini noi kidwang nikolong ngorot.”
Na alimunio Yesu kongina, abu aberu kikea etoil keng alokiding asepich a ngitunga tolimok ngesi tama, “Elakara noi aberu nakolong kidouni iyong, sodi kitanak!”
Loger lokolong araakar ekadwaran Yona akitoodikinet a ngitunga a akwap a Ninewi, loger lopei ngolo, Lokookeng a Itwaan dang eliwor akitoodikinet a ngitunga a ngirwa kalu.
Akolongit na a eriras, enyouni akapolon a akwap a Cheba sodi kirira ngitunga lu a ngirwa kalu, kainyo anyouni kolong ngesi anakwap keng tolot erot lokooyen noi ebunit akiirar ngakitatamet na aosou a ekapolon Solomon, nakaneni kalimokinit ayong esi atamar eyei ibore nege ni epolot ni idwangit tani Solomon.
Sodi tolimok Ekapolon Yesu ngesi tama, “Tokona, ikote esi Ngiparisayo ekopo ka atubwa na ilasio nikalapatan bon nakaneni tooma kus ileleba ademanu ka aronis.
“Oitiakoi! Abe etioko nginyas lu ianyunete esi Ngiparisayo! Ilemanakinete esi Akuj alemikinet apei anatomon a ngikito alu itoboboote akimuj, nakaneni nyirichakinito esi akitiriyan ngakiro niajokon nabo nyiminasi esi Akuj. Ejoikinit esi isubete ngakiro nugu daang peijamuarito ngache.
“Oitiakoi! Abe etioko nginyas ianyunete esi Ngiparisayo. Iminasi esi akiboyonokin lokicholongo luajokak anakais a Atuk, nabo kimalae a arimatoi ani egieleta ngitunga ngiboro.
Tatachak Yesu tama, “Oitiakoi! Abe etioko nginyas ianyunete esi dang ngiketatamak a etal! Ikote esi ngitunga, lu isiwokito luche ngiegosio lu apotiok lu nyedakun tarai nyisakete esi ngikulepek akingarakin kesi akiwok ngiegosio ngulu.
akisiakin anaaret a Abel tanang aaret a Sekaria, lokolong aarakinio kiding akai a Akuj ka ekeno lo ipeyonokinere Akuj. Ee robo, kalimokinit ayong esi ngakiro na iteni atamar, irirao ngitunga a ngirwa kalu kotere nguna daang!
“Oitiakoi! Abe etioko nginyas ianyunete esi ngiketatamak a etal. Iwaa esi engaet lo elomarere naosou. Nyilomarete bo tani esi ngikulepek, nakaneni iratakis esi tani ngulu esakete alomar!”